عيـــلتنــا ((باللهجه الليبية))

البارت الخامس و الأربعون (2/25)

#عيلتنا
.
.
.
.
.

أسامة : تي ما صدقوا كبدت ، بدوا يلقحوا .
انا : اووو ، صار أسامة مكبد .
محمد : ترا إحلف .
أسامة 'ضحك' : والله .
سالم : و الله أمس قلت لمحمد ، أسامة عاقل مش إمتاع المواضيع اهيا .
محمد : اي صح .
أسامة : لا والله ، و شن قصدك ، اللي يكبد يولي مجنون!
انا : امالا احنا عندنا مستشفى مجانين .
محمد : اي ، بسام و محمود و سمعة و سالم حالات متطورة صعب علاجها .
سمعة : شن هيــاا ، انا مجنون!
سالم 'ضحك' : من وين طلعت إنت ؟
سمعة : باهي لطلعت ، تقرموا فيا مصحكم .
أنا : غر أفهم الموضوع .
سمعة : لا خالاص فاهم كل شيء انا .
انا : مفلحكم في العناد .
محمد 'ضحك'
سالم "بتركيز" : شن في ! و علاش تضحك محمد؟
انا 'شفت لمحمد' : هو يعرف روحه .
محمد : فهمت تلقح عليا انت .
انا : اي .
بسام : أهلين .
°هلا°
بسام : شن الجو؟
انا : باهي ، خيرك ما جيت لحوش جدي اليوم؟
بسام : خذاني النوم .
سمعة : كذب .
بسام : والله .
سالم : أكثر من 4 ساعات نوم؟
بسام : الله غالب .
أسامة : الله غالب ع الميت .
انا : اقوى أسامة كبد بدى يقول في حكم و جو .
محمد & سالم 'ضحكوا'
أسامة : إيح عــاد ، زي أيمن و أصيل .
أصيل 'قعمز' : صقع عليك يا مهزب .
انا 'انا نضت بسرعة و قعمزت جنب أصيل' : اووو ، شني مني ؟ شن قالتله!
أصيل 'قعد يضحك'
انا 'غمزتله' : غر هيا قول قول .
أصيل : هذا يا حنّه ، أسامة أول ما قاللها نحبك سمعاته وسخ وذانه 'ضحك' ، و المشكلة إمبكري قصفاته 'قعد يضحك'
انا : اي شن قالت هيا .
أيمن : تو إنمثلوا الموقف .
الشباب: هي .
أيمن : انا أسامة باهي .
أصيل : خلاص انا عائشة .
أيمن : نبدوا من القصف .
أصيل "بتقليد لعائشة": انا هكي إسلوبي ، مش عاجبك أخبط راسك في الحيط .
أيمن' يمثل العصبية': سكري فمك ، الكلام اهوا تقوليه لصاحباتك اما ليا انا فلا .
أصيل 'شهق': انت وين و صاحباتي وين ، بعدين من إنت حتى تقولي كيف نتكلم لا و تقولي سكري فمك معاها ، ناقصني غير انت .
أيمن 'وقف' : تي بري إنتحري ، شن المخلوقة أهيا .
أصيل 'حطت رجل على رجل بمياعة ' : و اللهِ شن ذنبي كان انت قاتل روحك عليا ، ولا مني اللي جى و دار روحه رومنسي هذاكا اليوم .
' أحنا إنفجرنا بالضحك  و أسامة ناض يسب و دخل للفيلا'
سمعة : قوية بنت خوي .
انا :  أسامة الرومانسي .
'سمعنا صوت سيارة درست تلفتنا كلنا'
بسام : أهي كبيدتك .
انا : أسكت .
بسام 'ضحك'
هلال : هلاا .
°اهلين°
هلال : كيف حالكم .
انا : الحمدلله كلنا .
بسام & سمعه 'قعدوا يضحكوا'
هلال 'شافتلي و دخلت'
أصيل : حي حي ، متقولوش اللي في بالي .
انا "بسرعة" : اي .
أصيل : أقوى .
انا 'ضحكت' : صقع عليك .
حاتم : اوو شباب روحتوا !
أنا : مقدمك .
حاتم : و الله توا كيف شفت أسامة طايرتله .
سمعة 'ضحك' :  اي أحنا طيرناهاله .
محمد : بنمشي نشرب ميا 'مشى'
انا 'وقفت' : بنمشي انا 'دخلت و قعمزت في الصالة جنب إميما و كانوا البنات كلهم مقعمزين معانا'
إميما : وين أمك ؟
انا : بايته في حوش جدي .
إميما : اها .
ملك : نساوين عمامي وين؟
اميما : كل وحدة في حوشها .
هلال : صار مخلينك بروحك اليوم .
أميما : مش حـيصيرلي شيء .
أنا : اقوى اميما تلقح .
'ضحكنا'
إميما : خيره أسامة امبكري معصب !
انا 'ضحكت و شفت لعائشة' : والله هذا في واحد متعارك معاه .
عائشة 'شافتلي بصدمة'
انا 'ضحكت' : خيرك عويشة؟
عائشة : شيء .
هلال : عويشة صار .
انا 'تلفتت لهلال' : عائشة عــائشة ، باهي .
إميما 'شافت لهلال' : وإنتي علاش متضايقة .
أنا 'ضحكت' : جاوبي يا حلوة .
هلال 'نزلت رأسها بإرتباك'
أنا : و الله يا إميما  هذا سؤال صعب .
إميما : هو انا سألتك ؟  سألت هلال ولا!
ملك : قصــف .
انا : حي يا أميما زعلت انا .
إميما 'ضحكت' : لا عاد الا زعلك يا وليدي .
ميس : حي على الدلع .
انا : مقهوريــن .
هلال 'ضحكت' : من الملك .
أنا : هي يا فالحات ديرولنا شاهي .
ملك : عندك إيدين .
إميما : تحشمي و نوضي جيبيله طاسه شاهي و حلويات.
هلال : تو إنوض انا 'ناضت'
إميما : شخبار خدمتك ؟
انا : الحمدلله .
إميما : إمتى يا وليدي بتتزوج  و إدير عيله!
هلال 'مدتلي سفرة و فيها شاهي و حلويات'
انا 'إبتسمت' : يسلمـو ' خديتها منها و حطيتها ع الطاولة' : و الله ، بإذن الله قريب .
إميما : أمتى !
انا : إن شاء الله في شهر 9
إميما : باهي قريب ، في بنت في بالك ؟
انا : اي .
إميما : ربي يهنيك إن شاء الله .
انا 'شفت لهلال' : إن شاء الله .
هلال 'شافت لملك بمعنى. على شن يحكوا'
ملك 'ضحكت' : هذا وسام قال بيخطب 'غمزتلها'
هلال "بتوتر" : اها .