ابتسمت ابتسامه بارده وهي تنطق : يمه انا موافقه
تلعثمت العنود وهي تسحب سُعاد وبهمس : الرّيم !
سُعاد وهي مبتسمه وبنفس الهمس : اي
بلعت ريقها العنود وهي تنطق بـ ابتسامه : مبروك ياحبيبتي الله يسر امركم ان شاء الله
استقامت ام سلطان وهي تبتسم ابتسامه مُزيفه خطّت خطواتها ناحية الرّيم وهي تسحبها : عن اذنكم ! همست لها بغضب : تعالي !
لحقتها الرّيم وهي مو مستعدة لهواش امها نزلت راسها بخجل منها : سمّي
مريم بغضب : بتموتيني ناقصه عمر !!! جاراتي على عيني وراسي مثل خواتي واكثر لكن مشاكلهم واجد انا مابيهم يضرونك !!!
ابتسمت الرّيم بـ اطمئنان لأمها : تحسبيني بخليهم يضروني ؟ يمه هم يحبونك يموتون على التراب اللي تمشين عليه تبينهم يضروني ماظنتي ، ادعيلي الله يوفقني يمه انا راضيه بهالزواج
بلعت ريقها بقهر وخوف على بنتها وبنفس الوقت فرحة تغمرها ان بنتها بتتزوج اردفت بقلة حيلة : الله يوفقكم يا امي انتِ ادخلي داخل ولاتطلعين عشان لايقولون وش هالخفيفه !
ضحكت غصبً عنها وهي تنطق برضا : ابشري اقتربت وهي تُقبل رأس والدتها بُحب
-
" نايف "
نزل من سيارته بضيقه من فعايل امه والعنود مشى لأبوه وهو يشوفه يصوت على عاملهم " مصطفى "
مصطفى بتوتر : انت بتقول ايه دا انا مش عارف كلامك ده ياسيدي !
صفر ابو راشد بخيبه : وقمتك القومه ابك ارجع ودق على العيال يجون
ابتسم نايف وهو يلقي سلامه عليهم : وش اللي مضايق ابو راشد ؟
ابو راشد : مافيني شي ياوليدي مير قم شف الحلال وعلم صطفى تراه جديد ومايعرف لحكيي زين
مصطفى : مصطفى ياباشا مصطفى !
ابو راشد : كله واحد مير ياحبك للهرج الزايد
ضحك نايف وهو يروح يسلم على مصطفى وياخذه يعلمه على الحلال زين
" غرفة البنات "
استلقت هند بتعب : اففف افف ياحياة الشقى !! كليوم نصبح على هواش ترا انا طفشت مامليتوا ؟؟
نجود بقهر وعيونها على سُلاف اللي جالسه تحط ميكب ولا كأنه صاير شي : ملينا بس مو لدرجة نخليها تهين امي وتضربها قدامنا ومانسوي لها شي !
هند : انا تعبت صدق ! وزواجي مابقى له غير شهر ونص وماجهزت باقي اغراضي اطلعوا خلوني انام وكلموا لي راشد ولا سليمان يودينا السوق
سحبت المخده نجود وهي تشوتها على سُلاف صرخت سُلاف من خربت خط الايلاينر سكرت عيونها وهي تاخذ نفس : نجود شتبين !
سحبت المخده وهي ترميها لسُلاف للمره الثانيه : الاول حق امي والثاني حقتي لكن شغلك لين ترجع امي ! استقامت سُلاف بحدة وهي تسحبها مع شعرها : وش تبين توصلين له يانجود !! كل هالحقد بقلبك على رحاب ومايا ؟؟ اصلاً قليل اللي يسونه بأمي امي انسانه ماتخاف من شي غير اللي خلقها لو تذبّح العالم هذي كلها مارّف لها رمش ! خلك حقانيه لو مره وحده !
قامت هند وهي تفرقهم طاحت نجود على السرير وهي تبكي بضعف : بس ما اقدر اتحمل انها تمد يدها على امي واحنا ساكتين !
اردفت هند بصدق : صادقه سُلاف خليهم ياخذون حقهم مره وحده من امي وامك ترا فعايلهم واجد لو تبيني اذكرك فيها ماراح نخلص فلتت سُلاف يدها من هند وهي تلبس عبايتها وتطلع من البيت
-
" مايا "
كانت جالسه وهي فاهيه ف امها ماتدري وش مصيرها رفعت يدها وهي تمسح على دموعها بهدوء
دخل راشد وهو يشوف الدكتوره اللي واقفه على راس امها
اردف بهدوء قاطع : طمنينا يادكتوره عساها بخير ؟
اردفت بمأساه لموقفها كطبيبه : مدري والله شقول لك المريضة راح تكون بالعناية لمدة ٢٤ ساعه اذا ماصحت خلال هالمدة راح يتم نقلها لغرفة العمليات بس
وسع عيونه بصدمه من هول كلامها اردف بغضب : بس وشو !!!
الدكتورة : العملية نسبة نجاحها 21% لكن من المحتمل ماتنجح لأن نسبة عدم نجاحها 79%
YOU ARE READING
" في حروب الارواح مالقيت الا انتِ يالروح الندية "
Horrorأهلًا وسهلا فيكم في رواية ( في حروب الارواح مالقيت الا انتِ يالروح الندية ) بينما تدور احداث الرواية بِرجُل متزوج ثلاث وعايشين بالديرة حيث ان كل يوم احداث وهواش بين الضرائر لكن يجي يوم وتصير كارثة في بيت ابو راشد ( صالح ) وهي جريمة قتل بين ( حري...
