عيـــلتنــا ((باللهجه الليبية))

البارت الخامس

# عيلتنا
.
.
.
.
.
في الصباح ...
كنت راااقد بمعنى الكلمة والمكيف مفتوح و الإضاءة خااافته وتليفوني  يرن انا نسمع فيه جنبي على السرير لكن نبيش نتحرك من التعب تلفتت  للمتصل لقيته حاتم بحتت في الساعة لقيتها ال7:30 استغربت رديت عليه ..
انا بصوت كلله نوم : الــو 😩
حاتم : هههه صباح الخير
انا : صباح النوور شن في 😒
حاتم : تي خيرك ؟؟
انا : ما خيرنيش شن في ..
حاتم : لا لا شيء خل عندنا خدمة مهمة بس😋
انا نطيت من السرير: حي على امي 😱
حاتم : خيرها  جوجو 😆
انا : حااااتم  الا امي😡
حاتم : به به انبصر😨
انا : به خلاص هي .. سكرت التليفون و وتيت روحي و نزلت  للمطبخ ((في حوشنا)) .
امي:صباح الخير تعالى افطر .
انا: لا لا معنديش نيه .
خشت دانا : صباااح العسل على العسولين .. قعمزت جنبي  وبدت تفطر
انا اتذكرت  موضوع الاولاد : انا بنوصلكم.
دانا : احسن من المشي على الرجلين 😩
انا : من قال؟؟  بنمشو سييير على رجلينا،😁
خش سالم : السلام 👋
الكل :وعليكم السلام .
خش بسام يجري : س ع .
بوي:تحشم قولها كامله  او مش لازم .
بسام : خل باهي باه .
انا : بسام اسبقني الشركة انا بنوصل البنات و انجيك غادي قول للشباب يبدوا خدمة تو انجي و نتفاهموا .
بسام : به .
انا : هي دانا .
دانا : هي سلام 👋.. ونزلنا .
انا : اووو بنات شنج .
البنات : تمام .
انا : هي .
ملك : الله انت بتوصلنا احلى من السير😌
انا : نعرفش خيركم واثقين ان بالسيارة تي سيييير يا ودّي سيييير .
ملك : وووك .
فاطمه: اخفضي صوتكِ .
احنا 😒😒😒
انا : بففف لا ميس لا حسناء لا هلال ؟؟
جت هلال تجري: اااه الحمدلله ممشيتوش ... را وقت الساعة 7:45 هيا .
انا : هي هي ... وطلعنا
     في الطريق
انا كنت ماشي وراء البنات باش نشوفهم كلهم والطريق كانت طويلة و الشباب في كل مكان لما قربنا من المدرسة شفت جماعة شباب واضح عليهم صايعين قلت للبنات يسرعوا في خطواتهم و انا وخرت شويه من عليهم تلفتت للجماعة شفت واحد منهم يبحت في ملك من فوق للوطا متحملتش امشيتله ...
انا : خير في شيء ؟؟
: أسأل روحك جاي تعارك 😏
انا : ليش تشوف للبنت شن تبي ؟؟
: هه عجبني جسمها و عجبتني في مانع؟
انا: اوزن كلامك و ملافضك خير 😠
: يا ماما خفت تعرف جتني الرعشه.
انا : اسكت عن انجيبهالك حق تو .
: تعال كان قدها .
انا قدمت عليه و ضربته على أنفه وبدى ينزف بحت فيا بصدمة و اللي معاه كلهم هربوا ..
انا : جاتك الرعشه او مزال 😉
طلع يجري وهو خايف انا ضحكت بهزوه وتلفتت لقيت البنات يبحتوا فيا .
انا : نهاركم اسود الساعة 8 اجروا .
سرعنا في خطواتنا لين وصلنا لباب المدرسة .
انا : مع الساعة 1 انجي .
هلال: بكري هلبا .
انا : الواحد نطلع من الخدمة وانتي شوفي في السياحيه را والمدرسة في ******* مسافة الطريق .
دانا : تمام تمام .
كيف بيلفوا ويمشوا انا تكلمت .
انا : مني جايبه تليفونها ؟؟
البنات بحتوا في بعض بخوف .
انا : قولوا مش مداير شيء 😊
هلال: ا... انا 😥
انا : به لما نوصل تو انكلمك .
هلال: بـه 😃
انا ' هي بروا وقت 😄
دانا: هي سلام ... ومشوا .
انا قعدت واقف انبحت فيهم بعدين لفتت نظري بنت واقفه مع صاحبتها و واضح انهم مش من الثانويه و تبحت فيا انا ابتسمتلها لا اراديا لقيتها فرحانه ابتسمت ومشيت لسيارتي ... اكيد تقولوا كيف جت السيارة ؟ هههه خليت اصيل يجيبها  لانه يقرى في الثانوي و مدرستهم جنب مدرسة البنات 👿
