" في حروب الارواح مالقيت الا انتِ يالروح الندية "

البارت الثامن عشر

نزلت من الدرج افنان وابوها فايز وهي لابسة عبايتها
التفتوا وهم يشوفونها
افنان وهي فاتحة يدينها : ياهلا وغلا بأطلق جده
ضحكوا
الجد : أطلق جدة نسفت ولد عمس
افنان وهي تضحك : يستاهل
عُدي : انقلعي
الجدة وهي تبادلها الحضن : ويامرحبا بحفيدتي الغالية
سلمت عليها وهي تتوجه لجدها وتسلم عليه
الجدة : يمه شفيك لابسه عباتس ؟
افنان : ماقلتلكم انقبلت بالجامعه بتخصص حلو
الجدة بفرح : وشنهو تخصصتس
فايز بفخر : تمريض تتصير دكتورة
انمحت الضحكة من وجع الجدة
الجد : مبروك ياحبيبتي وان شاء الله نشوفك اكبر دكتورة بأذن الله
افنان : مو دكتورة ممرضة
مناهل : مبروك ياعيني
افنان : ياحبي لك ياخاله
الجدة : وشو
افنان وهي مستغربه : انصدمت اي ياجدة افرحي حققت حلمي
الجدة بهواش : افرح بوش على سواد وجهك !!؟
فزوا وهم يقومون
الجد بصراخ : لياليييي !!!
الجدة : انت مفتخر بها وهي تتصير دكتورة وتدخل مستشفى مليان عيال
الجد بحدة : اوزني حدودك
فايز : يمه وشذا الكلام كيف تقولينه قدامي
افنان بغصة : شفيه تخصصي ؟
الجدة : فيه العيب وانا ماني براضية تدخلينه
افنان بصراخ : طول عمرككك تحاولين تخربين حياتي وتمشين البيت على كلامك انتِ عيالك ماخليتيهم بحالهم حتى حريمهم واحفادك ماسلموا منك بس مايقدرون يواجهونك
حتى جدي واضح انه نافر منك ومن حركاتك
فايز بصراخ وهو يصفعها : افنااانننن
فز ماجد وهو يمسكه : فايززز شفيك انهبلت تضربها قدامنا
فايز وهو يدفعه : اللي ترفع صوتها على امي اصكها كف وانقلعي الحين غرفتس
تقدمت مناهل وهي تمسك افنان وتدخلها الغرفة
الجد : الله ياخذك من حرمه ليتني ماخذيتك اذلفي لغرفتك لأرمي عليك الطلاق
فايز : تطلق امي عشان بنتي ؟!!!
توجه الجد لغرفة افنان وهو يدخل
: وراها زعلانه حفيدتي
افنان وهي تشاهق : يعني يرضيك ادرس طول هالسنين عشان احقق حلمي فالأخير تعبي راس ابوي علي
مناهل : انا استأذنكم
هز راسه الجد : طيب واللي يقولك انتس بتصيرين دكتورة وغصب بعد
رفعت راسها والدموع ماليه عينها : قول والله
الجد بضحكة : وجعه انا جدك ماتصدقيني ؟
فزت افنان وهي تحب راسه : لا والله مو قصدي
الجد بإبتسامه : الله يرضى عليتس
اردفت بهدوء : طيب وابوي
الجد : شفيه ؟
افنان وهي تلعب ب أصابعها : اكيد جدتي ملت راسه انه مايخليني احقق حلمي
الجد : مايعقب إلا هم انا جابر ال مسعد كلمتي هي اللي تمشي
إلا اذا ربي اخذ امانته ذيك الساعه اكتبها وصيه
افنان : بسم الله عليك جعل يومي قبل يومك ولايجي اليوم اللي اذوق حزنك فيه
ابتسم برضا : وين كنتي بتروحين ؟
افنان بحزن : كنت بروح اشوف المستشفى اللي بشتغل فيه
اردف : اجل قومي ووريني عرض مقفاك وروحي على شغلتس
-

الجدة بحرقة : ياقهري ياقهري
حورية : شفيتس يا اميمتي
الجدة : افنان تتعصاني وتبا تدخل تمريض
حورية بأستغراب : بالعكس يا اميمتي ذا فخر لنا
الجدة بعصبيه : وين فخر هااه وين انا حفيدتي تدخل مكان به عيال !!
حورية : لاحول ولا قوة الا بالله ياحبيبتي هي رايحة تعالج اوادم
الجدة : انتِ حضرتي تدافعين ؟!
حورية ببرود : لا
الجدة : يابردتس بداه قومي انقلعي من قدامي وناديلي فايز
حورية : يمه الرجال بلاعبين راسه على هالضعيفة
الجدة : لا بالله انا الضعيفة اجل انا ليالي ترفع صوتها علي قدام ابوتس واخوانتس وحفيدي
حورية : يمه البنت ماتنلام درست هالسنين و انتِ تدرين انها تبي طب
غمضت عينها واردفت بهدوء مرعب : حورية انقلعي عن وجهي
حورية بتنرفز : لا اله الا الله الله يهديتس مير الرجال لاتفرقينه عن بنته وتغرقينه بأفكار مب زينة
وانتِ تعرفين ابوي يعز احفادة كلهم من اكبرهم لأصغرهم ترا والله ليحذف عليك الطلاق
ووقتها تتحسفين
طلعت وهي تقابل رحاب
رحاب : مساء الخير
ماردت حورية وهي تجلس بالصالة
لحقتها رحاب وتربت على كتفها بحنية : شفيتس ؟
حورية : وشفيني امتس هلا احد بحاله لا احنا اللي عاتقتنا ولا احفادها
رحاب : شمسويه امي بعد !
حورية : الضعيفة مستانسة انها انقبلت بالتمريض وامك
حالفة انها ماتدخله وناوية
تعبي راس فايز عليها
فتحت عيونها بصدمة : متأكدة من هرجتس
حورية : اجل ابكذب عليتس !
رحاب : انا بكلمها
حورية : اي بالله كلميها امي تعزك الضعيفة قاطعتن تسبدي من اليوم تصيح فوق
رحاب : حتى انتم تعزكم اجل انا بروح لها
ابتسمت حورية وهي تدعي ل افنان
توجهت رحاب لغرفة امها وهي تطقه
الجدة وهي جالسة بالسرير وتفكر بكلام حورية : ادخل
رحاب : السلام عليكم
ردت السلام : شتبين تبين تعاتبين نفس ابوتس واختس
رحاب وهي تبوس راس امها : افا بس افا انا اعاتبك
الجدة : والله ياامك مابي اعبي راس اخوتس على افنان لكن ماودي بها ادخل بهالشي
رحاب : يمه صلي واستخيري وادعي لها بالخير
بعدين ما اشوفك حرمتي مايا من التمريض نفسها. ولا بنت ولدك اعز
الجدة : كلهم نفس بعض بس ماودي اكسر بخاطر بنتس
رحاب : ويرضيك تكسرين بخاطر افنان
الجدة : بس تستاهل اجل انا ترفع صوتها علي قدام عيالي
رحاب : هي صح غلطت بس من الزعل