" في حروب الارواح مالقيت الا انتِ يالروح الندية "

البارت الثالث والاربعين

طلع من المسجد وهو يمشي
راشد : من يخاويني للعزبة ؟
نايف : ان كانك تتروح ف انا معك مخاويك
راشد : اجل بعد صلاة العصر بنمشي لف وهو يلتفت لسليمان اللي مو معاهم قاعد يفكر
نايف وهو يبتسم : ها يابو نسرين تتخاوينا  ؟
فز سليمان وهو يدورها : وينها جات ؟؟؟
راشد  با ازدراء : تفي على هالشنب يالخفيف !
سليمان : لا لا يابو صبا حدك عاد بعدين تراك مريت باللي انا امر فيه يوم انك تزوجت ام قاطعه راشد بحده : بسس طاريها لاعاد اسمعه ماتفهمون انتم !!
تجاهلهم وهو يمشي
نايف بغضب : صاحي انت انت تدري انه محذرنا مانجيب طاريها لا بالزينة ولا بالشينة !
سليمان بندم : والله ماكنت اقصد ونسيت
نايف : انا بروح الحقه لاتجي عشان لايفرغ غضبه عليك ! سامع ؟
سليمان : طيب
رفع راسه وهو ياخذ نفس عميق زفر وهو يناظر بيت أبو نسرين ابتسم من تذكر طيفها فجأة حس بطيف اللي تطل مع الباب
تلفت يمين يسار وهو يتأكد من الناس انهم دخلوا بيوتهم
توجه لها وهو يلقي السلام عليها
نسرين : وعليكم السلام
سليمان : شلونتس يابعد الدنيا ؟
ابتسمت بخفه وهي تحس بخجل : تمام الحمدلله انت شخبارك ؟
سليمان : عقب هالشوفة العافيه حواليني اللهم لك الحمد
نسرين : صدق الكلام اللي قاله ابوي ؟
استغرب وهو يسألها : اي كلام ؟
نسرين وهي منزله راسها : انك خطبتني ؟
سليمان وهو يحس براحه : وش قولتس موافقه ؟
نسرين وهي تبتسم : موافقه
سليمان وهو يحس بفرحة عظيمة احتلته : بكرا وحنا عندكم ان شاء الله طلع من عندها وهو يحس انه ملك الدنيا ومافيها

