သူမှလွဲ၍ _Completed

Ep_21

Unicode

ဆေးရုံကအပြန် အမာရွတ်အကြောင်းစဉ်းစားရင်း တွေတွေဝေဝေနှင့် လျှောက်လာခဲ့သည်။ အတွေးထဲနစ်မြောနေသဖြင့် ဘေးဘီဝဲယာမှ အသံများကိုလည်း သူမကြားတော့ပေ။ အိမ်ပြန်လမ်းသို့မဟုတ်ပဲ တခြားသောလမ်းတစ်ခုအား မှားလျှောက်နေသည်ကိုလည်းသူမသိ။

ဆေးရုံထဲကထွက်လာကတည်းက ခေါင်းငိုက်စိုက်ကျကာ ခြေဦးတည့်ရာသို့သာသွားနေခဲ့သည်။ သူသွားနေသောလမ်း‌မှာ လူသူပြတ်လပ်ကာ အသံများမှာလည်းတိတ်ဆိတ်လျက်ရှိသည်။

သူ့နောက်ကိုလူတစ်ယောက် ပုန်းလျှိုးကွယ်လျှိုးနှင့် လိုက်လာနေသည်မှာ အတော်ပင်ကြာမြင့်နေပြီ။ခြေသံများပင်ထွက်နေသော်လည်း အာရုံမရှိသဖြင့် ခြေတစ်လှမ်းချင်းလှမ်းကာ စိတ်မပါလက်မပါနှင့်။

နောက်မှထက်ကြပ်မကွာလိုက်လာသောလူမှာ သူ့အားမျက်ခြည်အပြတ်မခံ။ဦးထုပ်တစ်လုံးကိုခပ်ငိုက်ငိုက်စောင်းကာ ဖြည်းဖြည်းချင်းအနားသို့ကပ်လာသည်။အိတ်ကပ်ထဲတွင်ထည့်ထားသောလက်မှာခြောက်လက်မအရွယ်‌ေခါက်ဓားတစ်‌ေချာင်းကိုင်ထားပြီး အနောက်မှနေ၍ လည်ပင်းသို့ထိုးရန်အရွယ်...

"ဟေ့....အနောက်မှာ!"

ထိုအသံကြောင့် ကူကူးသတိပြန်ဝင်လာကာ နောက်သို့အမြန်လှည့်ကြည့်လိုက်သည်။ဓားဖြင့်ထိုးရန်ကြိုးစားနေသည်ကိုမြင်တော့ အကျီစကိုဆွဲဆုပ်ကာ လက်သီးဖြင့်တစ်ချက်ပိတ်ထိုးလိုက်သည်။ထိုးလိုက်သည့်အရှိန်ကြောင့် ခေါင်းပေါ်ကဦးထုပ်မှာ ဘေးရှိချုံပုတ်ဆီသို့ လွင့်ထွက်သွားခဲ့သည်။

ဦးထုပ်ကျွတ်သွားသောကြောင့် ဖုံးကွယ်ထားသောမျက်နှာမှာ အတိုင်းသားပေါ်လာခဲ့သည်။ထိုမျက်နှာကြောင့် ကူကူး အင်မတန်တုန်လှုပ်သွားခဲ့ရသည်။ကျစ်ကျစ်ပါအောင်ဆုပ်ထားသော လက်သီးများပင်ပြေလျော့ကာ မျက်လုံးများပင်ပြာလာသည်။

နားထင်ဘေးရှိ အမာရွတ်ကြောင့် ထိုလူ့ရုပ်ရည်မှာ အကျဉ်းတန်လွန်းလှသည်။ခပ်မှေးမှေးမျက်လုံး၊နှာခေါင်းပွပွနှင့် ပါးလွှာလှသောနှုတ်ခမ်း။လက်စပြင်းပြင်းဖြင့် အထိုးခံရသော်လည်း နှုတ်ခမ်းထက်ရှိအပြုံးတစ်ခုမှာ တွန့်၍ပင်မသွား။