" في حروب الارواح مالقيت الا انتِ يالروح الندية "

البارت الثاني والاربعين

" عند صبا ومايا "
رفعت صبا يدها وهي حاملة ورد من حديقتهم
ابتسمت مايا لها وهي تبعد شعرها اللامع عن وجهها : هذي لي ؟
صبا : تشوفين ان معنا احد ؟
ضحكت منها وهي تسحب الورد : بس كيف وردة تمسك وردة !
قام راشد من جلستهم وهو يتوجه للمقلط لكن الجمه اللي واقفة قدامه وتضحك مع بنته وتلعب بشعرها بغنج
بلع ريقه با ارتباك وهو يصد ويتنحنح
فزت بسرعة وهي تلبس جلالها لأجل تغطي اكتافها العاريه
راشد : اطلعوا من هنا الضيف بيجي وانتم مرتزين هنا !
عصبت من اسلوبه وكانت بتتكلم ولكن قاطعها
راشد : اص ولا كلمة ياطويلة اللسان !
مايا بهمس : وجعع
كتم ضحكته وهو يطلع دخانه ويشوفها تدخل وهي معصبة
" بيت جابر ال مسعد "
بالليل
طلعت مسك وافنان وجُمان وهو طالعين من البيت بنص الليل لأجل محد يشوفهم
سُرعان ماشهقت مسك : سيارة عُدي جاء جاء !!!!
رجعوا للحوش الخلفي وهم لازقين بالجدار ثواني وهم يطلعون ونجحوا بخطتهم وطلعوا
جُمان : وين مكانها ذي ؟
افنان وهي راكبة قدام ومشغلة اللوكيشن : مدري بس كأن منطقتها شوي بعيدة سحبت الجوال منها جُمان وهم يتبعونه
-
" بغرفة امير "
فصخ تيشيرته وهو ملقي ظهرها على السرير
ومندمج مع الفلم تلاشى اندماجه من طرقات الباب
طف التلفزيون وهو يمثل انه نايم
عُدي با انكشاف : ورع قم قم تحسب اني جدتي مصدقك !؟
زفر انفاسه بهدوء وهو يناظره : يهب ولاتسده إلا انتم ماينفع معكم لاتمثيل ولا حقيقة !!!
P : 193

" اللهم لاتجعل مُؤلفتيِ تُلهِي عبادك عن ذكرك "💙
{ لا اسّتبيحْ القرَاءة بدُون لايك وكومنت }
—————————
عُدي : ترا الساعة وحدة كانك تتخاويني امش ولا ترا بسحب عليك !
امير وهو يمسح على لحيته : وين ؟
عُدي : فيصل يبينا نجيه ننبسط هناك بلوت وقهوة وشاهي وسعة صدر تتخاويني ؟
امير : يلا جايك بس البس اتروش وانزل لك
عُدي وهو يسكر الباب : لاتبطي !
امير : ماعليك
قام وهو يسحب منشفته ويدخل لدورة المياة " يُكرم القارئ "
دقائق وهو طالع والمنشفة محاوطة خصره طلع ثوبه وهو يلبس ويتعطر سحب شماغه وهو ينزل
فتح باب السيارة وهو يركب
بعد ساعة وهم واصلين لموقع بيت فيصل
-
" عند البنات "
مسك وهي تفز : هذا بيتهممم
وقفوا السيارة وهم يركنونها ونزلوا
وسُرعان ما انفتح لهم الباب واستقبلتهم نوال
صارخوا بُحب وحماس وهم يسلمون على بعض ويدخلون
نوال بعتب : رحتوا لديرتكم وقطعوني !
افنان : حتى انتِ نقلتي من الرياض لديرتكم
نوال : بس كنت اجيكم وانتم قاطعيني
جُمان : تكفين اسكتي لو نكب لك عفش خمس شهور مابتنامين من كثر ماهي مُتعبة !
مسك : ترا بالخمس شهور ذي تزوجتي
ضحكت نوال وهي تناظرهم : جُمان تزوجت ؟
هزوا راسهم بأي
تلاشت ضحكتها وهي تناظر جُمان : يعني فوق ما انكم قاطعيني حتى بالاخبار الحلوه ماقلتوا لي انا صديقة لكم ولا عدوة ؟!
اقتربت جُمان لها وهي تحضنها : تكفين مغصوبه لا يروح بالك بعيد
تخصرت مسك وهي تكتم ضحكتها : ايا المخنزه قدامي وتقولينه وما كأني حماتك !
نوال وهي ماسكة راسها : صبر صبر متزوجه اخوها ؟
هزت جُمان راسها بأي
افنان : خلاص غيروا السالفة وخلونا نسهر !
فتح فيصل الباب وهو يرحب فيهم
عُدي با ابتسامه وهو ينسف شماغه : البقى يامرحب
امير وهو يدخل جواله بجيبه : يالمحظوظ لهدرجة الزواج خلك تقطع فينا !
ضحك فيصل وهو يربت على كتفه : خلاص كلها كم شهر وتصف بجنبي الا هالمروح مدري متى يقتنع بالزواج !
رفع يدينه عُدي بمعنى مالي دخل : لا لا طلعوني من هالسالفة خلوني على حالي مرتاح لا صجة ولا لجة
جلسوا وهو يبتدون بالسوالف والضحك والبلاستيشن
-
" بيت ابو راشد "
عمّت رائحة البيت بالقهوة العربية والعود الازرق
وهم ينتظرون ضيفهم
نصف ساعة الا وهو واقف امام بيتهم دخل وهم يستقبلونه بالتراحيب
فارس با ابتسامه : البقى يارجّال
ابو راشد وهو جالس وسط المجلس : حياك الله في مكانك يابن هذال
سليمان وهو يصب القهوة له
سحب فارس فنجاله وهو يرد على ابو راشد : سلمت ياعمي
راشد : وشلون عمي والعيال ؟
فارس : ابد يسلمون عليكم وبذات انت ياعم ابوي يسلم عليك سلام خاص ويقولك حياك في محلنا
ابو راشد : الله يسلمه من كل شر لكن مثل ماتعرف ياولدي ان ماحيّيت الا على هالاراضي وما اطلع منها خير شر ماهو نقص فيكم لكن ما ارتاح اطلع من ديرتي
وابوك والعيال حياهم عندي الجمعة وان شاء الله بتمرحون عندي
فارس : افا ثم افا ترد كلمة الوالد ياعم !
ابو راشد : ماجابته امه اللي يرد هذال بن سعود !
فارس : جعلك تبقى ماعليك زود
ابو راشد : لكن ابوك من يومنه هالكبير وهو عايش هنيا ما روح الا بعد ماكبرتوا وبيجي ان شاء الله
راشد : ان شاء الله مير لاجيتو مايقعد منكم ولا واحد كلكم جايين وحاضرين
فارس وهو يبادلهم نفس الابتسامة : ان شاء الله