" غرفة رحاب "
مايا : يمه احس ان في شي بيصير احس مو مرتاحة لهم بذات العنود !
رحاب بكيد : العنود هذي دواها عندي بس خل تصبر وتشوف اذا مابكيتها د/م ما اكون بنت جابر
مايا : شبتسوين ؟
رحاب : اصبري علي
طلعوا من الغرفة وهم يجلسون بالصالة وكانت موجودة فيها سُعاد وام جمال
سُعاد وهي تضحك : هلا بالعروسة هلا بالجديدة 
رحاب وهي تمسك شعرها بغنج : هلا هلا فيك ، ام جمال حبيبتي سويلي قهوة
سُعاد بحدة : وقفي يا ام جمال كملي تهميزك لي ماعليك منها !
رحاب وهي تضحك بقوة : لااا عجزتي يا ام راشد انتهت صلاحيتك ماصار بك حيل !
سُعاد بقهر : والله ما انتهت صلاحيته غيرك يالمطلقة !
رحاب بغيض : مطلقة عانس ارمله متزوجة كلهم واحد لكن بالنهاية وش صار خذيت رجلتس وخليته خاتم بصبعي الصغير !
نزلت العنود وهي منزعجة منهم : اصصصصصص اصص
جلست بجانب سُعاد وهي تحط رجل على رجل
العنود : سُعاد امس مريم دقت علي تقول اليوم بيوصل المهر والعرس بعد شهر
سُعاد : اي علمني ابو راشد العيال استلموا المهر ؟
العنود : مدري والله راشد توه دخل البيت وهو معصب ووراه نايف وسليمان مدري وينه
رحاب بسخرية : مع حبيبة القلب نسرين
فزت العنود من مكانها : نعمم ليش عيوني تحسبين الناس مثل بنتك اللي ترزينها قدام عيالنا بالبيت ؟!!!
رحاب : وقص يقص لسانك ولدك المحترم واقف مع بنت ناصر وهو مايدري هذا بدال لايخطبها ولايتزوجها يقوم يسولف معاها !!
العنود : خطبها ولا ماخطبها شعليك انتِ ؟
مايا بحدة : العنود صوتك ماتعلينه على امي فاهمه
استرخت العنود وهي تضحك : ليش ان شاء الله تحسبينها السلطانه هيام ولا ناهد دوران عشان مايعلى صوتي قامت وهي تتكلم بكل حده : انا اعلي صوتي على ابي اقتربت منها وهي تمسك كتفها وتدفه بخفة عشان تجلس اكملت بسخرية : فاهمه ؟
انقهرت رحاب وهي تصفق العنود
بنتي خط احمر والله لو اشوفك لامستها ياويلك فاهمهه !!! سحبت بنتها وهي تطلع فوق
فزت سُعاد وهي تروح للعنود 
العنود وهي ماسكة خدها بقوة اردفت بحدة وهي ناوية نية قشره : والله ما اخليها تعدي على خير
سُعاد : شبتسوين ؟
العنود انا اعلمك شبسوي  سحبت الكأس الزجاج وهي تكسره على راسها
شهقت سُعاد وام جمال بخوف 
ام جمال : شسويتييييي ؟
العنود بحدة وعلى طرف شفتها ضحكة : يجي صالح يسألكم شفيها تقولون رحاب صفقت العنود وكسرت القزاز على راسها 
سُرعان ماسمعوا صوت الباب يفتح
العنود : مثل ماقلت لكم
مثلت انها طايحة بالارض وسُعاد تسمي عليها وتحسب على رحاب
دخل ابو راشد ووراه سليمان : السلام عليكم انلجم من المنظر اللي امامه وهو يشوف العنود تنزف
سُعاد بتمثيل : الحق ياصالح الحق زوجتك رحاب تبي تموتها !
سليمان وهو يفز ل امه : يمههه  جلس وهو يحتوي راسها
ابو راشد وه يجلس عند العنود : شفيها
ام جمال : العمة رحاب صفقت العنود وضربتها بالقزاز
سليمان بصراخ : ليششش من حضرتها عشان تمد يدها على امي
ابو راشد : وانت صادق روحي نادي هالعلة
صعدت ام جمال وهي تحس بخوف قابلت سُلاف والبنات معها
هند وهي ملاحظه ارتباك ام جمال : ام جمال فيك شي ؟
ام جمال: العمة رحاب صفقت العنود وضربتها بالقزاز وهذا هي تحت تنزف
نجود بفجع : نعممم!!!!
نزلت ووراها البنات وهم يجتمعون حوالين العنود
ضربت الباب ام جمال وهي تنتظر احد يفتح
فتحت رحاب : نعم شتبين ؟
ام جمال : ابو راشد يبيك تحت
نزلت ووراها بنتها مايا  انصدموا من المنظر والعنود مدم/ية بالارض
قام ابو راشد بغضب : هذي اخرتها معك اخرتها تمدين يدك عليها وفوق هذا كاسره القزاز عليها ؟!!!!
مايا : بس امي مامدت يدها عليها هي اللي بدت
ابو راشد : انتِ اص ولا كلمة لا اسمع لك حرف !
رحاب ببكي : قسم بالله ماكسرت القزاز عليها !
تجاهلها وهو يجلس على الكنب
قامت سُلاف وهي تبكي : قسم بالله لو يحصل با امي شي شفت يدي هذي والله امليها بد/مك فاهمهههه
نجود وهي ماسكة امها وتبكي : يصير با امي شي لأجرجرك بالشرطة الله ياخذك من لما وقفتي بنص هالبيت وانتِ جايبة المصايب وراك
رحاب وهي تصرخ : ولا كلمه انتِ وياها فالحين بس  تتكلمون بكلام مو بقده انا لو طاقتها بقول اي طقيتها وخل تموت ماهمتني لكن مالمسته
سُعاد : والكف ؟
رحاب وهي تضحك : تبين مثله
هند : تخسين
ابو راشد : الزمي حدودتس يارحاب !!
بعد نص ساعه صحت العنود وهم حوالينها