" في حروب الارواح مالقيت الا انتِ يالروح الندية "

البارت الخامس والعشرين

طلعت من بعربيتها للحوش وهي تشرب شاهي
رفعت راسها للسماء وهي تظلم غمضت عينها بقوه وهي تدعي من قلبها ان الله يرد عافيتها لها قاطعه حضن ابوها لها وهو يسكر عيونها بيداه
ناصر بتغير صوت : انا مين
ضحكت وهي ترفع يد ابوها : ناصر ال نمر
ناصر بضحكة طفيفه : صح يلا يا ابوك توصين على شي
نسرين وهي تبوس يد ابوها : مابي إلا سلامتك بعدين البيت قدامنا
ناصر : صدقتي بس ماودك تروحين معي تونسين ؟!
نسرين بتكشيرة : البيت هذا لو اموت ما اطبه ولا اعتب بابه
ناصر بتنهده عميقه : رجعنا لطاري اللي يعني
نسرين : ولا بنساه
ناصر : تراه مقدر ومكتوب ومحدن يعارض حكمة ربي تراها يمكن خيره لك رفع يده وهو يشوف ساعته : انا ابطيت على العرب بروح لهم الليا بغيتي شي دقي فمان الله
هزت راسها : فمان الله الله يحفظك
-
العنود : جيبي الفحم يابنتتت
سُعاد : عانيني جبته مير العود وينه ؟
العنود وهي ترفع يدها : هذا هو بيدي
سُعاد : يازين ريحته انتِ ماخذته من ام فجر ؟
العنود : اي حلو ريحته شميته فبيت ام فجر وعجبني و وصيتها تجيبلي منه وما قصرت
سُعاد : يعطيكن العافيه انتِ روحي بخري وانا بنادي البنات
-
عند البنات
هند وهي ماسكه مكرة الخياطه بفمها وتشد على فستان سُلاف
نجود : ترا باخذ كحلتك بكرا بالمدرسة
سُلاف وهي تتحرك : لاااا إلا اغراضي ماقصرتي كل كحولاتي ضيعتيها بعدين من متى تداومين انتِ
نجود : خلاص باقي شهر واتخرج بشد حيلي الحين
هند بصراخ افزعهم : سُلاااااااااااااافففف اثبتي ولا والله ما اخيط لك

سُلاف بترجي : لا تكفين خيطيه لي رجيتك
دخلت سُعاد وهي معصبه : بنتت اعقلي وشهوله ها الصراخ بسرعه خلصن وانزلن استقبلن الضيوف وانتِ يانجود خذي المبخر من امك وبخري من اليوم وهي تدرج ( معناها : تحوس ) بالبيت
نجود : ابشري
طلعت سُعاد وهي تسكر الباب خلفها
نجود وهي تلف على هند المعصبه وهي تخيط : إلا يقولون حبيب القلب بيجي
انفجرت ضحك سُلاف وهي تحاول تكتمها
هند وهي تفتح عيونها : وانتِ شدخلك بعدين انزلي ساعدي خالتي
نجود وهي تغمز : خالتي اجل اي خاله قصدك ام سلطوني على كل حال سلطوني بيجي
مسكت المكره وهي ترميها على نجود اللي تضحك وهي تطلع من الغرفه التفتت لسُلاف اللي كاتمه ضحكتها شدت على فستانها بقوه وهي تصرخ : اسكتيي
-
دخل ناصر وهو يلقي السلام
ابو راشد : عليكم السلام ورحمة الله وبركاته يالله انك تحيي ولد نمر
ناصر : البقى وانا اخوك وشلونكم
ابو راشد : دامك بخير ياخيِّي انا بخير اقلط
مشى وهو يسلم على البقيه
ابو راشد : ياسلمان قم صب القهوة 
فز من سمع ابوه يزهمه : سم
رفع الدلع وهو يصب له : سم ياعم
ناصر : سم الله عدوك  التفت وهو يناظر راشد : الحمدلله على سلامة الوصول ي ابو صبا
راشد بأبتسامه : الله يسلمك
دخل ابو سلطان وولده وهم يلقون السلام على الرجال اللي مالين المجلس
-
قسم الحريم كانوا بحالة استنفار اللي تشرف على التقديمات واللي تبخر واللي ادور كعبها واللي تخيط
العنود با أنبهار : الله الله شذا الزين والله طلعتن تهبلن مزايين
سُلاف وهي تحرك شعرها بدلع : مو شي جديد
نجود دفتها مع كتفها بقرف : قرف يقرفك شذا الدلع ارجعي لصوتس
رمقتها العنود وهي تردف : بنتتت اهجدي بعدين ماقالت شي غلط يلا كل وحده على شغلها
دخلت هند وهي بكامل اناقتها
العنود ب أعجاب : ماشاءالله تبارك الرحمن يابنيتي
سُلاف : تجننين هنودههه
نجود وهي تنزل ظهرها لكعبها ب انزعاج : سُلاف شفيه كعبك ضيق بزياده
ضحكوا وهم يسبونها
العنود وهي تضحك : رجلتس كبيره شكلها
هند : هذا وانتِ اصغر منها
قاطعهم صوت الباب وهو يدق
سُلاف : قومي افتحي الباب
نجود تكتفت : نعممم ليش انا روحي انتِ
سُلاف : اصغر القوم ايش
هند : خادمهم
العنود : يلا يا اصغر القوم افتحيه الحريم برا