#عيلتنا
.
.
.
.
.
: الو .
محمد : مني ؟
: مني انت و وين ميس ؟
محمد 'شاف لميس ': تعرف مزال تتصل يا **** نفنيك و نلعن خيرك اخطاها خلاص و قسما بالله نشوف رقمك مرة ثانية نهارك اسود و حسابي معاك مزال ما تم .' سكر الخط و شاف لميس بعصبية ' : من هوا هذا اه مني ؟
دانا : خيركم شن في؟.. و وطي صوتك
محمد : مش ح نوطيه لين نفهم .
ميس 'سكتت و تجمعوا الدموع في عيونها'
محمد : معقولة يا ميس معقوولة ... تكذبي على سالم ! ... تي كيف قدرتي كييف الولد يحبك بمعنى الكلمة !
دانا : شني ؟
محمد 'بعصبية' : تي اي قسوة عندك انتي ! الا سالم ايوا ما جيتي غير في رفيق عمري ...والله ما ح نخليك تكملي كذبتك و تواا بنكلم سالم توا. 'خدي تليفونه و تليفون ميس ...ضرب الباب بيده و وطلع '
دانا : شن يقول خوك ؟
ميس ' تبكي '
دانا 'بصوت عالي ' : فهميني شني يقوول خوك ؟
انا : ميس شن القصة !
دانا : نمشي نفهم الموضوع من محمد 'طلعت'
ملك : ميس شن في ؟
ميس 'حضنت ملك و قعدت تبكي '
انا : تي فهمينا القصة .
اصيل " بإستغراب" : خيركم ؟
ملك : امتى جيت انت؟
اصيل : توا لما دانا طلعت .. شن في ؟
انا : ما في شيء برا .
اصيل : به اهيا الصونيه توا كيق دخلتها ، بسرعة .
ملك : مش فاضيين .
اصيل : ايح عااد.
انا :وباهي اطلع تو انجهزهم .
اصيل : باهي خيركم تلزوا ؟
ملك : مزاج .
اصيل : بالله .
ملك : والله.
انا : باهي خلاص انتلف.
اصيل : تقولي انتلف ليا انا!
انا : واااك اصيل اقلب وجهك.
اصيل : كيف ؟
اسامة : تعال جاي و انت سكنت.
اصيل : تؤ لا حول الله .. الواحد ما يرتاح بكل.
اسامة : تي احنى كيف اعطيناك الصونيه امتى تحركت؟
اصيل : لما اعطيتوني الصونيه 😁
اسامة : امالا حسام شن يقول ؟
اصيل : عادي هوا يشوي بس .
اسامة : بالله عليك ترا احلف.
اصيل : والله.
اسامة : خيرك هكي ؟ يبدو ان الحلويات لعبت في عقلك.
انا : نعرف ان الحلويات تعطي طاقة مش تخليه زي النعسان .
اسامة : مش عارف .
اصيل : بالله اخطوني ترا واصلة حدي
اسامة : نعم ! اللي يسمعك يقول هموم الدنيا كلها فوق راسك .
انا : من وين بيجيك الهم و انت قاعد صغير؟
اصيل : يعني معترفة انك صغيرة .
انا : وشن دخلي انا ؟
اصيل : نفس العمر.
اسامة : باهي خلاص اطلع معاي هيا.
اصيل : وشن هوا السبب اللي يخليني نطلع معاك؟
اسامة : السبب هو ان لو ما طلعت معاي نمسح رمز النت من تليفونك .
اصيل : عادي عندي نت شفرة .
اسامة : انقيم خيط شحنك.
اصيل : عادي ايمن عنده واحد .
اسامة : نقول لبوي ان العشرين اللي خذيتهم منه امس مش للقراية و ان مشيت بيهم للقهوة مع الولاد .
اصيل : عادي اصلا كنت بنقوله .
اسامة : به تمام و لما نقول لامي ان انت اللي شربت ال7up و عبيت مكانه ميا لما جت صاحبتها .😏
اصيل : لااا .. تؤ خلاص تو نطلع معاك 😒
انا : مياميا يا اسامة شاد عليه كل شيء.
اسامة : امالا شني .😆
ملك : مش ناويين تطلعوا مزال؟
اسامة : قاعدين على قلبك مثلا ؟
ملك : لا .
اسامة : امالا اسكتي .
