" في حروب الارواح مالقيت الا انتِ يالروح الندية "

البارت الحادي عشر

قام نايف وهو يقول : يلا مشينا
سُعاد : كان رحت وانا ارجع البيت
نايف : البيت قريب بس رجولك يمه
طلعوا وان سلطان تسلم عليهم
الرّيم : يمه مالاحظتي شي
ام سلطان وهي تسكر الباب : وش اللاحظ
الرّيم : ليش خالتي سعاد قالت لي اصب لنايف قهوة مع ان خواته جالسات
ام سلطان : عادي يابنتي
-
في بيت ابو راشد
سعاد : بسم الله شفيك يالعنود
العنود : يا اختك راسي بينفجر مدري شعلته
سعاد : بنزل عباتي وبجيك
ابو راشد وهو معارض سعاد : ماشاءالله عليك وش ها الكشخة
سُعاد وهي تضحك بخجل : طول عمري كشخة وانا بنت الشيخ سامي
ابو راشد : والنعم
سعاد : ينعم بحالك
ابو راشد : طيب شرايتس ادخل الغرفة وتروحين تجيبين القهوة
سعاد : يلا جايتك
راحت سعاد المطبخ وهي معارضة نجود اللي تشرب مويا  : ايي نجود روحي الحقي على امك
نجود : هاا ليش شفيها ؟
سعاد : راسها يعورها ودي لها هالبندول كُود يخف
نجود وهي تاخذه
-
عند العنود : اههخ ياراسي يوههه
نجود وهي تركض : يمه شفيك
العنود : راسي راسي دقي على سلمان يجي يوديني المستشفى
نجود : خذي هالبندول عشان يخف وجع راسك
العنود وهي تناظر فيه : من وين جايبته
نجود : عطتنيه عمتي سعاد
العنود : صدز ذي وينها قالت بتفصخ عباتها وبتجيني
نجود بهمس : اوباا
العنود : شفيك
نجود : عمتي راحت تسوي القهوة لأبوي
العنود بشك : وابوك وينه
نجود : بغرفتها
العنود وهي تقوم : وششش أي اللي ماتستحين على وجهك سعاد سعاد
سعاد : شفيتس يامره
العنود : وينتس مو قلتي بتجيني اثرك رايحة لابو راشد
سعاد : مو زين لك يامره روحي ارقدي بس نجود خذي امتس شكلها انجنت
نجود : عمه ما اسمحلك تكلمين امي بذي الطريقة
سعاد وهي بترد طلع ابوراشد :  شفيكم شكبركم عيالكم طولكم وتتهاوشون
العنود : راسي من اليوم بينفجر وانت جالس عندها حتى ماقلت بتطمن
ابو راشد : افا يام سليمان انتِ راس المال شفيك هو ماخف للحين
نجود : يبه امي تعبانه من اليوم ودها المستشفى
سعاد : ودها ودها وانا بروح
ابو راشد : وين بتروحين
سعاد بصراخ : بسوي لها زيت مقري فيه
العنود وهي متجهه لسعاد : ياوخيتي ماتقصرين ابو راشد أرتاح سليمان بيجي يوديني
سعاد : اجل انتظريني بجيب عباتي بجي معك
راحوا العنود وسعاد لغرفهم
نجود وهي توقف عند ابوها : يبه الله يعينك عليهم
ابو راشد : اي والله الله يعيني عليهم ماني متزوج صاحيات إلا مجنونات
نجود : يبه ازوجك
ابو راشد : وجعه انا ابوك وهذيك امك
نجود وهي تضحك بشكل هستيري : يبه امزح معك
طلعوا من غرفهم
سعاد : بسم الله ماهيب صاحية بنتك
العنود : اي بالله مب صاحية نجود شيضحكك
نجود : الحمدلله والشكر الحين تهاوشون وترجعون تسولفون
سعاد : قل اعوذ برب الفلق بسم الله علينا العنود امشي ولدتس ينتظرنا برا
-
عند الرّيم وهي واقفه عند الشباك وتشوف نايف مع العيال : شفيني انا اليوم افكر به
سلطان : تفكرين بوش
الرّيم بربكة : انت كيف دخلت !؟
سلطان : توني بس منهو ذا
الرّيم بترقيع : صديقتي صار عليها حادث هي واخوها وحالته حرجة ومحزني وضعها
سلطان بتصديق : الله يشفيه يلا انا بطلع للعيال تبين شي
الرّيم هزت راسها برفض
الرّيم : خل أنوم احسن لي
-
عند العيال
سلطان : سلام
نايف : يامرحبا وعليكم السلام
سلطان : سليمان وين
نايف : مودي خالتي العنود للمستشفى
سلطان : ليه سلامات
نايف : الله يسلمك بس راسها يعورها تجي معي
سلطان : وين
نايف : بنروح للقهوة
سلطان : غبي انت شفت الساعة كم 2  مين بيدخلك يقهويك
نايف : صادق
سلطان : شرايك تنام عندي اليوم نسولف وننبسط
نايف : لالا البيت فيه حريم
سلطان : ترا خالتك ام سلطان و الرّيم  بعدين مجلس الرجال منفصل عنهم
نايف بإقتناع : اجل توكلنا على الله وبكرا بنطلع للبر
سلطان : تم
راحوا البيت وهم جالسين على فرشهم يسولفون
سلطان : يرجال مافي احسن من مشاعر الحب
نايف : اجل انت حاب اختي هالكثر
سلطان : واكثر  تزوج وبتتذكر كلامي بعدين
نايف وهو يتذكر الرّيم : والله انك اقنعتني

في الصباح بيت ابو راشد
متجمعين بالحوش يفطرون
سعاد : العنود عطيني الشاهي
مدته لها
سليمان : يمهه يمه
العنود : هااه
سليمان : وين ثوبي
العنود : وانت بزر مغير تضيع اغراضك رح فوق تلقاه بالدولاب
سليمان : دورت مالقيت
العنود : وشو يعني بيطير تعال افطر ورح خذ ثوب ثاني هند صبي لأخوك
نايف وهو ياكل : يبه شفيك ماينسمع لك حس
سعاد : اكيد يفكر فيني
العنود وهي تضحك : الحمدلله والشكر
سعاد : شقايله انا قايله شي يضحك
ابو راشد بعصبيه : اصص وقص انتِ وياه اكلوا وانتم ساكتين لأجيب لكم الثالثة
نجود بغمزه : اوباا تبيني ازوجك يبه تراني اعين واعاون
العنود وهي تصفقه بالمنديل : وجعه انا امك
قامت نجود تحب راس امها : امزح يانبع الحنان شفيك زعلتي
سعاد : انت يالشايب يالعايب تتزوج اقول خل الزواج لأهله زوج ولدك مو شاطر تزوج نفسك
سليمان : بتزوجوني
العنود وهي تشرب : انت توظف عشان تزوج
سعاد : لا بنزوج اخوك نايف
شرق نايف وهو يأشر على المويا العنود بسم الله عليك خذ خذ
سعاد : بسم الله عليك لهدرجة متحمس
نايف : أي متحمس الله يهديك مابي اتزوج
ابو راشد : لعنبوك طقيت الثلاثين
نايف : الحمدلله
سُلاف : اي هرب تهرب شفيك ترا بنفرح فيك