" في حروب الارواح مالقيت الا انتِ يالروح الندية "

البارت التاسع والعشرين

انتهوا من العشاء طلعت هند وهي ماسكة الشاهي بتوديه لمجلس الرجّال
سلطان بهمس : هندد!!
لفت وهي تناظره : سلطان
سلطان : ادخلي بجيك مع مدخل الحريم
دخلت وهي تنتظره عند المدخل
سلطان والابتسامة واضحه عليه : هلا باللي له الخافق يهلي ، شلونك ؟
هند والابتسامة مزينه ثغرها وشعرها المنسدل على اكتافها : بخير وانت
سلطان : دامني شفت حبيبي بخير ابشرك
هند : من اليوم انتظر احد يناديك
سلطان : ليش ماقلتي لريم تناديني ؟
هند : تستهبل كيف تدخل عليكم ؟!
اردف بأستذكار : يوهه صح المهم خلينا من الرّيم وطاريه
هند : انا لازم ادخل الحين اخاف يحسون فيني
سلطان : عادي تراك مع زوجك ؟!
هند : مخطوبين وابوي ما يحب هالامور فمان الله
انقهر من حركتها وهو يدخل عند الرجّال
-
دخلت هند وتصنمت من شافت امها معارضتها
صغرت عيونها بشك : بنت من وين انتِ جايه ؟
هند : اءء كـ نتت جايه من هذا
سُعاد : وشو هذا ؟!
هند : نايففف اي نايف كان مناديني اجي اساعده
سُعاد : تساعدينه بوش اخوانك عنده !
توهقت وهي ماعرفت ترد : ايييي مسكين زلق عند الباب وجيت ساعدته
سُعاد بخوف : وشنهووو طاح والحين هو وينه فيه ؟؟
دخل نايف عليهم وهو ماسك المبخرة لأجل يشبون الفحم : يمه الله يعافيك حطي فحم
احتضنت وجهه وهي تسمي عليه : بسم الله عليك من وين طحت ياحبيبي هاه قلي
‏هند صفقت يدها على جبهتها بهمس : الله ياخذني
تصنم بصدمه وهو مستغرب من حركة امه : وشهو يمه !؟
هند وهي تغمز له : طيحتك خفيفه ماله داعي تكبرين الموضوع يمه
نايف : طيحة وش
ابتعدت سُعاد وهي مصغره عيونها : انت ماطحت ؟
اشرت له هند بترجي
نايف : اهاا اي اي طحت بس خفيفه
سعاد بشك : متأكد ؟
هز راسه بأي
يوم جديد في الصباح تحديدا بيت الجد جابر ال مسعد
الساعة 00 : 10 صباحاً
الجد جابر دخل على العيال اللي نايمين بالمجلس
اردف بهمس : هذولي اللي كنت احكي فيهم عند الرجاجيل انهم يصحون بدري أيا السرابيت اردف بحدة : ورعع انت وياه قم قموا على حيلكم
فز عُدي : قمت قمت
الجد : وين قمت وانا اشوفك راقد
عُدي : لالا قمت
قام وهو متجه لدورات المياه " يكرم القارئ "
وهو يسمع هواش جده
صقر : افف اففف بنام ما انام يعني
فز امير من شاف جده ماسك صقر مع اذنه : شقلت ؟
صحصح برعب : هااه جدي شجابك ؟؟
الجد جابر : اجل انا تتأفف بوجهي يالسلتوح ؟!
صقر : هذي حبه على الراس بس فك اذني يرحم لي والديك
فكة وهو يطق عصاته على الباب : امير قمم قامت قيامتك قم اسمع انت وياه بروح واجي ٥ دقايق القاكم نايمين  لأدفنكم هنا فاهمين وانت يالسربوت رح للخباز جب خبز
امير : ابشر
قامو وهم ياخذون مناشفهم ومتجهين لدورة المياه
-
عند البنات
جمان وهي ترفع جوالها : افف مافي نت
مايا بسخرية : هذي ديرة مو الرياض اكيد الابراج ضعيفه
اسمعوا شرايكم نروح لبنات ابو راشد يعني بما اننا صرنا جيران واكثر من اهل شرايكم ؟ نروح ؟
رحاب : مافي روحه لعنبوكم توكم متعرفين امس ما امداها طاحت الميانه
افنان : عميمه شفيك ماتبون نستانس وننبسط
رحاب : شوفوا عن امي ماظنتي انها توافق مايا خذي هذي الصحون وديها لمهم
مايا : شفيها الصحون ؟
رحاب : فطور لهم
جمان بجوع : امممم يالريحة تشهي اقتربت وهي تفتح الصحون الله عميمه يسلم يدياتك مسكت الخبز وهي بتاكل استوقفها صراخ مناهل اللي طلعت من المطبخ بتعب : لااااااااا مو لكم انتم فطوركم بالصاله
و سُرعان ماشرقت وهم يشربونها مويه : خاله شفيك
مناهل : مثل ماقلت فطوركم بالصاله
رحاب : مايا بسرعه وديه قبل يبرد
-
طلعت وهي لابسة عبايتها وحاطه الطرحة على شعرها
توجهت للبيت وهي تطق الباب
راشد وهو ماسك يد بنته : جاي. جاي
فتح الباب وانصدم انها نفسها اللي امس صقع فيها
صبا : مايا
مايا بأبتسامه تزين ثغرها : اي مايا
سرعان مافكت يد ابوها وهي تحضن مايا
رفعت يدينها وهي حاملة الصينية
استغرب راشد انها ماده الصينية له
تنرفزت من حركته : شفيك مصنم هنا امسك بينكب علي وعلى بنتك !!!