The Lost Princess

Kabanata L - Chapter 50

Inangat niya naman ang mga kamay niya. "Fire explosion!" sigaw niya at itinama ang kapangyarihan sa kabilang gawi na madaming Darkenians.

Sumabog naman ang mga ito. Halos hindi na Arteya School ang nakikita ni Charlie sapagkat madaming estudyante ang nakalatay na duguan, ang mga dingding naman ay nawawasak na, puro apoy ang bawat gusali habang may mga maiitim na usok.

Lalong umusok sa galit ang mga mata ni Charlie dahil sa nasaksihan. May tumama naman sa kan'yang itim na kapangyarihan, sa kabutihang palad ay nakaiwas siya. Bumungad sa kan'ya si Shakira na malawak ang ngisi.

"Nagustuhan mo ba?" nakangising tanong nito.

Hindi naman nagpatalo si Charlie at ngumisi rin. "Mukha ba? Mas gusto kitang patayin."

Humalakhak naman siya. "Parehas lang naman tayong gustong patayin ang isa't isa."

"Alam mo bang kanina pa kita hinahanap? Natakot ka na ba sa'kin at tinakasan mo 'ko?" halakhak na usal ni Shakira.

"Mas nakakatakot 'yang mukha mo." halakhak na pabalik ni Charlie.

Halata namang nainis rito si Shakira at pinaulanan ng itim na kapangyarihan si Charlie. Iwas lamang ng iwas ang ginagawa ni Charlie hanggang maubos na ang itim na kapangyarihan.

Malakas na tumawa si Charlie. "Pikon..."

"Sana magustuhan ng mga mahal mong Royalties ang guardians na pikawalan ko." halakhak na ani Shakira na nagpakunot-noo kay Charlie.

"What do you mean?"

Humalakhak pang muli si Shakira. "Obvious ba? Sigurado kong patay na ang mga Royalties ngayon."

Kaagad namang inangat ni Charlie ang kamay niya at itinama dito ang apoy niyang kapangyarihan. Natamaan naman si Shakira ng kapangyarihan ni Charlie kaya mas lalo pang nanggalaiti ang Darkenian.

"Dark fire!" sigaw ni Shakira.

Ngunit bago niya pa matamaan si Charlie ay nakapag-teleport naman ito.

Napapadyak nalang sa lupa si Shakira. "Natakasan nanaman ako ng babaeng 'yon!"

Sa kabilang dako, nakikipaglaban lang ang mga Royalties sa mga malalakas kawal ng Darkenians.

"Fuck! Naghanda talaga 'tong mga halimaw na 'to!" sigaw ni Silky.

"Tangina ang lalakas nila!" Kenneth cursed.

Nagulat naman ang mga Royalties nang may dumating na mga hayop.

"Anong nilalang ang mga 'yan!?" pasigaw na tanong ni Larry.

"Bullshit! Nadagdagan nanaman ang kakalabanin!" sigaw ni Divina.

"Corey, gamitan mo nga ng kapangyarihan!" utos ni Zoe.

Ginamit naman ni Corey ang tubig niyang kapangyarihan. "Water spark!" sigaw niya at itinapat ito sa mga kakaibang hayop.

Purong itim ang mga hayop kaya alam mo nang galing ito sa mga Darkenians.

Nang tamaan ni Corey ang hayop ay wala man lang itong naramdaman. Sabay-sabay namang ginamit ng mga Royalties ang mga kapangyarihan nila sa mga hayop, ngunit parang wala lang sa mga itim na hayop ang kanilang kapangyarihan.

"Hindi sila tinatablan ng kapangyarihan natin!" sigaw ni Alex.

Kaagad namang naglabas ng kapangyarihan ang mga itim na hayop sa gawi ng mga Royalties. Napaiwas na lamang sila, ang iba naman ay natamaan. Napainda na lamang si Larry at Corey na natamaan.