" في حروب الارواح مالقيت الا انتِ يالروح الندية "

البارت الرابع والثلاثين

الرّيم بكره : اخييههه عليها هالنحيسه
قاطعهم صوته الحاد : ادخلل
سُلاف فزت : نايف لا تدخل !
رجع بخطواته لورا وقال : وحدة منكم تجي بسرعهه !
طلعت سُلاف له : اسمع اذا قصدك عشان السيارة ف توبه ناخذها !
كتم ضحكته وهو. يشوفها خايفه : فداك السياره وراعيها خذي هالثلاجات وسويلنا قهوة وشاهي وحطي بالشاهي نعناع
وسعت عيونها وهي تسحب الثلاجات منه : ليتني ماطلعت لك دامني بسوي القهوة
نايف بتمثيل الحدة : بسرععه
فزت وهي تدخل
الرّيم بتساؤل : ذا نايف ؟
سُلاف : اي
نجود وهي تغمز : ليه تبينه
شرقت الرّيم وهي تنزل الكاس : ووجعاه يابنت الذين
سحبت غطاء القدر وهي تحذفه على رجولها
نجود بألم : الله ياخذك رجلي
الرّيم : احسن
نسرين وهي ميته ضحك : تعالي ياروحها لاتهبدك بالقدر بكبره
تقدمت نجود وهي تحضنها. : والله انك اطلق زوجة اخو
فتحت عيونها بصدمة وهي تضحك : نجود كلي تبن لأرميك عليها
تشمرت الرّيم وهي تضحك : هاتيها
نسرين بدون تردد دفتها على الرّيم اللي حاوطتها وهي تضربها بخفة
نجود : اسحب كلامي
الفزعة يابنات صالح
هند بحزم : ابشري بالفزعه
الرّيم فكت نجود وهي ترميها على نسرين : دام فيها فزعة بنات صالح ال نمّر اجل انسحب لاتقب هوشه بيني وبيني مرت اخوي
هند انفجرت ضحك : ياحلك حلاه يابنت فهد
قام سلطان وهو يجلس جنب سليمان
سلطان : ولد
سليمان : لبيه ؟
سلطان : لبية في منى اسمع انا ابي ادخل اشوف اختك ازهمها لي بالله
طير عيونه سليمان له وهو يحبه لبرا : ازهمها لك ؟
خبل انت ولا صاحي !؟؟
سلطان : وشبك بشوفها مرتي ترا !
سليمان بحدة : اقول اعقل والله لو يشوفكم ابوي دفنك انت وياها انت سامع !
سلطان : انت وراك تراها زوجتي !؟
سليمان : لاملكتوا بكرا تبشر بالخير وادخلك عندها لكن الحين لا وحرام على شنبي ماتشوفها الا بالملكة
سلطان بسخرية : ياحليل نايف اللي يدخلني لمها
سليمان : ماهوب مدخلك لكن القابلة " يعني بكرا "
تشوفها
"
طلعت سُلاف وهي تزهم نايف
سُلاف : هاك
نايف : يعطيتس العافية
سُلاف بأبتسامه : يعافيك
نايف بتساؤل : اءء سُلاف !
لفت سُلاف قبل تدخل : هلا
نايف : اللي داخل عندكم الرّيم
ارتكت سُلاف على الجدار وهي تضحك : ياربي شعندك انت وياها كلن يسأل عن الثاني !
نايف وهو يحك جبينه : شقصدتس ؟
تقدمت وهي ترتكي على كتفه وتلعب بشعرها : اسمع يالعاشق الولهان المره تحب الرجال الثقيل يعني اللي مثلك وشرواك فهمت
بعد نايف وسُرعان ماطاحت سُلاف وهو يمسكها
سُلاف : وجع بغيت اطيح
اثنى ظهره وهي يرمي زبيريته عليها
دخلت وهي تضحك

بيت جابر ال مسعد
في الصباح
وصوت هواش الجدة وهي موقفه جمان وافنان على الجدار ورافعين رجل وحده
افنان ببكاء : والله ماكنت بهرب
الجدة : اعقبي وانا لياليكم السوداء اليوم
اجل منحاشات مثل الحرامي تبتروحون للشاليه
جمان بضحك : ياجدة وراك مكبرة الموضوع
مسك بتدخل : اعقبي يالمجر/مة
جمان : مسك ووجع
انفجرت ضحك مسك وهي تقوم وتمسح على ظهرها : والله امزح معتس
دخلت مايا وهي ماسكة خصلات شعرها وترقص سُرعان ماوقفت وهي منفجرة ضحك على منظرهم : انمسكتوا يالخبيثات
افنان ببكاء وهي تأشر على جمان : كله منها
جمان وهي تفتح عيونها بصدمه : ابن مدرج صدق
مايا : ياغبيه ماخذيتي غير افنان
افنان وهي تمسح دموعها : وش فيني انا انفقع راسي بسبتها !
مايا : ياجعله بعمر مسك
سحبت مسك عصاء جدتها وهي تلحقها
مايا وهي تضحك : والله امزح
مسك : ماني مخليتك
الجدة ليالي : يابقر هاتن عصاتي وبعدها تذابحن
انحنوا وهم ماسكين ركبهم بتعب
مسك وهي تحب راس جدتها : صباح الخير
الجدة : صباح النور هاتي عصاتي
عطتها وسُرعان ماطقتها بخفه التفتت للواقفات : تعالي انتِ وياه افطرن
افنان وهي تمسح دموعها بحماس : انتهى العقاب !!!!
الجدة وهي كاتمه ضحكتها : لا يالمرجوجة افطري وارجعي وقفي
طلعت افنان وهي تبكي وصدمت بـ امير اللي كان ماسك جواله
امير : بسم الله
افنان ببكاء : انقلع من وجهي
تعدته وهي تدخل
امير : العن شكلها هالورعة
دخل عند جدته وهو يصبح عليها
الجدة : ياصباح النور والسرور
تقدم وهو يحب راسها ويدها
الجدة : حبيت الكعبة ياولدي تعال افطر
امير : لا مفطر ياجدة بس جيت اسلم عليك
جمان من ورا الباب : دامنك مفطر افلح كمل اشغالك ترانا ميتات جوع ما افطرنا
امير وهو يضحك : يلا توصين شي ياجدة
الجدة برضاء :لا ياحبيبي