عيـــلتنــا ((باللهجه الليبية))

البارت الثالث و العشرون (2/3)

#عيلتنا
حقوق النشر محفوظة

رامي 'عدل جلسته' : حقى جدي قال بايتين في العزاء لانه بعيد.
°تبصر!°
رامي : اقسم بالله .
ملك: تي لما نهيجوا.
محمد: كلم اسامة و الشباب قوللهم يباتوا.
رامي : انكلم اسامة و انت كلم حاتم  متعارك انا وياه.
محمد: علاش؟
رامي: تي على خيط الشاحن امتاع المرة اللي فاتت.
محمد 'ضحك' : فاضيين الزفت.
رامي: غر كلمه .
محمد : باهي به . 'تلفت لملك' بعتيهم؟
ملك: شويا بس مزال وحدة ... اها كملت.
محمد 'خدى تليفونه' : شكرا.
ملك: عفوا ولو.
محمد 'ابتسم و مشى بعيد عنهم'
رامي : غر تعالى  بتكلم حاتم مش حسناء 'ضحك'
محمد : برا اهبل .
رامي 'ضحك ع الجنب و كلم اسامة'
انا : اسمعوا تعالوا انديروا حاجة حلوة .
°😑😑°
انا: خيركم؟
ميس : الضي هارب يا درااه  امالا علاش امقعمزين اهنا.
انا : اي صح نسيت.
ملك : ياااا رب يجي توا .
$ الضي جى$
رامي 'سكر التليفون' : فرخة ملك دعائك استجاب.
ملك : يااااي .
انا: هيا  تعالوا انديروا كيكة كراميل .
دانا : لا خاطري في سينابون.
ملك: لاا نبي تشيز كيك.
ميس : لا نبي بسبوسة بالقشطة .
محمد 'جى': وانا نبي تشيز كيك.
ملك : ايه ايه حتى اناا.
انا: لا احلموا .
محمد : ملك تعالي انديروه بروحنا .
ملك : الله ... هي تعالى 'ناضوا و مشوا للمطبخ'
رامي : انا نبي سينابون من الاخير.
دانا: ميا ميا تعالى انديروها . 'ناضو و مشوا للمطبخ'
الصيد 'قعد يشوفلهم' : امممم . 'شافلي' من الاخير بسبوسة بالقشطة خير.
ميس 'ضحكت' تعال نمشوا تعال 'ناضو و مشوا للمطبخ'
انا : خزييي 'رن تليفوني' الو .
اصيل : افتحي الباب احنى برا .
انا : به .'مشيت فتحت الباب و دخلوا السيارة'
اصيل : شنج .
انا : مش تمام .
اسامة : علااش.
انا : نبي كيكة كراميل و هما ميبوش و كل واحد مشى يساعد في وحدة.
ايمن : قصدك اللي عجباته حاجة دار معا اللي تبيها؟
انا : اي و انا محد عجباته .
اسامة : تي نموت فيها الكيكة هيا  تعالي انديروها.
اصيل : حتى انا نحبها .
ايمن: منحبهاش بنشوف حاجة ثانية.
انا : تعالو اصو و اسومه هيا.
اسامة: اسومه وجهك  تخلينيش انغير رايي.
انا : به اسمااامة هيا .
اسامة : هي .
' خشينا للمطبخ و كان منظرهم قوي كانهم فرق  محمد و ملك لابسين  على الازرق  و دانا و رامي لابسين اخضر   و ميس و الصيد لابسين احمر '
انا : خلي ناخدوا اسود لانهم 3 مريقات سود بس.
اصيل : به على عددنا .
انا : اي ...  ' مديتلهم المريقات و لبسوهم '
اسامة : را بتقولليلنا شن انديروا  كان عليا انا نديرلكم تسمم عمري ما دخلت للمطبخ.
انا 'ضحكت' : اكيدة .
-----------------------------------------------
وسام ﴾﴾﴿﴿

مشينا للمحل و شريت التليفونات و توجهنا للفيلا طول ... اول ما دخلنا  ركبت للدار و غسلت ع السريع   لبست بدلة رسمية  لونها ازرق ملكي  و ساعة و خديت الحقيبة امتاع الخدمة و نزلت .
