" في حروب الارواح مالقيت الا انتِ يالروح الندية "

البارت العشرين

بعد صلاة العشاء تجمعوا بالصالة وهم يتقهوون ويسولفون
ابو راشد : ولد
سليمان : سم
ابو راشد  : تعال دلك رجولي من اليوم وهي تعورني
سليمان : سلامتك يبه اوديك المستشفى ؟
هز راسه بالرفض
العنود وهي تشرب فنجالها : علامات الكُبر هذي وناوي تعرس بعد !!
ابو راشد : اكسري الشر يامره
سكتت وهي تكمل شرب قهوتها
نجود : إلا يمه انتِ قبل تتزوجين ابوي جوك خطَّاب ولا بس ابوي ؟
العنود وهي تضحك : إلا يا امك جوني واجد الغني والفقير والمطلق والاعزب والارمل
لكن قلبي ماحب إلا ابوك ووافقت عليه
جوني واجد مثل منَّا لبيت ابو نسرين
فزت نجود : لبيت ابو نسرين الله اكبر !!
العنود : اي يا امك ماتشوفين انتاجي ما ازين منه
سُلاف : عشان كذا طلعت مثل القمر
العنود : اي واكبر مثال انا
نجود وهي تغمز : اموت بالنرجسية انا
سُعاد : لا صادقه واكبر مثال ماخذه واحد متزوج وعنده عيال وانتِ صدقي امك يالهبلة يابنت الهبلة

شهقت العنود : نعم يا اختي وش فيني وش ناقصني
جمال وكمال وبنت حسب ونسب
سُعاد بنرجسية : الله خلق وفرق وانا بنت الشيخ سامي رحمة الله عليه
العنود وهي تضحك بسخرية : بس مامنك فود ولا نفعه عانه صكك بالثانية
ابتسمت سُعاد بغيرة : وقريب يصكك بالثالثة
خمس سليمان لأبوه : يبه ما انت مفرق بينهم قبل يتهاوشن
ابو راشد وهو يضحك : لا لا خلهم خلهم هوشتهم تضحك
سليمان وهو يضحك : تبا مكسرات
ابو راشد : اي اي هاته جلسوا نجود وهند وسُلاف بجانب ابوهم وسليمان ويتفرجون بهوشتهم وهو ميتين ضحك
العنود : ماعاش اللي يصكني بالثالثة
سُعاد : نشوف
العنود : الا صدق اشوف اختك دلال تطلقت مدري اعرس عليها حمد وش لونها مع الطبينة ( الضرة ) وهي تغمز لها وتضحك
سُعاد بغيض : احسن من لونك عاد بتسكتين ولا بذي
العنود : وشو وشو بتطقيني !!
وقفت سعاد : اي بطقك عندك شي !
قامت العنود وهي تمسك عصا ابو راشد وتضربها فيه وسعاد ماسكة شعرها
شرقت نجود : تهاوشوا تهاوشوا
قاموا وهم يفرقون بينهم ويودونهم غرفهم
سُعاد : الله ياخذك ويفكنا منك
العنود وهي تمسك راسها بألم : وجعة توجعك يوههه ياراسي
نجود : يمهه الله يهديك تمسكين العصاء وتطقينها ليه ؟
العنود : وشو اجل تبينها تضربني تبيني اخليها تتغدا علي ؟!
سُلاف وهي داخلة بالموية : وش غداه وعساه يا اميمتي
نجود وهي تضحك  : بس تصدقون سويتوا لنا مسلسل بدون توقيت ههههه
العنود : اقول ورا ماتنقلعين تفتحين دروسك وتنفعين نفسك
سُلاف : يمه عاد اذا جت الثالثة وش بتسون انتِ وسعاد
العنود بصراخ : بقطعها تبيني اقطعك مثلها
سليمان : اذكري ربك لو المره ماتت والله ما انتِ بطالعة
العنود : انقلع مع خواتك انت
-
غرفة سُعاد
سعاد وهي منسدحة وهند تسوي لها مساج
هند : يمه هذا كباركم عجز وتسون هالعلوم وتتذابحون
سعاد : اقول ورا ماتكملين وانتِ ساكته
الملعونة كسرتني
هند وهي ماسكة الضحكة : حتى انتِ ماقصرتي مسحتي فيها الارض مع هالشوشة
ضحكت سعاد : احسن تستاهل اجل انا تطول حسها
علي وابوتس كلب بدل مايفرق بينا قاعد يلط بهالمكسرات هالشيبة
هند : يمههه تراه ابوي مثل  ما انتِ امي لاتقولين كذا
سُعاد بنقد : احلفي ! اقول انقلعي
قامت هند : الله يهديك تراني دافعت عن ابوي
قامت سعاد وهي ترميها بالنعال : اقول انقلعي اههههخخ ياظهري صكي الباببب
طلعت وهي تقابل اخوانها : مطرودين
هزوا راسهم ب أي وهم ينظرون فبعض فجأة جلسوا يضحكون