وطول الطريق انفكر في السفرة وكيف حتكون  قطع تفكيري صوت تليفوني يرن
انا: ها بروّ شن الأخبار .
بسام: تي وينك  الموظفين من امبكري يعيطوا نبوا وسام نبوا مديرنا .
انا : هههه علاش شن صايرلهم .
بسام : تي سمعه مهبلهم  تي طلعلهم الشيب الزفت .
انا : تمام تمام انا في الطريق .
_____  _____  ____
نمشوا للشباب في الجامعة ::
سالم واقف على الحيط حاط رجل عليه ورجل لوطه وجنبه  الصيد و رامي مقعمز بعيد عنهم شوي لكن يعتبر معهم و محمد باعد عنهم لأنه يحكي بالتليفون وحسام جنب رامي كانت اشكالهم مميزه سالم و الصيد و محمد لابسين سوريه بيضه و سروال اسود و حسام و رامي العكس سوريه  سوده و سروال ابيض وكلهم بنضارات شمسيه .❤👓
سالم : وبعدين ؟؟
حسام : الله اعلم عاد جايين بكري تهزوا من الساعة 7:30 حتى العميد موصلش
رامي : حاله الوقت المشكله كلنا محاضرتنا ال9 شن جابنا تو الله اعلم.
محمد: انا و سالم محاضرتنا الـ8:30.
حسام: سكر فمك الـ8:30 مش ال7:30 .
سالم: باهي الفرق ساعة بس😸
الشباب😒😒😒
حسام: الساعة هيا نقتلك فيها وندفنك 😒
سالم: ننن  ننن ننن  اخرط للصبح .
رامي : تي صبح صبــح .
الصيد: احلف 😱☺
محمد: نحسابه عشيه .
سالم: قايله وانت الصادق .
حسام: افففف .... تعالوا نتمشوا في الجامعه .
😒😒
حسام: خيركم ؟
سالم: لاااا شيء .
رامي : ع أساس كان الجامعه مفتوحه احنى مقعمزين اهنى 😏
حسام: اه صح نسيت .
الصيد: نسيت فلوسك ؟؟
حسام: لا علاش ؟؟
الشباب: هههههه.
حسام: مفرخ 😖
: السلام عليكم .
الشباب: وعليكم السلام ورحمة الله .
: الجامعة مسكره ؟؟
الصيد: لا لا رادين الباب بس 😒
: به خيركم ا هنا ؟
سالم: نجربوا فشعور الحارس 😄
: اها حسبتا العميد مجاش 😩
حسام: لا تعرف هو جي خل قال البواب مهناش شدو مكانه 😏
: به شكرا شكرا ... لف بيمشي .
محمد: انت يا غبي .
الولد لف : نعم .
حسام: واثق مشاء الله.
: خير في شيء .
الصيد: تي مسكره و العميد مجاش وربي مايجيبه .
: علاش !
الشباب تلفتوا لمصدر الصوت .
:: خير في شيء !😡
الشباب:!😳😲😱😰😨..
_____     ______
وسام ...
وصلت للشركة وقفت السيارة ونزلت ويا لطيف كلهم فرحوا وقريب داروا عرس ومتلمين عليا كلهم شفت محمود يأشرلي بنلحقه مشيت معاه زي الخناب هربت منهم وخشيت معاه لقاعو الإجتماعات.
انا: هذا شني اللي برا 😠
سمعه: اه هه هه 😅
بسام: هذا الحمار ((حشاكم)) إسماعيل
سمعه: هي هي عمك را تحشم عن نقتلك تو .
بسام😒
سمعه ناض لبسام: الشبحات هما معاش اديرهملي خير ما نقطعلك راسك 😡
بسام: اولي .😏
سمعه ضرب بسام كف .
الكل انصدم من ردة فعله والصدمه الأكبر
بسام: سمعـــه😠
سمعه: عمك يا بلـــى عمك .
بسام خبط الطاوله: آخر همي 😡
انا:،بســـام😡
بسام: شني 😠
انا: احترم نفسك واجلس 😡
بسام:مش محترمها نفسي عندك حاجه
انا: برا
بسام بصدمه : .گيف .
انا : بـــراا😡
الشباب : وسام لا
انا: انا قلت برا ومخصوم منك شهرين😡
سمعه: وسام لا الولد بيتزوج حرام عليك.
انا: تي برا برا منبيش الخدمه نبي الإحترام انا الإحتراام .
سمعه: خلاص يا راجل تي هذا بسام هذا صاحبك قبل ما يكون خوك 😉
انا : بسام
بسام : ها
انا : برا
