LOVE BETWEEN THE LIES (SELF-PUB) Reprints of Physical book still available

• 18 •

And I should be thrilled. Any high ranking agent in this agency would die just to be in Jesus' position. Siya kasi ang pinaka - head ng lahat ng branches ng International Circuit Agency here and abroad. Lahat ng utos niya ay hindi puwedeng mabali.

"S - sir I don't think I can accept that position." Sabi ko. Hindi. Hindi ko yata kaya. Masyadong mabigat na ang mga responsibilities noon. Ito ngang agency sa Pilipinas ay sumasakit na ang ulo ko tapos pati ang sa ibang bansa ay hahawakan ko pa?

Napahinga ng malalim si Jesus.

"You worked hard for this Agent Gonzalez. You deserve this. I know how you sacrificed everything for this agency and this is for you."

Hindi ako nakasagot. Sacrificed everything? Yeah. I sacrificed the woman I love for this fucking agency and for her safety.

"And this position is really for you. You're not married, you're single." Napangiti siya ng mapakla. "Mukhang wala ka na naman yatang planong mag - asawa."

"In this line of job alam 'nyong walang puwang ang pag - aasawa. Ayoko ng mayroong umaasa sa akin. I'd rather stay alone all my life." Sagot ko.

"Then you're perfect." Nakangiting sabi niya.

Ewan ko kung bakit hindi man lang ako natuwa sa ibinalita niya sa akin. I should be celebrating because I'll be the overall chief of this agency. Pero hindi ako makaramdam ng saya. Kasi ano 'to? Konsolasyon sa pag - give up ko kay Andie?

Tumayo si Jesus at tinapik ako sa balikat.

"Congratulations Agent Gonzalez. Your change of status will take effect at the end of this month." Inilahad niya ang kamay ko at kinamayan ako.

Kahit napipilitan at kinuha ko ang kamay niya. His grip is so tight.

"Thank you for everything. Thank you for all your help. Thank you for looking after my family."

Gusto ko ng itaboy si Jesus. Sobrang inuusig na ako ng konsensiya ko. I didn't take care of Andie. I left her without saying why. I did what her father did. I made her feel worthless again.

Tiningnan ko lang si Jesus ng tuloy - tuloy siyang lumabas. Nakaupo lang ako sa harap ng mesa ko. Kinuha ko ang isang folder na natatabunan ng patong - patong na folders at binuklat iyon.

Andie's photo is smiling at me. Ito ang picture na ibinigay sa akin ni Jesus para sa misyon ko. Misyon kong protektahan ang anak niya. Pero nabigo akong gawin iyon dahil ako mismo ang nanakit sa kanya.

Isinara ko ang folder at napapikit ako ng mariin. Gustong - gusto ko na siyang tawagan. Gustong - gusto ko ng alamin kung ano na ang nangyari sa kanya. Pero tiniis ko. Pinigil ko ang sarili ko. Hindi ako tutulad kay JD na sinundan ng sinundan si Lucy. Kasi alam kong kahit anong gawin ko, Andie and I will never end up together. Babaunin ko na lang ang lahat ng alaala niya. I'll cherish those moments that we were together at least alam kong may isang parte ng buhay ko na nagmahal ako at minahal ako.

——————>>>>>

Andie's POV

Tulala ako habang nakasakay sa kotse ko. Paulit - ulit sa isip ko ang mga sinasabi ni Doctor Manotoc. First trimester is crucial, early stage of pregnancy. Nanginginig ang kamay ko habang hawak ko ang ultrasound report at tinitingnan ko ang black and white na litrato.

Buntis ako at hindi ko alam kung anong gagawin ko. Paano ko ito ipapaliwanag kay mommy? Nabuntis ako na walang boyfriend? Hindi naman nila alam na si Tim ang boyfriend ko. At saan ko siya hahagilapin? Ilang beses ko na siyang tinatawagan pero parang tinaguan na niya ako.