عيـــلتنــا ((باللهجه الليبية))

البارت الرابع عشر

#عيلـ★ـتنا
.
.
.
.

إميما:عمك لي توا ما جى و .
انا قاطعتها: كيــف 😲😨
و في نفس اللحظه رن تليفوني .
انا: الو ؟
: انت و سام *****.
انا: اي انا علاش ؟؟
: عمك إسماعيل؟
انا: ايه خيــره؟؟
: والله دار حادث .
انا بصدمة: نعـــم😱.
: و هو توا في مستشفى *******.
انا: خلاص انا جاي .. سكرت .
إميما: خير يا وليدي شن في ؟
انا: اه ... ام.. عمي دار حادث.
جدي : تبصـر.
انا: لا والله ... وانا تو بنمشي له.
إميما: ارفعني معاك .
انا: لا يا إميما تو نمشي انشوفه... وطلعت جري قبل ما يزيدوا اي كلمه  كنت نجري بسرعة رهيبة و كانوا الولاد ينادوا عليا ومش فاهمين خيرني .... ركبت السيارة و طلعت بيها بسرعة لين وصلت للمستشفى ... نزلت للإستقبال و سألت عليه .
الممرضة: الحجرة رقم 8 في الدور الثاني على اليمين .
انا: شكراً ... طلعت جري للدور الثاني و وصلت وشفت عمي على السرير و عليه جهاز الأكسجين و حاجات تانيه و يده مجبسه .. تلفتت لقيت الدكتور يبحت فيا.
الدكتور: انت وسام؟؟
انا: ايه .
الدكتور: ما تخاف عمك حالته باهيه  عنده كسر في اليد و انقطع عنه الأكسجين امبكري  بس.
انا: بس؟؟ ... وهو هاذا شويا ؟
الدكتور: قول الحمدلله .
انا: الحمدلله.. امتى بيفيق؟(ينوض)
الدكتور: فايق .
انا: به امتى بيطلع؟
الدكتور: غدوا العشيه .
انا: به شكراً... فتحت الباب و خشيت لعمي وهو طول بحت فيا.
انا: الحمدلله على سلامتك يا عم.
سمعه: و.. وسام .
انا شديت ايده: نعم ؟
سمعه: دير بالك على روحك يا وسام.
انا إستغربت: علاش؟؟
سمعه: الحادث ما كان صدفه... في من رمى عليّا رصاص لهاذا درت حادث.
انا انصدمت: كيف .. ومني؟
سمعه: ما نعرف .. لكن انا وقضتك و دير بالك على روحك  .. أفتح عيونك صح .. وشوف الناس كويس... بالذات اللي قراب منك ... را في ناس تحسابهم صحاب وهما يتمنولك الشر .
انا: عمي شن قصدك .
سمعه: اللي قصدي فهمته و انا نبهتك.
انا: ماندري ... بنبات معاك اليوم .
سمعه: لا لا روح ... وخلي بوك ولا واحد من عمااامك يجي مش الشباب.
انا: باهي علاش؟
سمعه: ايــح عاد .. امالا شن انخرف.. ليا ساعة  و انا نشرحلك.
انا: هههه .. باهي به لكن حنقعد لين يجوا.
سمعه: ايح انت عاد😒
انا: عمي والله ما تقدر تعاندني را.
سمعه: الله .. احلا كلمه ... عمي ... قداااش ليكم ما قلتوهالي ديما سمعه سمعه حالة ... ما عمركم ما حسستوني اني عمكم ... ديما كأني ولد عمكم ولا صاحبكم.
انا: انت عمي ومهما كانت علاقتنا بيك انت في الأصل عمنا و ماحد يقول غير هكي .. بس احنا انقولوا سمعه و نستبعدوا في كلمة عمي حتى ما تحس نفسك كبير علينا لكن لو تبينا نقولوها ف من توا يا... عمي 😋
سمعه: هههههه.. لالا.. سمعه احسن.
انا: به تمام يا سمعه😜
سمعه: اييح عاد وسام ... هي كلمهم.
انا: حاضر ... خديت تليفوني و إتصلت بـ بوي ..
انا: الو؟
بوي: اه وسام خيرك؟
انا: بوي تعالى لـمستشفى******.
بوي:علاش!
انا: عمي بيبات فيها اليوم.
بوي: علاش خيره ؟
انا حكيتله القصه كلها .
بوي: خلاص تمام انى جاي..سكر.
انا بحتت في عمي لقيته راقد قعمزت على الكرسي جنبه و فتحت النت لقيت جنان متصله بالأنترنت..كلمتها شوي وسكرت التليفون وفي نفس اللحظه جي بوي .
بوي: السلام عليكم.
انا: وعليكم السلام .
بوي: هي أطلع روح تو ... و غدوا انا بنروح بيه .. انت ارفع دانا .
انا: دانا؟؟
بوي: اي.. قعدت اتنق فوق راسي تبي تمشي للمحل ... قلتلها وسام يرفعك غدوا.
انا: به أمتى؟
بوي كيف بيدوي جي الدكتور.
الدكتور: لو سمحتوا ممكن تطلعوا لأن المريض لازم يرتاح.. وقرب من عمي و ضربله إبرة و دار حاجات تانية .
