YXAN's POV
"Long time no see Alpha Gordon."
Iyan ang aking ibinungad kay Alpha Gordon, hindi ako natutuwa sa mga pinaggagagawa niya.
Nanliit ang aking mata nang mapadako ang aking tingin sa kamay niyang may hawak na wolfsbane, hindi ito nasasaktan dahil sa suot na gloves na siyang pumapagitna sa kaniyang balat at sa mapanakit na halaman.
Nanlakibang aking mata naman sa aking sunod na nakita, ang sanggol! Ang anak ni Lexa may sugat sa pisngi habang patuloy na umiiyak. F*ck!!
Napakuyom ang aking kamao sa aking nakita, pati bata sasaktan! BAGONG SILANG PA LAMANG IYON FOR PETE'S SAKE!!
Ihahakbang ko na sana ang aking paa nang marinig ko ang pag angil ni Alpha Tyler, paglingon ko ay may tinitignan ito sa kabilang ditection ng kubo, galit na galit ang mukha nito. Nagtatagis ang mga ngipin at nagbabaga sa galit ang mga mata.
Parang ano mang oras ay makakapatay ito. Sa curious ko ay sinundan ko ng tingin ang tinitignan nito at napanganga na lamang ako sa saking nasaksihan.
SI LEXAAAA! HALOS MALIGO NA SA SARILI NITONG DUGO AT HABOL ANG HININGA HABANG NAKAPIKIT. THE HELL!!
Galit na galit kong sinulyapan si Alpha Gordon na parang wala lang sa kaniya ang ginagawang torture sa kapatid at pamangkin ko.
"WHAT THE HELL DID YOU DO TO MY TWIN!?" Galit na sigaw ko.
Susugod na sana ako pero naunahan na ako ni Alpha Tyler, naitulak pa niya ako sa pagmamadali. Hindi ko siya masisisi dahil mag-ina niya ang kinawawa dito. Kahit ako ay sobra ang galit na nararamdaman, ni minsan hindi ko nagawang saktan ang kakambal ko.
Sinugod niya si Alpha Gordon na mabilis nakapag shift at sinangga ang pagkalmot ni Alpha Tyler sa kaniya. Sobrang gigil nito dahil hindi niya tinatantanan ng kalmot si Alpha Gordon.
Samantala, si Alpha Marion ay tumatakas na at iniwan nalang sa isang gilid ang sanggol. Halatang natatakot mamatay ang pinuno ng mga Sunray Pack, but i won't let that happen.
Tama ang prophecy. Nanganak sa kadiliman si Lexa, ang buong akala namin na ang ibig sabihin ng kadiliman ay lalaking gaya ng mga Gordon ang bata ngunit nagkamali kami at masaya iyon.
At nabanggit din na kami ni Lexa ang wawakas sa kasamaan. Napatay ko na si Alpha Emory Wilbur ng Silverstone Pack.
Hindi ko sigurado ang kay Alpha Tyler, malakas si Alpha Gordon ramdam ko iyon kahit hindi ko pa siya nakakasagupaan sa laban.
Sa Beta Thaddeus ay busy sa pagpipigil sa mga lobong umaatake sa amin. Kaya balak kong puntahan na si Lexa, pero dinaanan ko muna ang pamangkin ko sa lapag.
Biglang nawala ang galit ko pansamantala nang mabuhat ko ito na may mahimbing na pagtulog pero may luha pa rin sa mata. At napatingin ako sa pisngi nitong namumula at may sugat, bigla akong nainis muli.
Luminga linga ako sa paligid. Hindi ko alam kung saan ko iiwanan ang sanggol, hindi ko magagawang makipaglaban ng maayos kapag may hawak hawak akong sanggol.
"Pambihira." Naiinis na bulong ko sa aking sarili.
May nakita akong pwesto na tago, may distansya sa kubo.
Ilalapag ko na sana doon ang sanggol nang makarinig ako ng boses ng babae.
"Ano sa tingin mo ang ginagawa mo? Iiwan ang bata sa ganitong lugar na mag-isa?" Seryoso at may parang pagbabantang tanong nito.
Pag-angat ko ng tingin ay ang bagong dating na sina Tita Herisha sakayni tito Andreighus na lobo.
Kapwa duguan at sugatan ang mga ito, may ilang hiwa sa mukha, leeg, binti at braso si tita Herisha. May punit ang damit at magulo ang palaging maayos na buhok. Habang si tito Andreighus ay hindi ko masyado maaninag ang mga sugat niya dahil sa pagiging itim na lobo pero may ibang halata na dugo, napilayan ata itong paa dahil sa hindi pantay na paglalakad.
"THANK GOD!" Naisigaw ko sa tuwa.