انا ' مشيت للمطبخ و كلمت الخدامة ' : مطيبيش غدى اليوم .
الخدامة 'شافتلي باستغراب'
انا : لا تطبخي غداء اليوم.
الخدامة : تمام .
انا 'طلعت': يا عن شكلها فوق من 3 شهور نعلم فيها الليبي متبيش تتعلم  ما تفهم غير في السعودي   عاد فلبينيه شن بندير اففف.
محمود : تهدرز مع روحك ؟
انا : تي درهتلي كبدي الخدامة هاذي.
محمود : به كلم التانيات لازم هاذي؟
انا : ما هاذي متخصصة في المطبخ.
محمود : به قول لوحدة تقوللها.
انا : مش عارف.
محمود: اصلا مندري كيف واثق فيهم انت.
انا : محمود    عارف اصلهم و فصلهم و ليهم اكثر من سنة هنا  عمري ما شفت منهم خطأ حتى بالكذب.
محمود : 😕مندري.
انا : حتى الخنبه ما يعرفوها  تو كان انا مقصر معاهم و ما نعطيهم في راتبهم را انقولوا لكن حتى و انا في ليبيا  deyved  يعطيهم في رواتبهم.
محمود : تي هالdeuved اللي واثق فيه.
انا : ايح عاد انت  هذا يخدم عندي قبل ما انت تخدم معاي  بعدين هوا اللي امداير باله على الفرع امتاع الشركة اللي اهنى و علي  الفيلا اللي تشوف فيها توا .
محمود 'قعد يشوف لعيوني بتركيز'
انا "بإستغراب": خيرك تشوفلي؟
محمود: تعرف مرة و انا نتصفح في القوقل طلعتلي اصحاب اجمل لون عيون لقيتهم العيون السود و اللون اللي زي عيونك هذا.
انا: اي شفتهم حتى انا .
محمود : والله نفس اللون هي.
انا: باهي عارف.
محمود: قصدي    شي شي.
انا: هيا محمود الخدمة.
محمود : باهي به هي اطلع السواق برا.
انا : هيا .
'ركبنا للسيارة  و مر شوية وقت حتى وصلنا للشركة ...  دخلنا و رحبوا بنا الموظفين و  ركبنا كل واحد مشى لمكتبه .'
' دخلت للمكتب و فتحت الستائر بالجهاز و  قعمزت فتحت اللابتوب امتاعي ... شفت اوضاع العقود و الصفقات لين دخلت عليا السكرتيرة '
$بعد الترجمة 👇%
السكرتيرة: اسفة على المقاطعة و لكن السيد 'جون سميث' ينتظرك بقاعة الإجتماعات .
انا : حسنا .. اخبري 'محمود' و انا سألحق به .
السكرتيرة : حسنا ' خرجت و اغلقت الباب'
'سكرت اللابتوب و لبست جاكيتي و مشيت متوجه للقاعة ... دخلت و لقيت 'جون' 'محمود' 'ليونيل' 'ديفد deyved'
انا :اهلا  سيد جون  'صافحته' تشرفت بزيارتك الجميلة.
جون: مرحبا سيد وسام  من الرائع ان التقي بملياردير شهير مثلك.
انا 'ضحكت' : لن تكون اخر مرة نلتقي بها.
جون 'ابتسم': امل ذلك.
انا : مرحبا ليونيل .
ليونيل: اهلا سيد وسام ما اخبارك.
انا : الحمدلله .. 'دفيت الكرسي و قعمزت و اشرتلهم يقعمزوا'
ديفد: كما تعلمون ايها السادة نحن هنا لعقد صفقة جديدة معكم بخصوص الطرازات الجديدة في السوق  حتى يتم تصديرها الى ليبيا.
جون : اجل و يسرنا ذلك .
انا: اذا  دعنا نوقع العقد .
ليونيل : ليس بهذه السرعة ... نحن لم نتفق على الثمن المطلوب.
محمود: 1,000,000 باوند  لا اكثر.