نجود : اههخ شفتوهم وهم ماسكين شعور بعض
ابو راشد وهو يحتضن صحن المكسرات بين يديه : وراكم مرتزين هنا
نايف : مطرودين يابو راشد يرضيك
ابو راشد : انت بذات تستاهل ورا ماقمزت وفرقت بينهم
انفجروا ضحك وهم يشوفون ملامح الصدمة على وجه نايف
سُلاف : اههخ يابطني يبه تراك بتلحقنا حريمك بيطردونك
ابو راشد بتمثيل الحدة : بنتت
اعتدلت سُلاف وهي ترفع شعرها : سم
ابو راشد : اعتدلي
اردفت بهدوء : ابشر
ابو راشد وهو ياكل : إلا ماقلتها لي منهو اللي بيضفني لاطردوني
انفجروا ضحك وهم يحضنون ابوهم
-
بيت الجد جابر ال مسعد
خرجت من غرفتها بهدوء وهي تتفحص بعيونها المكان
شافت امير وعُدي وهم يتهاوشون بمزح
صاحت عليهم وهي حاملة مسدس الموية وترش عليهم
عُدي : لااااااا
امير يحب المسدس منها وهو يلحقها فيه :
ورعه والله ما اخليك تعالي
مسك وهي متمسكة بعُدي : عُدي الفزعه وانا اختك
طق الصدر عُدي وهو يسحب المسدس من امير ويغدر فيها
مسك بأنزعاج : لاااااااا مب اناا
دخل الجد واستقبله عُدي وهو يرش عليه
وقفوا بصدمه ووو

الجد بصرامه : وجعه بزارين انت وياه رجاجيل طول بعرض تلعبون قوموا لأشغالكم لا اشوفكم الليلة
وانتِ انطقي بكتابتس بالغرفة
مسك : وانا شدخلني
امير وهو يجلس : والله انا خلصت شغلي
الجد : قم قم يمال القمة قم رح جب عامل يصلح لمبات الحوش
عُدي : امسحها بوجهي ماقصدت اغرقك بالماء
الجد : تعال صب لي قهوة وانت يا امير رح ناد لي افنان
توجه لغرفة افنان وهو يدق الباب ومالقى رد : افنان بنت
دخل الغرفة وكانت شبه باردة والنور طافي : وجعه ماتحس بالبرد
شد على نبرة صوته : افنان
شاف افنان وهي كيف غارقه بنومتها وشاده على مخدتها
اردف بهدوء : افنان
همهمت افنان وهي نايمة
امير : قومي جدي يبيك
افنان : انقلع برا قل نايمه
وسع عيونه بصدمه : وجعههه
فزت افنان بخوف : بسم الله ششجابك لغرفتي كيفف دخللت
امير وهو يعلي نبرة صوته : قومييي جدي يبيك
سحبت المخدة وهي تكمل نومها
امير بهمس : اعرف شلون اقومك
سحب دولكة المويا اللي على الكوميدينا وهو يكبها عليها
صارخت بخوف وهي تبعد خصلات شعرها عن وجهها
: ياكلب الله ياخذك
قرب منها ووو