اولا هقولكم وحشتونى
ثانياً انا محتاجه دعم
لانى نفسيتى تحت الصفر غير سابق خالص
انا من اول ما بدات اكتب الروايه دى
حصلى ظواهر غريبه
اولها قلة تفاعل منكم عالحساب الى يعتبر ضاع
انا صحيح لسه بحاول وهفضل احاول يمكن يرجع تانى
ثانياً انا خدت دور برد شديد، لما روحت للدكتور قالى اشتباه كورنا، قولت وصيتى لامى، لو موت ادفنينى مع أبويا فى قبره
المثل بيقول المرء مع من أحب
وانا محبتش حد فى حياتى ولا هحب حد قد أبويا، لانه كان محور حياتى من أولها، وكان دايماً السند ليا حتى لو غلطانه كان بيفهمنى غلطى بالراحه، وهو كمان أول من شجعنى أكتب من البدايه
لما مكنتش بعرف اكتب بس بعقد معاه أحكى له رواياتى،وحتى احلام بشوفها فى المنام،فقالى اكتبى ده
انا كنت اتعلمت الكتابه والقرايه بقى
فمكنتش بعرف أكتب الى فى دماغى أمسك الورقه والقلم وأشخبط وخلاص
بس برضوا تجى فكره تانيه، أقوله عليها
ففيوم لقيته جايب ليا ريكورد صغير وفيه شريط، وقالى الى بتحكيه ليا، أحكيه للريكوردر، وأرجعى أكتبه تانى، فى الأول كان صعب عليا لحد ما أتعودت وأستغنيت عن الريكورد وبقيت اكتب فى كراسات المدرسه نفسها، لو فكره جاتلى وانا فى الحصه، كنت بعملها مسوده كده، وبعدين أشغل بالى بها شويه، اكتب عنها،
هقولك على سر
انا مكنتش بعرف أكتب نهايات خالص لحد ما بدأت أكتب عالوتباد
أول روايه ليا
الى هى *للعشق غشاوه*
حتى قولت كتير مش راضيه عنها.
لقيتنى بعد كده بدأت أكتب نهايات.
...
وبعدين نرجع بقى لباقى الظواهر،
أبن أختى، الأسبوع الى فات تعب وترجيع ومغص وأسهال، وقع من طوله يعنى،
طبعاً فى ظل الرعب الى عايشينه من الكورنا الخوف سيطر عليا، بس الحمد لله بقى كويس .
قوم أيه بقى الموبايل يقع من أيدى على زرار الباور،قفل مش راضى يفتح،ولما فتح،فضل على كلمة سامسونج،يهديك يرضيك مفيش فايده،وديته للتصليح قالى عاوز فورمات،او سيستم،قولت عليه العوض فى حساب الوتباد،صلحه وكان عندى أمل ادخل تانى عالحساب
لان عندى الاكونت الى عليه الوتباد،وكمان كلمة السر،كتباهم عندى فى أجنده،كنت ببقى اكتب فيها أفكار،
بس للأسف جوجل طمعانه فى الچميل بتاعى ومش راضي يفتح.وانا معاه وبحاول وأتمنى أعرف أدخله تانى،ولو نجحت هقفل ده وأرجع للتانى الى عليه كل تعبى، وكمان بعض مشاهد وأحداث متقدمه للروايه وكمان، كذا روايه كنت بتسلى فيهم، غير جزء كبير من نوفيلا كانت هتنزل كامله فى عيد الحب لجروب، انا عملت الاكونت ده لسببين
أنى أكمل رواية النحس،أنتى حقى سمرائى
وكمان
اكتب عليه،لانى للأسف أتعودت اكتب عالوتباد مباشر
فبتمنى منكم الدعاء ليا،أن أكونت الچميل يفتح من تانى.
وأستحملونى.
ولو مفتحش هنقل كل رواياتى هنا،زى ما عملت سابق
فبتمنى دعمكم،والى يعرف حد من متابعيني القدام يقوله يقدر يتابعتى هنا لحد فرج ربنا
عليا
سلام