ليونيل : ولكننا نريده بالدولار .
محمود :ا..
انا 'قاطعته': اذا 500,000 دولار.
ليونيل: ولكن هذا قليل .
انا : وافقتم  هذا العقد لم توافقوا  مع السلامة.
'لحظة صمت'
جون : حسنا نحن موافقون .
محمود: اجل فلنوقع العقود.
ليونيل: ولكن تذكروا باننا قد بعنا لكم بثمن قليل.
انا : اجل اجل نحن نعلم 😑
جون : ليونيل فلتصمت ... فلنوقع العقود يا سادة .
' وقعنا العقد و استلمناهم طول  ... طلعوا  و انا و محمود مشينا لمكتبي'
محمود : هيا اللعبة اللي لعبتها عليهم.
انا : تي صقع عليك  يبوا يمشوها عليا  انا مصح وجهم وخلاص.
محمود : لا وقالك  'يقلد ليونيل' ولكننا نريده بالدولار .
انا : اي معاش يقدر   يبيهم 1000000 دولار يحسابهم فلوس حرام.
السكرتيرة : السيد 'مصطفي قوقلي' يريد الاتصال بك.
انا : حسنا  انقلي الاتصال لي.
السكرتيرة 'هزت راسها ب حاضر و طلعت'
'رن التليفون و رديت عليه' .: مرحبا.
مصطفى : مرحبا ... كيف الحال؟
انا : تمام تمام .. و انت .
مصطفى : الحمدلله... وافقنا على عقدك .
انا "بفرحة": حقا!
مصطفى : نعم  لن نجد مثلك ابدا .
انا : و لن اجد مثلكم ..  شكرا سيد مصطفى.
مصطفى : عفوا .. سلام.
انا : سلام 'سكرت الخط' : و اخييرا.
محمود : شن في ؟
انا : سر سر سر.
محمود : شن اللغة اللي كنت تدوي بيها؟
انا : التركية.
محمود : حسيت  من مرحبا .
انا : اي  في هلبا كلمات زينا مثلا شكرا بالتركي تشكرلر و من فضلك بالتركي لوتفن و هلبا
محمود : به مليح يا مثقف.
انا : لازم تتعلم كل اللغات باش تكون ناجح في الشيء هوا.
محمود : اممم ... جيعان تعال ننزلوا للكافيتريا.
انا : لا لا في مطعم مليح قريب من اهنى خلي نوريهولك.
محمود : به هيا .
انا : هي نوض 'خديت الجاكيت و حكيته على يدي و طلعنا '
السائق 'فتح الباب ليا و ركب القدام'
انا : لا لا  سنذهب لوحدنا.
السائق: ولكن..
انا قاطعته': نفذ الاوامر.
السائق'هز راسه بنعم و نزل '
'ركبت القدام و جنبي محمود و انطلقنا'
-----------------------------------------------

هلال ﴿﴿﴾﴾
جى حاتم و حسام و حسناء و داروا بيتسا و رز بالمكسرات للغذاء و خدوا وحدة من الطاولات الطوال (كان تتذكروا فيهم في رمضان) و طلعوها في الجنان  و احنا طيبنا الحلويات  بعد ضحك و كل مجموعة تلقح على الثانية و طبعا ما نحكيلكم على الغباء اللي داروه الشباب  ... طلعنا الحلويات و حطيناهم على طاولة الصالة  و الشباب جابوا مشروب و عصائر .
انا: استنوا شويا خلي انصور .
محمد : من الجماعة هاذي انتي.
انا : ها ها ها  صماته.' صورت هلبا صور و مرة مرة محمد يحط مكسارته في الصورة و يتبرد هو و رامي'
حاتم : هي اطلعوا خلي نتغذوا .
رامي : هي خلي نذوقوا .
ايمن : انا تو اللي بنحكم لاني ما طيبت شيء .
ملك : ساد انك منفخ روسنا و مصدق روحك في المطبخ.
ميس: اي مصح وجه  جاني قالي 'تقلد فيه' خيرها هكي زيدها سميد خفيفه هلبا ... مصح وجهه و خلاص.