ميس 'طلعت و مشت لدارها'
اصيل : خيرها هاذي ؟
انا : مخصكش.
اصيل : بالله .
ملك : خلاص عاد.
اسامة : ايمن وين؟
انا : يقرا فوق .
اسامة : وين فوق؟
ملك : في حوشنا هو و مرام .
اصيل : و علاش في حوشكم؟
ملك : انت ما تملش من الاسئلة ؟
اصيل : لا 😁
اسامة : هيا اصيل اطلع.
اصيل : طالع من غير ما تلز.
اسامة : تعرف بيجيك كف يسقمك .
انا : يبيه والله .
اصيل : ترا احلفي .
انا : والله.
اصيل : به اهدي هي.
اسامة : اصيل تحشم .
اصيل : متحشم انا غر لقوني نضحك هلبا خدوا على الوضع.
اسامة : خلاص اسكت .
اصيل : يحسابوا الواحد لما يضحك هلبا معناها ما يحسش و ما يتوجعش و حياته حلوة و قمة في السعادة ما يعرفوا انه يضحك حتى يخفي الم و يضحك باش ينسى الهم اللي هوا فيه يضحك حتى ما يقولوا نكدي و كئيب تي بالله اخطونا شويا و انتوا ما تصدقوا تلقوا واحد يضحك و يقنع في روحه ان جوه مليح ' طلع وهو متعصب '
انا : خيره ؟
اسامة : علمي علمك.
ملك : وجعني الحق.
اسامة : بنمشي نشوفه خيره بالتريس 'طلع '
انا : هي خلي نكملوا السلايط .
ملك : هيا .
'كملنا السلايط و جت ميس ساعدتنا فيهم شويا و بعدها دخلت دانا و كانت متجاهلة ميس بكل برود و معصبة منها ... مر الوقت و تعشينا في الجنان و كانت الاجواء جميلة ... و مع ذلك محمد ما عبر ميس ابدا و كل ما تحاول تكلمة يطنشها و يمشي و نظراته ليها كانت نظرات خيبة و عصبية و دانا كذلك .'
محمد : قريت باهي يا ايمن ؟
ايمن : ان شاء الله .
محمد : و انتي يا مرام ؟
مرام : قريت باهي.
محمد : تمام... كلموني غدوا باش انوصلكم في طريقي.
ميس : وين ماشي ؟
محمد 'رمقها بنظرة و طنشها '
مرام : اي صح وين ماشي الصبح ؟
محمد : عندي موضوع .
مرام : تمام.
رامي : بنمشي نرقد انا .
حسام : تي وين ؟ السهرة مزال مطولة را.
رامي : لا لا خلاص معاش قادر.
اسامة : الساعة كم ؟
حسناء : 11:30
عبدالعزيز : مسرع!
محمد : الوقت يجري هلبا .
انا : اي.
رامي : حقى ..'شاف لعبدالعزيز' وين خوك ما شفته اليوم !
عبدالعزيز : مندري طلع امبكري و قال ماشي للجامع.
حاتم : اسمعوا من عنده فيلم مليح؟
روان : فوته اليوم تو غدوا نتفرجوا .
انا : اي خلاص بنرقد .
ملك : يا دجاج.
محمد 'ضحك' : ايوا .
ملك : مني بيرقد ؟
°انا°
محمد : مش انا.
ملك : اللطف محمد بس بيسهر؟
حاتم : عندي خدمة غدوا.
محمد : برا تو نتفرج انا و ملك على فيلم .
ملك : تو نشوفوا فيلم مليح .
محمد : عندي فيلم رعب قوي.
ملك : لا لا نخاف.
محمد : به فيلم اكشن ؟
ملك : به .
حسام : نظموا اموركم اهو احنا ماشيين بنرقدوا .
محمد : به .
'نضنا كلنا و الولاد رقدوا في المربوعة و احنا في حوش عمي 'وائل' مع 'دانا'
CZYTASZ
عيـــلتنــا ((باللهجه الليبية))
Dla nastolatkówرواية ليبيه تحكي عن صغار عم والحب اللي ترعرع بينهم و المشاكل العائليه و الهياجات و المقالب اللي داروها وماعمرهم ما دسو على بعض حاجه 😍 1# - طرابلس #1 - بنغازي #1- ليبين 2# - ليبيه #2 - رومنسيه 4#- ليبيا هاذي هيا العيله ... #عيلتنا 💙 للكاتبة...