بسام لف و وصل قدام الباب .
انا : بسام
بسام: نعم
انا مشيت وضميته بقووة اول مرة نتعارك معاه اكثر من 20سنة ولا مرة جرحني ولا جرحته .
انا: آسف يا خوي آسف .
بسام: انا اللي غالط يانصي سامحني .
محمود يصفق👏👏؛ هكي الاخوه مش محمد خوي بالإسم بس
حاتم: هههه زي حسام 😂
سمعه: جيل فاسد .
محمود : هي خل نحلوا المشكله اللي صايرة .
انا : اي حق شن صار .
محمود: هذا سمعه خصم من الموظفين 3شهور
انا بصدمه : علاااش
محمود: هه هه هههههههههههه.
بسام: على خاطر كان حاط تليفونه في الشاحن و واحد منهم نحاه وحط آله التصوير ومحد  اعترف من الموظفين .
انا: باللـــه😠
سمعه: لكن .
انا : تي انتم هبلتوا ولا شني تو هذا سبب ها هذا سبب؟! يا سمعه حطيتك نائب لاني حاسبك اعقل واحد خيرك شن جاك ؟؟ هما ناس زيهم زيك  يخدموا ويشقوا باش يحصلوا رزقهم بالحلال مش ساهل تخصم منهم غلط يا راجل 😤
سمعه: هما ميبوش يعترفوا😔
انا: سمعـــه😒
سمعه: به به خلاص .
حاتم: شن الحل ؟؟.
انا : متخصموش منهم بكل وزيدوهم شهر
محمود كيف بيتكلم رن موبايله إستأذن وطلع .
بسام: غريبه محمود مش من عوايده يطلع لما يرن تليفونه .
سمعه: بالك الحب .
بسام: تي محمود ميحبش .
انا: ربك يستر
______    _____  
في الجامعة .
العميد: خير علاش منجيش 😡
محمد: ههه هه 😅
الصيد: اه لا شيء .
العميد 'شافلنا بعصبيه'
سالم: هو قصده ربي ميجيبه على خاطر الجو نو هلبا  وهو خايف عليك 😁
العميد: انت خو  وسام
سالم: انا اي .
العميد: وبسام ولا .
سالم: ايه ...يأشر على محمد ... وهذا خو محمود.. يأشر على حسام.. وهذا خو حاتم .
العميد بصدمه : اووو تي صحابي الروح بالروح بسام و وسام و محمود و حاتم .
رامي : بالحق
العميد : انت مني .
محمد: هذاو  الإتنين ولاد عمنا ..الصيد و رامي .
العميد : سلمولي عليهم كلهم .
حسام: اوكى بس مني انقولولهم
العميد: جواد الـ****
سالم: تي هذا. يستغبى نعرفوك العميد
العميد' تمام تحتاجو اي شيء تعالولي.
الصيد: شكرا .
_____    ______    _____،
في الشركة ...
خش محمود وهو مضايق بعد المكالمه واحنى كنا انهدرزوا .
انا: تأجلت السفرة بسبب التفجير اللي صار .
بسام: قالوا دواعش .
سمعه: امس الدريبي مطاوقينها لقوا فيها دواعش .
حاتم: حتى قرقارش .
انا استغربت من محمود حاط رأسه بين يديه و واضح مضايق : حمود خيرك .
محمود قام راسه : بوي
احنا تلفتناله : خيره ؟؟
محمود: طلق امي .
انا: لا حول ولا قوة الا بالله .
سمعه طارته: تي كييبف  مصح وجهه ليهم  فوق من 20 سنه متزوجين يجي  تو يطلقها 😡
بسام نخص سمعه : تي اسس اللي فيه امكفيه .
محمود: اااه ... خلاص فوتوا ... نفكر في ميس ومرام شن بيديروا.
انا: عندي انا تو انقوللهم 😊 متشغلش بالك .
محمود: مشكور .... بنسكنوا معاكم في حوش جدي .
سمعه: ايه اصلا فاضي هو الدور الاول انا وجدك و جدتك .
محمود: شكرا يا شباب .
انت بحتت في الساعة : اييي. خل نروح بالبنات ...حقى  هي شباب خل ناخدوا ايمن و اصيل و نوصلوا البنات .
حاتم: ونمشوا للسوق .
انا : حقى  تعالوا اليوم اسهروا عندنا بنلعبوا بلستيشن .
سمعه: تي ماهو اليوم حمام هويده.😒😒
بسام: حيييي نسيت .
انا: باهي تمام اصلا بنلعبوا الجمعه كلنا حتى جماعت الثانوي والجامعه .
محمود: خلاص تمام ... هي شباب ..' وطلعنا '