اسامة  : حاله ...  اسمع را الكراميل دايب شوف روحك ... عقابها.
ايمن "يضحك": تي الشيف ايمن انا .
'ايمن و اصيل شافوا لبعضهم' : بيتسا  فواكه و خضروات."وضحكوا"
اسامة: واه امتاع هذاكا اليوم حاشه النعمة .
محمد : كل ما نتذكرها  تجيني اعصاب معدة .
دانا : هيا جيعانه را .
رامي : هي اطلعوا هيا .
'قعمزنا كلنا برا و التمينا على طاولة الغذاء'
ملك : استنواا استنوا قبل ما تبدوا خلي اندير مكالمة فيديو  لمحمود و وسام.
محمد : به هي بسرعة .
-----------------------------------------------
وسام ﴾﴾﴿﴿
كنا مقعمزين في المطعم بعد ما طلبنا شيش طاوق و سلاطة مشوية و كباب
بدينا ناكلوا و فجأة اتصل تليفوني بمكالمة فيديو ...
انا 'خديت منديل و مسحت فمي ' : مدايرين مكالمة فيديو الجماعة .
محمود : رد بسرعة قبل ما يسكروا .
انا 'قمت التليفون و رديت ' : اوو ملك شجو!
ملك : تمام شن جوكم انتوا?
انا : تمام .
ملك 'باعدت الكامير من عليها و وقفت حتى الكل يشوف' :شوف الجو شوف.
انا : اووو.
محمد : فاتك الغذاء يا برو.
انا : حتى احنا في مطعم را .
ملك : حسيت .
انا 'بعدت الكاميرا و لفيتها على المحل و قعمزت جنب محمود' اهو محمود .
رامي : صار مدايرين جو .
انا : امالا شني .
اصيل : تي درنا  حلويات يا وسام فوته الموضوع.
انا : درتوا ؟
هلال : ايه داروا معانا .
انا : اووو لا عاد هكي جو .
ميس : درنا كل شيء تحبه .
انا : درتوا بسبوسه ؟
ملك : ايييه.
انا : باه تشيز كيك ؟
ميس : درناها.
انا : كيكة كراميل؟
هلال: درناها .
انا : ايااه.
محمود : باهي به لما احنا قاعدين مديروش غير في الكعك.
ايمن : لا ماهو اليوم يوم مميز .
انا&محمود : علاش شن في ؟
اصيل : خوالي ووجدي و اميما عندهم عزاء .
انا : اي هذا علاش.
حاتم : وبايتين في العزاء را .
محمود : بناخذ طيارة و بنجي انا .
ملك : استنوا خلي انوريكم الحلويات .
انا : به .
ملك ' دخلت و و قفت جنب طاولة الحلويات ' شوف شوف .. سينابون و كيكة كراميل و تشيز كيك و بسبوسة بالقشطة .
محمود: ايواه ايواه.
ملك 'رجعت للجنان ' : صقع عليكم.
انا : لا عاد قيمولي حصتي من الاخير.
هلال : لا لا تو لما تروحوا انديرولك هكي و اكثر.
انا : ترا احلفي.
هلال : والله الله .
انا : به  عاد تعرفيني ما عندي روح مع الحلو .
رامي : ويا ريته باين فيك .
محمود : غريبة وين روان و رزان ؟
هلال : مشوا يجيبوا في الافلام بنتفرجوا على فيلم .
انا : تو بعدين انديرلكم مكالمة فيديو و انوريكم الجو ... بنمشوا للسنيما و بنديروا كل شيء في  عاد اخر يوم .
الييد : غدوا ماشي لروسيا ؟
انا : اي .
ملك : ياااي روسيا.
انا : هي بحبوا امالا .
محمد : بنديروا شواء بعدين.
محمود : اياه  عاد انتوا ما صدقتوا اننا سافرنا .
حاتم : بونتوا فيكم انتم و سمعة و بسام .
انا : تي كل الفضل للعزاء كان هذا ما صار شيء من اللي درتوه توا .
اسامة : حقى ******
الشباب : ******
----------------------------------------------
الكاتبة: حنين الشوق💔