Mabilis akong lumapit sakanila at iniabot kay tita Herisha ang bata na agad naman nitong inabot ng dahan-dahan at may pag-iingat.
"Kayo na muna ang bahala sa bata, kailangan kong sundan si Alpha Marion." Sabi ko.
"Teka, nasaan si Lexa?" Tanong ni tita Herisha.
"Ahh, nasa kubo. And please bantayan niyo sila ni baby, kailangan din ni Lexa ang tulong mo upang magpagaling siya." Seryoso kong sabi.
"Sige akong bahala." Seryoso at tumatangong sagot naman nito.
Nagpaalam na ako sa kanila at tumakbo pero napatigil ako. Ngayon ko lang napansin, hindi ko masyado iniisip ang kapaligiran dahil pokus ako kay Lexa.
At nandito pala kami sa tabi ng cliff, shit! Ito iyong nag flashback sa utak ko ah! Huwag naman sana mangyari ang nakita ko. Lumingon ako sa kubo at nakitang naroon na sina tita Herisha sa tabi ni Lexa na walang malay, habang nasira na ang kalahating bahagi ng kubo dahil sa paglalaban ng dalawang Alpha na parehong ayaw magpatalo.
Duguang Lexa, sugatang bata, sa gilid ng cliff. Shit! Itong ito iyong nangyari sa scenes na nag flash sa isip ko. Ayaw kong iwan si Lexa dahil ayaw kong mangyari ang nakita ko, gusto ko makasigurado.
Pero hindi ko rin pwede hayaan si Alpha Marion na makatakas sa amin. Hindi iyon pwede, kailangan nilang magbayad sa lahat ng nagawa nilang kasalanan sa amin.
Tinitigan kong muli si Lexa na ginagamot gamit ang spells. Alam ko hindi siya pababayaan nila Tito Andreighus.
Bumuntong-hininga muna ako bago humarap na sa daan na tinahak ni Alpha Marion. Sa kagubatan.
Nashift ako sa pagiging lobo at mabilis tumakbo upang habulin ang nakatakas na Alpha. Hindi pa rin kami makapaniwala na papanig siya sa pack na sumira sa pamilya nila, sa pack na pumatay sa sarili niyang anak.
Kahit nasasagi na ako ng mga nakausling kahoy sa daanan ay wala na akong pakialam. Amoy na amoy ko si Alpha Marion kahit malayo na siya sa akin, advantage of being primordial.
I can smell you, traitor.
Mas binilisan ko pa ang pagtakbo, doble sa normal na takbo ng mga lobo kaya ilang sandali pa ay tanaw ko na ang itim na lobong tumatakbo papalayo.
Napadila ako dahil sa gigil na mapatay siya. Hinding-hindi ako maaawa sa mga katulad nilang mga walang puso!
Nang malapit na malapit na ako sa kaniya ay bumwelo ako at tumalon nang sobrang taas na kaya ko at dinaganan siya.
Nagpagulong gulong kami hanggang sa mapahiga siya at ako ang nasa itaas.
*GROWL*
Pagdaing niya, at pilit kumakawala ngunit mas idiniin ko ang mga paa ko sa mga paa niya upang pigilan ito.
Iniangat ko ang aking kamay at handa na siyang patayin nang bigla itong nag shift bilang tao.
"SANDALI!" Sigaw nito.
Napatigil naman ako at inangilan siya, wala na akong pakialam kung matuluan man siya ng aking laway.
"M-may aaminin a-ako!" Nauutal na sabi nito.
Isa siyang Alpha pero sa itsura nito mukha nalang siyang ordinaryong lobo na takot na takot mapatay nang napakalakas na lobo.
Tinitigan ko lang siya at hindi sinagot, bagkos ay inangilan ko lamang siya.
"M-may n-nalalaman ako t-tungkol sa pagkamatay ng m-magulang niyo." Pinagpapawisang sabi nito.
Bigla akong napatigil sa sinabi nito. Matagal nang patay ang mga magulang namin, bata pa lang kami at inampon ni Loisa. Aksidente ang mga nangyari sa kanila.
"S-sasabihin ko p-pero h-huwag mo a-akong p-papatayin. P-parang a-awa muna, h-hawak nila a-ang bunsong a-anak ko." Umiiyak na sabi nito.
Hindi ko alam kung maniniwala ako sa kaniya pero dapat hindi ako magpahina dahil sa sinabi lamang nito, maging alerto pa rin ako dahil baka nililinlang lamang ako nito upang makatakas siya. Tsk.
"ROAR!"
Tanging naisagot ko sa sinabi nito. Kailangan malaman ko muna ang tungkol sa magulang ko bago akomag desisyon kung papatayin ko ba siya o palalayain.