عيـــلتنــا ((باللهجه الليبية))

البارت الأربعون (2/20)

#عيلتنا
.
.
.
.

هلال : وسام إنت جرحتني ... كسرت قلبي انت ، مش متخيل  خيبة الأمل اللي صارتلي لحظتها ، 'شافتلي والدموع في عينها' .. هزيت حبي ليك انت.
انا 'حطيت يدي على خدها ومسحت دموعها' : حبيبتي إنتي ، آسف انا آســـف. ،  نوعدك ان ما تنزل ولا دمعة من هالعيون و انا موجود ، ،نحبك نحبك صدقيني هلال ، أعطيني فرصة وحدة بس.
هلال 'إبتسمت' : نحبك.
انا ' بست راسها و حضنتها ' : نموت فيك .
هلال : خلاص انا بنمشي.
انا 'باعدت من عليها' : تمام ، نكلمك بعدين.
هلال : تمام 'مشت'
انا 'إبتسمت' : آه يا قلبي ، جى من يعوضك على الوجع اللي عشته في الماضي 'لفيت و مشيت جهة الشباب ، قعمزت و انا في قمة السعادة'
محمود "بهمس" : شن صار.؟
انا : إعترفتلها .
محمود : و أخيرا .
انا 'ضحكت' : اي ، بنمشي نرقد انا .
محمود 'ضحك' : بترقد اي ... صدقتك .
انا : شن صار في دانا ؟
محمود : شيء ، بالله كلمها   مايمشي الجو هكي را.
انا : باهي به ، مداير روحك فالح و توا تبيني نتوسطلك معاها.
محمود : اي فالح لكن مش خاطري .
انا : والله ما قالك حد زاعلها.
محمود : تدلع هلبا را.
انا : نعرف مش جديدة عليا .
محمود : باهي كلمها .
انا : باهي .
سمعة : شن تقولوا ؟.
انا : نتفاهموا .
سمعة : تعالوا نقعمزوا في الملعب .
محمود : هيا ... لينا هلبا معاش قعمزنا .
سمعة : تعالى بسام .
بسام : شنو؟
انا 'وقفت' : تعالى هيا 'نضنا كلنا و مشينا للملعب'
انا : شن جوكم؟
بسام 'ضحك' : انا مياميا .
انا : سمعة؟
سمعة : نص نص .
°خيرك؟°
سمعة 'زفر' : موليا غريبة في تعاملها معاي .. و ديما مريضة .
محمود : أرفعها للدكتور .
سمعة : متبيـش تمشي.
بسام 'وقف' : تعالى سمعة ترا .
سمعة : وين؟
بسام : نبيك في موضوع.
سمعة 'وقف' : به .
انا : اوو لا ، شني الجو اهوا .
بسام 'ضحك' : مش للسناڨل.
محمود 'قام إيده' : تزوجت را .
بسام 'ضحك' : قاعد عريس قعمز .. 'مشوا'
انا : كساد .
محمود : كلم هلال.
انا : بالله ... من البداية بـ ٱنفخلها رأسها .
محمود : باللهِ.
بسام + سمعة 'رجعوا قعمزوا'
انا : كملتوا؟
بسام : أيه ... باركوا له مقدماً.
محمود : على شني؟
بسام : بيـولي أب.
انا 'صفقت' : اقوى سمعــة ، مبارك مبارك 'شفت لبسام' .. خبرة صار.
بسام 'هز حاجبة بسرعة' : صقع عليك.
محمود : مبروك و ربي يرزقني حتى انا.
سمعة : احسن حاجة تدعي لروحك بروحك.
محمود : أكيد ... ما نستنى حد يدعيلي.
انا : بنمشي نرقد .
محمود : قول بنمشي نسهر معاها ، بنمشي نكلمها  مش بنرقد ، قصدي مشيها على غيرنا.
بسام &سمعة: من هيا؟
محمود : هــلال.
انا : يحب الفضايح الولد اهوا .
سمعة : شني وسام ، معاش تحكيلنا شن صارلك؟
انا 'ضحكت' : انتوا غر أفضولي بعدين تو نحكيلكم .
بسام : أيح عاد ، مش في كل لحظة  تقول نفس الكلام ، قصدي اكيدة الواحد بيتزوج بـيلتزم بـهلبا حاجات.
انا : اي صح ، لكن ما ينسى صحابه و خوته .
محمود : يا نــاري تزوجنا و خليناه بروحه .
سمعة 'ضحك'
انا : براده ، قصدي بديت نقعمز بروحي من الكساد .
بسام : تو مفيش غيرنا احنا!
انا : في لكن مش زيكم .
سمعة : حقك علينا باهي.
انا : المهم انا ماشي توا .
°به°
انا 'مشيت و ركبت للحوش .. لقيت دانا مقعمزة في الصالة'
انا : شن الجو ؟
دانا : تمام
انا : جى بوي ؟
دانا : اي ، راقد.
انا : به ، دانا .
دانا : نعم.
انا : خيرك إنتي و محمود؟
دانا 'لفت وجها للتلفزيون' : شيء.
انا : المهم ، سامحيه خلاص.
دانا : مش إيدير في روحه فاهم و يعرف كيف نرضى!
انا 'قعمزت' : إيح دانا.. بلا جو حتى انتي ، هو قالها بـبصارة ، متكبريش الموضوع   ، غلط تتزاعلوا على أتفه الأسباب ،  هاذي حياة زوجيه لازم تكون مبنيه على التفاهم مش لعب صغار هيا.
دانا : متفاهمين احنا.
انا : اي لا واضح مشاء الله ، بري كلميه و تسامحوا بلا جو زايد .
دانا : لا.
انا : تي خلاص يا ودي ، الولد هبل   بصارة  هكي دارت بينكم  شن الجو هذا؟
دانا : باهي فهمنا ، لكن نبي نقعد اهنا اليوم.
انا : عينك ، بري لحوشك ما عندك شيء إديريه اهنا.
دانا 'تأففت' : نبي نقعد مع البنات.
انا : داناا ، بري و تو غدوا الصبح يجيبك.
دانا : منبيش نروح.
انا 'حذفت عليها مخدة' : نوضي إقلبي وجهك درهتيلي كبدي ، ياسر دلع و روحي توا .
دانا : مش قاعدة على قلبك انا.
انا : تبي تهبليني إنتي؟ .. كلمة وحدة هيا .. روووحي .
دانا : علااش!
انا : هكي كساد .
دانا : إلا لا لا.
انا : دانا ،  خير بلاك تدلعي هلبا را.
دانا 'تأففت بحزن'
انا : خيرك؟ .. صاير بينكم حاجة؟
دانا : لا.
انا : باهي خيرك !.. مضايقك في حاجة ؟
دانا : لا . لكن نبي نقعد اليوم ، مليت  أسبوع كامل في نفس المكان ، ملل.
انا 'ضحكت' : وخيتي الصغيرونه كارهة حوشها؟؟
دانا : مبردك.
انا :  باهي إقعدي ، اليووم بس باهي .
دانا "بفرح" : شكراٌ شكراً.
انا 'قمت حاجبي بإستغراب' : تقول محررك من سجن .. 'طلعت تليفوني و كلمت محمود .. قلتله على دانا و بعد ألف محاولة حتى وافق .. مشيت قعمزت في داري ، تفرجت على فيلم رعب   و بعدها رقدت '
ــــــــــــــــــــــــــــــــــــــــــــــــــــــــــــــــــــــــــــــ
هلال﴿﴿﴾﴾