" في حروب الارواح مالقيت الا انتِ يالروح الندية "

البارت الثالث

صالح وهو يعود للبيت
سعاد : وهي تلبس ذهبها
صالح : ذهبه وتلبسين ذهب
سعاد : الله لايخليني منك يابو راشد
صالح : تعالي بكلمك بموضوع مهم
سعاد : انطق جعل ماينطق غيرك
صالح : انا نويت اتزوج
سعاد بضحكة وهي تقوم وتقول : ياشين مزحك كل ماشفتني قلت لي هالعلّم ابروح اجيبلك القهوة
صالح : سعاد
سعاد وهي تلتفت له : هلا
صالح : تعالي اجلسي
سعاد بخوف : صالح تقوله صادز
صالح : سعاد انا نويت اتزوج وانتِ مره مصليه مسميه وتعرفين شرع الله
سعاد ودموعها تهل : صالح تكذب صح
صالح : لا والله ماكذبت وامسحي دموعك ترا دموعك غالية
سعاد : قلي انا وش قصرت فيه ؟
صالح : لا والله ماعاش من ينزل دمعك والله ماقصرتي
انتِ اختي وحبيبتي وزوجتي بس انا رجال ابي الزواج
سعاد وهي منهارة : عساك للموت انت وياها وعسى عرسك بحريقة تسال بصدرك انت وياها
صالح وهو يفتح عيونه بصدمه : يابنت اذكري الله
سعاد : ذاكرته من قبل اشوف وجهك
صالح : استهدي بالله وانا ماسويت شي حرام بعرس
سعاد : ومنهي تعيسة الحظ ؟
صالح : العنود
سعاد بصدمه : العنود ماغيرها
صالح : اي العنود شفيك ؟
سعاد : والله حذرتني منها اختي حسبي الله عليها خرابة البيوت عساكم ماتذوقون الهنا
الله ياخذك انت وياها
اطلع برا بيتي اطلع
صالح : سعاد ترا هذا بيتي
سعاد وهي تصارخ : اطلع وورقتي تجيني بكرا
صالح : سعاد وراشد مافكرتي فيه
سعاد :  على اساس فكرت به انت
صالح : سعاد اهدي ماتوصل للطلاق
سعاد : قسم بالله اذا ماجتني ورقتي لاروح للمحكمة واخلعك
صالح وهو يطلع من البيت : لاحول ولا قوة الابالله
فالبيت سعاد وهي تبكي راحت تدق على اختها : الووو
دلال : هلا باخيتي شلونك ؟
سعاد وهي تشاهق : ماني بزينة
دلال وهي تفتح عيونها بصدمة : سعاد تبكين
سعاد : النذل تزوج علي
دلال : وشو ومن يتجرا يتزوج على بنت الشيخ سامي جايتك جايتك
-

ام العنود وهي تشرب القهوة وتفكر بكلام دلال قطع صمتها دخول العنود : ياهلا بجنتي وناري
ام العنود : هلا
العنود : يمـه شفيك متضايقة ؟
ام العنود : انا ابي اعرف شي واحد بس انتِ قبل امس وين رحتي
العنود : للبنات
ام العنود : متأكده
العنود وهي تحط رجل على رجل : يمـه انتِ اليوم مب عاجبتني قوليها بالوجه مايحتاج مقدمات احد قال عني هروج مب زينة
ام العنود : لا بالله لكن انا شفت سعاد واختها دلال بسوق الخضره سألتني سعاد عنك قلت انها مسيرة
العنود. : ايي
ام العنود : وانا برَوح للبيت سمعت دلال تقول واضح انها رايحة للبنات وصارلي يومين يايمـه لاليلي ليل ولا نهاري نهار وابي اعرف الصدق
العنود بغضب عارم : وانتِ تصدقين هالأشكال يايمه
ام العنود : شك الله ياخذ ابليس  
- عند سعاد
دلال  بغضب : قلت لك ياوخيتي امسكي رجلّك لكن ماسمعتي الكلام شوفي وش صار بحالك الحين
سعاد : دلال اسكتي اللي فيني مكفيني
دلال وهي تطبطب على كتف اختها : طيب قالك هو راح اهم
سعاد : مدري مدري عنهم عساه يروح الموت
قطع حديثهم بكاء راشد دلال : انا بروح اشوفه
بعد مانام
جت دلال بخطه منها : سعاد
سعاد : هااه
دلال : شرايك نروح لبيتهم ونلعنها
سعاد بتفكير : تشوفينه زين
دلال بشر : يالخبلة اي بس اكشخي
سعاد : طيب بس شنسوي
بدت دلال تقولها
سعاد اطلقت ضحكاتها الجهنمية
-

عند البحر
صالح و خويه مشاري
صالح : والله ياخوك سلبت عقلي مني
مشاري : وتخرب بيتك على ذي
صالح بغضب : وشوفيها هااه قلي
مشاري : صالح انت تعرفها مغير تضحك بالسوق وصوتها يسمعه الكل خلك على سعاد الرزينة
صالح : مقدر
مشاري  : وليش ماتقدر
صالح : انا قلت لأم راشد عن الموضوع
مشاري صفق جبهته بغباء : يالخبل وراك قلت لها
صالح : اجل اتزوج عليها بدون ما اقولها
مشاري : لا بس زين لك الحين طلبت الطلاق
صالح : انا احب سعاد من يوم واحنا صغار لكن مدري شصار وحبيت العنود وانا مابي سعاد تفارقني
مشاري: تبي الحل وانا اخوك
صالح : اي بالله ابي الحل
مشاري : غرق سعاد بالذهبان وعطها مبلغ رضاوة بس بشرط بعد الزواج تعدل بينهن عشان مايصير البيت في كُـره
صالح  : امري لله
مشاري : ونعم بالله متى بتخطب العنود من امها
صالح : اليوم ان شاء الله العصر