انا طلعت ببوي للبرا و سكرت الباب.
بعد فترة طلع الدكتور من الحجرة .
الدكتور: خلاص تقدروا تدخلوا بس ما تكتروا دوه معاه .... و زي ما قلتلكم بيطلع غدوا العشيه.
انا: بارك الله فيك يا دكتور .
الدكتور : فيك بارك الله.
جي دكتور تاني: خيره المريض؟؟
الدكتور: هاذا الدكتور عماد .
عماد: سمعت ان في مريض اهنا دار حادث .
انا:ايه مزبوط.
عماد: شن إسمه.
انا: إسماعيل ***.
عماد وقف بصدمة و بعدين فتح باب الغرفة و بحت في عمي ..
عماد: سمعه!
انا قمت حاجبي بإستغراب: ايه .. تعرفه؟؟
عماد: تي هذا صاحبي ... اللــه يا دنيا... من الصف الأول و احنا مع بعض بعدين إتفرقنا لما سافر .
بوي:عماد**؟
عماد: وائل.. وسلم علي بوي.
انا: نمشي انروح احسن ..مشيت من جنبهم ... ركبت سيارتي و انا مستغرب من الكلام اللي قاله عمي .... خلاني انشك في كل سيارة تجي و راي ... مر الوقت وانا في الطريق و فتت الموضوع .. وصلت للحوش وكلهم جوني يجروا.
هلال: خيره عمي شن فيه .
انا: اه ... شيء ما فيه شيء.
ملك: بالله ... امالا علاش هو في المستشفى .
محمود: خيره سمعه؟؟
انا بحتت في محمود : قلنا شــئ.
روان: لا تكذب علينا.
انا بحتت في محمود و مشيت.
محمود فهمني : خلاص خشوا الداخل و ياسركم نقان ... بحت في الولاد.. تعالوا ولاد .. ومشى.
هلال: مصــح وجهم.
ميس: علااش ما يبي يقوول؟
مرام: براده .. وخشوا .
___________
مشيت قعمزت في الجنان  و قعدت انبحت  في.النافورة .
محمود: شن فيه عمي؟
سالم: قول نشفت ريقنا .
انا: داير حادث و يده انكسرت .
الصيد: تبصر !
انا: لا .
محمود: امتى بيطلع .
انا: غدوا العشيه .
سالم : ربي يشفيه .
الكل: آمين.
رامي: بنمشي نرقد انا الساعة 4.
الصيد: حتى انا .
سالم: بالله ارقدوا في المربوعه الكبيرة نبوا نباتوا مع بعض .
أصيل: حتى انا جاي ... تعالوا شباب نسهروا الداخل.. ومشى
الكل مشى الا انا و محمود و سالم.
سالم: وسام خيرك شن في؟؟
محمود: ايه يا راجل خيرك ... را واضح انك مهموم.
انا: اااه ... عمي قال ان الحادث ماهو بصدفه.
محمود و سالم: كيـف!
انا: قال ان في حد رمى عليه رصاص ... وقالي رد بالك على روحك و و حكيتلهم لي قاله عمي.
سالم: زعما عمك شاف اللي رمى عليه؟؟
محمود: ممكن ... لهذا قالك ناس تعرفهم و مش عارف شني .
انا : زعما!؟
جت دانا : وسام.
انا: نعم؟
دانا: قالولك الولاد تعالى انت و سالم و محمود  بيفتحوا فيلم .
محمود يبحت في دانا: قوليلهم باهي استنوا شويا .
دانا: امباه .. ومشت .
سالم :  انا ماشي .
انا: به تو شويا و انجوا .
سالم: تمام.. مشى .
محمود: هي تعالى يا راجل .
انا: بااه .
محمود: هيااا.
انا: هي ... ونضت .
___________________________
سالم كان ماشي و سمع صوت وحده تغني و جايه بإتجاهه .. مشى و را الشجرة .
: متجي هنا وانا احبك .. ع شان عيش على حسك .. حبيبي دا انت الدنيا و انا موت لو غيري يمسك .
سالم طلع من وراها : إطمني ما حد بيمسني غيرك .
تلفتت بصدمه : سـ ... سالم؟؟
سالم: اي سالم يا عيون سالم يا روووح سالم .
نزلت راسها بخجل: انت شن تقول؟؟
سالم: اللي سمعتيه و الله ... شد يدها وحطها على قلبه : ليه سنيين هالقلب يدق بإسمك و يعشقك و انت ما معبرتيه و لا حاسه بيه .... انحبك ... انحبك يا **** و نمووت فيك.
****: جبدت يدها بخجل و مشت تجري للداخل .
سالم ما شال عيونه من عليها و هو يبتسم بحب ... كمل طريقه للداخل و مشى للولاد ..
____________________________

انتـــهى البارت ...

تتوقعوا من اللي يحبها سالم؟؟

وشن بيصير في وسام ؟؟

_____     _______      ______

آسفه البارت كان قصير 😓