" في حروب الارواح مالقيت الا انتِ يالروح الندية "

البارت الثالث والعشرين

مسك راسه وهو منصدم : خبل انت كيف تقولها هالكلام ؟!!
سليمان : مدري مدري طلعت مني بس ماقصدته استفزتني بأسلوبها
قاطعهم راشد : يعيال يلا الفطور
نايف : يلا يلا جايين
وقف وهو يناظر بيتهم تحديداً شباكها تنهد وهو يدخل داخل
-
نجود بصراخ : لااااااااا ما احب ذا لاتحطينه لي
ابو راشد بحدة : بنتت اقصري حسك الحين الفجر والحي هاجد والصوت يسري
نزلت راسها : اسفه
ابو راشد : يلا سمو بالله
هند  : صبا حبيبي تعالي افطري
قامت من جنب ابوها وهي تركض لعمتها مسكتها وهي تضحك : افاا سحبتي على ابوك
راشد وعلى طرف مبسمه ابتسامة : نشوف ورعك بكرا يخليك ويجي لخاله
هند بتمثيل التكشيرة : بسم الله على ورعاني مب مخليتهم يجونك
سليمان : يمه
العنود : ها يا امك ؟
سليمان : العشاء اليوم كبير ولا محدود
ابو راشد : لا كبير مير استعدوا وناموا بدري خل عنكم السهر
سُعاد : ابو راشد عزمت ابو نسرين ؟
فز قلبه وهو مستغرب من هالشعور اللي داهمة
ابو راشد : اي عزمته وحنا راجعين من المسجد
التفتت سُعاد على العنود : العنود عزمتي نسرين ؟
العنود : لا
سُعاد : وليش ماعزمتيها
العنود : مدري البنت تعبانة ومنشلة وين فيها حيل تجي
سُعاد تنهدت بضيق من حالها : صدقتي والله
نجود : عادي يمه نبي نتعرف عليها
العنود : يا امك البنت تعبانة ماهي فاضيتلك تلقينها كارهتنا
سُلاف : ليش ان شاء الله تكرهنا شمسوينلها احنا هااه ؟!
العنود وهي تأشر لسُلاف تسكت
سليمان : انا مسويلها حاقدة علي تحسبني متعمد اصدمها
ابو راشد بشك : وانت من وين لك ذا العلم شلون عرفت انت محاكي البنت !؟
وعى على نفسه وهو يتدارك الموقف : لا يبه بس اءءء
قاطعه نايف بتدارك : يبه صادق اكيد اي شخص بيتعرض لذا الشي بيحقد لو انا احد صادمني بحقد شعور طبيعي للأنسان
-

بيت الجد جابر ال مسعد
طلعت وهي تسقي الزرع التفت بمجرد سماعها لصوت امها
رحاب : حبيبتي مايا شتسوين شمطلعك بذا الحر ؟
مايا وهي تحضن امها
استغربت من حضن بنتها لها رجعتها وهي تحتضن وجهها بيديها : يمه شفيك ؟ تعبانة ؟
اطلقت ضحكاتها من مبسمها الجميل : حرام احضن امي
ضحكت معها وهي تحضنها : لا مو حرام يابعدهم بس ادخلي جوا حر
سكتت وهي صافنه بملامح امها
رحاب احتضنت شعرها وهي تمسح عليه : احس فيك شي احساس الأم عمره ماخاب
صرفت انظارها وهي تناظر قصر جدها : يمه ليش الشخص الطيب عمره ماينجح ؟
رحاب : شلون ؟
مايا : اقصد ماينجح بحُب اللي حوالينه ؟
ضحكت رحاب : مايا انتِ الكل حبك لكن حبوك من الخارج مو من الداخل
عقدت حواجبها : شقصدك
تركتها وهي تمشي وخلفها ابنتها : اقصد لما يعرفون نيتك الطيبه يبدون ينسحبون بعد ماياخذون مصالحهم ينسحبون من دائرة الحُب عمرك شفتي شخص تعلق بشخص طيب بزيادة ؟
التفتت على ابنتها : الجواب لا
مايا : بس انا
اقتربت من بنتها وهي تسكر فمها : حطي كلامي حلق بأذنك اكبر خطأ بالانسان ثقته الزايدة وطيبته كلنا نكره الشر بس لازم تكون شخصيتنا مكملة بالشر لأن الشخص الطيب ماله ابداً قرارات بينما الشر هو اللي ياخذلك حقك ما اقولك صيري شريرة بالعكس بس خليه قريب منك لأنه بياخذ حقك
مايا : بس ماعمري شفتك شريرة ؟
رحاب : الشر مو لازم تطلعينه لحوالينك لا طلعيه للأشخاص السامه اللي بس ياخذون مصالحهم ويطلعون من حياتك
ابتعدت وهي تردف : الجو بدا يحتر خلينا ندخل داخل

عُدي : بس ياجدي
الجد : لا بس ولاشي هذا الشي بيصير
رحاب : شفيكم ؟
عُدي : الله جابك ياعمه شوفي جدي يقول يبينا نرجع للديرة بعد ما تأسسنا هنا بيرجعنا
تقدمت وهي تجلس بجانب ابوها : يبه قرارك متأكد منه هناك بعنا بيتنا وين بنروح خل نجلس هنا واذا شروا العيال بيت ذيك الساعة نروح
الجد : لا يابوك شريت شريت بيتن وسيع وكبير
مير ضفوا اغراضكم
الجدة فتحت عيونها بصدمة : تقوله صادز ياجابر
هز راسه بأي وهو يقوم : قولي لعيالك والاحفاد يجمعون اغراضهم بنمشي عقب يومين يوم تخلص مايا اختباراتها
عُدي بأنفعال : جدي تعبنا بيروح على الشركة تبينا نسافر ونتركها
الجد : من قالك بنتركها الشركة بنستمر فيها بس بنسافر للديرة بشوف ربعي وجيراني حرام اشوفهم يعني
عُدي : طيب روحوا الله معكم انا بقعد اقابل الشركة
تقدم الجد وهو يرفع عصاته نحو صدر عُدي : تبي تكسر كلمتي انت ؟
عُدي : لا محشوم بس
الجد : ماعاش اللي يكسرها لا بس ولا غيره معكم يومين تجهزون شناطكم وبنروح الديرة 
-
عند جمان وافنان
جمان : انتِ شحارق رزك سالفه انتهت من شهر للحين مقهوره يااختي شوفي حياتك !!!
افنان : والله لأنتقم منها والله ما اخليها بحالها
جمان وسعت عيونها : وجع تراها جدتي وش بنتقم منها تستهبلين ؟!!
افنان : عمري استهبلت ؟!
هزت راسها ب لا : بس هذي ام ابوك يعني جدتك
افنان : ادري انها جدتي بس فيه جده تحرم حفيدتها من دراستها ليش ماحرمت مايا نفسي ولا فالحة تحط حرتها فيني
قاطعهم صوت الباب بدخول !!!