__________     ________
هلال ﴾﴾﴿﴿

كنت في الصف و الابله تشرح في درس الرياضيات وانا معنديش نيه نحضر طلعت تليفوني  وحطيته في الكراسه على اساس نقرى لقيت رسالة من وسام استغربت وفرحت في نفس اللحظه فتحتها ..
وسام: هلــول شن جوك🙋
انا: تمام وانت 😌
وسام: اووو تليفون في الصف😉
انا : تي الابله باااارده .😫
وسام: انا كيف طالع من الشركه وجاي.
انا: تمام اصلا قريب اتم الحصه .
وسام: رياضيات الحصه الأخيرة 😲
انا: خدت حصه الرياضه 😩
وسام: تستااااهلوا😂.. شن إمتحانكم اليوم .
انا: تمام كلنا 👍👍
وسام: به تمام.
انا: ملك و دانا في المعمل 😆
وسام: و ميس ؟؟
انا اضايقت من سؤاله ليش يهتم بيها هي بس : في الصف قاعدة 😒
وسام: به تمام  سلام تو👋.
انا قعدت نشوف لميس بغيرة و لأول مرة نحس بالغيرة إتجاها ليش يسأل عليها هي وبس ليييش مع انها تحب سﭑلم و دوم تدوي ع  سالم واحنا لتو  منعرفوش الولاد  من يحبوا قطع تفكيري صوت الجرس طلعت انا وحسناء وميس وقعدنا في الساحة بعدين جت دانا و ملك و فاطمه ..
ملك: مجاش  وسام ؟؟
دانا : Nõ
انا: شوي ويوصل اكيد.
ميس : ليش منروحوش مع اصيل و ايمن .
حسناء: بيجيهم محمود و أسامه و بسام.
دانا: العفو كلهم بيروحوا بأصيل و ايمن.
ملك: يا غبو  بيروحوا مع بعض وبيمشوا للمول  ولا نسيتي اليوم حمام هويده .
انا: هييي نسييييت .
ميس: هبله  حمام اختها و ناسيه .
حسناء: تعالوا نقعمزوا في الكافيترياء.
البنات: اوكى .
_____     ______    _____

وسام ﴿﴿﴾﴾

كنت طالع من الخدمه و ماشي للبنات بعد موقف الولد اليوم مستحيل نتركهم لوحدهم ولا يوم كلمت هلال وقلتلها اني في الطريق قعدت انفكر في الخدمه لين وصلت للمدرسة و وراء سيارات الشباب وقفت السيارة ونزلت و بعدها نزلوا الشباب و وقفنا قدام المدرسة وعيون البنات علينا 😋
محمود: خاطري نغير جوي الزفت .
انا: شن رايك نعاكسو
حاتم: عجبتني الفكرة
سمعه: انا لا .
بسام: ولا انا .
انا : انتوا خاطبين خليكم اهنا .
بسام: بروا هي .
احنا كيف بنتحركوا جو ايمن و اصيل .
اصيل: شكلي وليت  احول  .
ايمن: مدير شركة "*** بذاته عندنا.
انا :شن جو الإمتحان. .
اصيل و ايمن : انا تمام .
انا: غر اسكتوا الهم ... تخشوا تعاكسوا .
اصيل 'ضحك' : جايين عاد اااه
ايمن: هي .
انا:انبصر مش حنعاكس حد بندور على البنات وانتوا شوفوا رايكم .
حاتم: انت دور واحنا اناشبوا.
انا: خل هيا .
ومشينا  خشيت انا الاول وكل البنات تلفتولي كنت لابس سوريه سماويه ومشمر الكمام و سروال اسود و نظارات شمسيه زرقاء منزلهم شويا يعني حاطهم على راس خشمي وساعة رولكس زرقاء.. وخشوا الشباب ..
جت عيني فعين نفس البنت امتاع الصبح انصدمت شكيت  في شيء وحبيت نتأكد بس معرفتش كيف .. بعد فترة لقيت البنات قلتلهم  يمشوا لبسام و سمعه و انا مشيت للبنت  قربت  منها شوي وقعدت انبحت فيها بتركيز لين هيا جتني .
البنت:####
انا بصدمه : #####
____    ______     ____
توقعاتكم للبارت القادم 💙💚

ا ❤بس تفاااعلوا

و ممنوووووووووووع نشر الرواية ممنوووووع منع باااات 🚨🚫❌

#حنيــن_الشوق