When Suplado Boy Meets Palaban Girl

Chapter 28 - His Personal Nurse

 

"Oo nga eh." Ang kulit din ni Mark ah. Paulit-ulit talaga.

 

Inalalayan ako ni Mark papunta sa clinic. Maraming ng estudyanteng nag-aabang sa labas at karamihan sa mga iyon ay mga babae. Malamang iyan iyong mga fans ni Nathaniel dahil ng makita nila ako ay tiningnan nila ako ng masama na parang gusto na nila akong patayin.

Mukhang lalong lumaki ang galit sa akin ng mga tao dito dahil sa nangyari kanina. Pero hindi ko naman iyon sinasadya. Sino ba ang may gustong mahulog sa hagdan, di ba wala.

Hinarangan ng mga ito ang pinto. Ayaw pa akong papasukin. Kung hindi lang masakit itong isang paa ko ay pagsisipain ko itong mga ito. Sobrang nakokokensiya na nga ako sa nangyari tapos dadagdag pa sila sa problema.

"Anong ginagawa niyo."

 

Napalingon kami sa nagsalita. Si Dominic. Ng makita nila ang seryuso nitong mukha ay nagbigay sila ng daan. Nakakatakot din pala ito minsan, ngayon ko lang nalaman.

"Diana, okay ka lang ba? Anong nangyari sa paa mo? Dahil ba iyan kanina?"

 

"Hindi ito dahil dun. Okay naman ako. Hindi naman ako nasaktan."

 

"That's good. Halika pasok tayo sa loob."

 

Pumasok na nga kami sa loob. Hindi na nakaepal pa iyong mga babaeng nag-aabang sa labas. Kaya lang may mas demonyita pa palang nasa loob. Si Caroline.

"Look who's here. Talaga ngang makapal ang mukha mong babae ka. Hindi ka pa nakontento sa ginawa mo kay James. Nagpunta ka pa talaga dito."

 

"Caroline, ayoko ng gulo. Gusto ko lang namang kumustahin si Nat--- James."

 

"And who gave you the right to do so?"

 

"Caroline ano----"

 

Hindi ko natapos ang sasabihin ko dahil bigla na lang bumukas iyong nakatabing na kortina at nakita ko si Nathaniel. Nakahiga pa rin siya sa kama, at nakabenda ang isang braso.

"Bakit ba napakaingay niyo?" sigaw niya. Kahit na nasaktan na siya ay suplado pa rin siya. Napatingin siya sa akin.

"Anong ginagawa mo dito?"

 

"That's the same thing that I asked her James."

 

"Ahhhh--"

 

"Lumabas ka!!!"