Unicode
မန္တလေးပြန်ရောက်တာ တစ်လလောက်အကြာမှာတော့ မေမြတ်သူ ကျန်းမာရေးက သိသိသာသာကောင်းလာပါသည် ။
သူ မပျင်းတာလည်းပါသလို ရှိုင်း ဂရုစိုက်ပေးတာလည်း ပါလိမ့်မည် ။" ကြည် ဒီနေ့ အပြင်သွားလည်ကြမယ်နော် "
".....မေ့နဲ့ အတူသွားရမှာလား "
" ဒါပေါ့...ဒီကို ဒေါ်လေးရော တူတူသွားမယ်နော် "
ရွှေရောင်ဆံပင်ရှည်တွေကို နှစ်ဖက်မျှစီးထားပြီး လက်ထဲကအရုပ်လေးကို မြှောက်ကာဆော့နေတဲ့ ကြည် က မေနဲ့ အပြင်သွားရမည်ဆိုတော့ အတော်ပျော်သွားပုံပင် ။
" ဖေကြီးကို လှလှ ဝတ်ခိုင်းရမယ် "
အရုပ်လေးကိုပိုက်ပြီး လုံးလုံး လုံးလုံးနဲ့ ကိုခန့်တို့အခန်းထဲ ဝင်သွားပြန်သည် ။
***********
ပြင်ဆင်ပြီး ထွက်လာကြတော့ မေက စိမ်းပြာရောင် မြန်မာဝမ်းဆက်လေးကို ကတ္တီပါ အပါးလေးနဲ့ လိုက်ဖက်စွာ ဝတ်ဆင်ထားသည် ။ နဂိုပန်းရောင်သန်းတဲ့ ပါးလေးနဲ့ ခပ်ရဲရဲဆိုးထားသည့် နှုတ်ခမ်းဖူးဖူးလေးက ရှိုင်းမျက်နှာ မလွဲချင်အောင် ဆွဲဆောင်လျက် ။
လက်ထဲမှာ ဝကစ်လေး ကြည် ကို တွဲထားသည် ။ရှိုင်းလည်း မြတ်သူ ပြင်ပေးသည့် မေနဲ့ အဆင်တူ ဝတ်စုံလေးကို လှပစွာ ဝတ်ဆင်ထားသည် ။ ကျောလယ်ထိရှည်နေပြီဖြစ်တဲ့ သူ့ဆံပင်တွေကို ခပ်မြင့်မြင့်စိီးထားကာ သူမပုံက သွက်လက်ပြီး ချစ်စရာကောင်းသည် ။
အပြင်မသွားတာကြာလို့သာ ထွက်လာကြခြင်းဖြစ်သည် ။ ဘယ်သွားရမှန်း သူတို့ကိုယ်တိုင်မသိ ။ ငါးနှစ်ကြာ နိုင်ငံခြားမှာနေခဲ့တဲ့ ရှိုင်းနဲ့ အိပ်ရာထဲလဲနေခဲ့တဲ့ မြတ်သူတို့ နှစ်ယောက်မှာ ကားသာမောင်းလာကြပြီး ဦးတည်ရာ မဲ့နေသည် ။
" မေ့... ကြည် တို့ ဘယ်သွားမှာလဲဟင် "
မေ့အပေါ်မှာ ထိုင်နေတဲ့ ကြည်က ခေါင်းလေး မော့ကာ မေးလာသည် ။
" ဟိုလေ....ဟို... ရှိုင်း ဘယ်သွားမှာလဲတဲ့ "
မဖြေတတ်တော့ ရှိုင်းကို လွှဲချလိုက်သည် ။
ရှိုင်း မှာလည်း ကားသာ မောင်းနေတာ ဘယ်သွားလို့ ဘယ်လာရမှန်းမသိ.......
YOU ARE READING
နင်စေရင်
Romanceဘယ်သူပိုချစ်တာလဲလို့ မမေးနဲ့.. အချစ်ဆိုတဲ့ အရာကို ကိုယ်ဖော်ပြတတ်သလို ဖော်ပြခဲ့တာချည်းပဲ... ..................................