" في حروب الارواح مالقيت الا انتِ يالروح الندية "

البارت الاربعين

مناهل وهي تشد على يد امير
امير لوجع : سمعت والله يايمه!
مناهل : والله لو انك ذرب ماشديت عليك بالنصايح !
امير بسخرية : افاا يالوالدة انا مو ذرب ؟
مناهل : ولاطبتك الذرابة تراك حار وعصبي انا خايفه تطلق هالمزيونة بسبب اسلوبك !
امير : ماعليك بتمسك فيها
مناهل وهي تصغر عيونها : نشوف !
-
تقدم فايز وهو ماسك الكتاب بيده
اقبل على بنته وهو فرحان لها
استقامت وهي ترسم على شفتيها ابتسامه مزيفه قبلت رأس والدها بحب
مدلها الكتاب وهو يأشر لها توقع
وقعت وما انزلت القلم الا والزغاريط قد ارتفعت رفعت رأسها لهم والدمعه عالقه بعينيها
الجدة ليالي بفرح : الله يتمم لكم حلو الايام ياحبيبتي
الهنوف بحب وهي تسلم على بنتها : الف مبروك يا امي انتِ والله يبارك لكم في حياتكم
فايز : يلا يابنيتي روحي للمجلس الرجال يبي يشوفتس
وسعت عيونها بخجل : اءء يبه مايحتاج يشوفني يشوفني بالزواج
فايز بضحك : وهو بيتحمل يبي يشوفتس يابنيتي روحي لمه
جمان وهي منزله راسها بخجل فضيع : تعال معي
فايز : طيب طيب
دخلوا المجلس وفايز ماسك يد بنته
استقام امير بألم على حُب طفولته مايا ومو مستوعب فكرة انه بياخذ وحده غيرها
الجد جابر بفرح : الله يوفقكم ويتمم عليكم يارب
ومبروكين ياعيالي
امير با ابتسامه : الله يبارك فيك ياجد
فايز : وهذي عروستك ولا اوصيك عليها
امير : بعيوني لاتوصي حريص
طلع فايز وهو ماسك ابوه
رفع انظاره للي قدامه كانت لابسه فستان احمر ضيق
ومزين عنقها بطقم الماس
قدمت خطواتها وهي تجلس بكل ثقه
زفر انفاسه وهو يجلس
امير بسخرية : كلها كم اسبوع واخذك واوريك قطع اللسان اللي وعدتك فيه
جمان بكره : الواحد يوعد زوجته بشهر عسل بطقم ذهب بفيلا وانت تتفلسف انك تقطع لساني !
امير : زوجتي ! انتِ تدرين اني ماخذيتك زوجة لي ماخذيتك غير اني ارضي جدي وليتني ما ارضيته دامني نشبت بوحدة قليلة حياء وطويلة لسان ميل شفته بسخرية : وماننكر انها مزيونة وتطرح الطير من السماء
احمرت وجنتيها بخجل وهي تردف بثقة : مايحتاج انك تعترف بجمالي جمالي معروف !
امير با اعجاب من ثقتها : فوق ما انها وقحة الا انها واثقه من نفسها
جمان : اففف هذي شوفة ليتني ماخذيتك ولا وافقت على واحد مختل
قام وهو يفور غضب : وليتني ماخذيت وحده شايفة نفسها وقليلة ادب !
قامت وهي ترفع صوتها وتشهق : انا قليلة ادبببب ! بلاك ماشفت نفسك يالوسخ
اقترب منها وهو يمسك فكها بقوة ويصر على اسنانه : والله للسانك ذا لأقطعه واخليك تعرفين الاحترام على اصوله !
دفته بقوة وهي تردف : تخسيييي تعلمني الاحترام محترمه من قبل لا اشوفك !!!
امير بسخرية : لا محترمة وواجد بعد !
صرخت بغضب وهي ترفع المخدة وتضربه فيها وهو محاوط خصرها ويضحك با استفزاز
-
افنان وهي جالسة : هييي ماتسمعون صوت صراخ
مناهل وهي خايفه انه صاير فيهم شي قالت بهمس : الله يفشلك يا امير
قاموا وهم يدخلون انصعقوا من منظرهم وهم يتهاوشون وجمان رافعه المخدة وتطقه فيه
الجد جابر بغضب : جماننننننن !
التفتت عليه بخوف وهي تناظر امير اللي ماسك خصرها وهي تضربه : جججديي !
الجد جابر : الشرهه مو عليك الشرهه على اللي بغى لك الزين يامسودة الوجه كذا تضربين زوجك !
فايز بحدة : دام بالشوفة متهاوشين شبقيتوا اجل للزواج !