عيـــلتنــا ((باللهجه الليبية))

البارت الرابع و العشرون (2/4)

#عيلتنا

حقوق النشر محفوظة

.
.
.
.
.

اسامة : حقى ترا قولوا مني اللي مات.
°مني!°
اسامة 'بضحكة': مسعود.
'ضحكوا الشباب كلهم'
انا : ترا احلف.
اسامة: اقسم بالله هي .
محمود : تو هكي نستمتعوا بالاعياد .
اصيل: والله وجعني باهي.
رامي : انت يا حنون.
انا : رسمي  تعرف .. مهما كان بليد في النهاية توفى يعني يسخف را.
ملك : لا مشاء الله فاتحين ميعاد على حسابي.
انا 'ضحكت': باهي ميا ميا  سلام...  توصوا على حاجة ؟
ملك: سلامتك.
انا : به ... وانتوا من يبي حاجة؟
°سلامتك°
انا : به تو واحد يتصل بيا بعدين يقولي نبي ولا جيب نهاره .
رامي 'ضحك': مرات تخطر في بالنا حاجة.
انا : باهي به ... حقى بالله اشرولي كرت 10 مدار و 10ليبيانا.
حاتم : تم تو يوصلوك .
انا : منور ... هي سلامات.' سكرت التليفون و تغذيت انا و محمود  و بعدها روحنا .... ركبت غسلت و غيرت دبشي و نزلت قعمزت في الصالة ....
فتحت الانستا شويا و بعدها فتحت الاستوديو   ضغطت على صور هلال و درتلهم عرض  و انا نتفرج عليهم انفتحت اغنية (عشقتك عشق مجنون) و قعدت انغني معاها  و انا نتذكر في هذاكا اليوم ... قطع تفكيري صوت رنت التليفون التاني  وقفت العرض و رديت .
هاشم : شنج.
انا : ماشية .. شن جوك.
هاشم : باهي ... كيف حالك.
انا : الحمدلله   شن جو الشباب.
هاشم : اهو يسلمو عليك .
انا : علينا و عليهم السلام .
هاشم : شن جو محمود .
انا : تمام .
هاشم :  المهم جوك مليح.
انا 'ضحكت' : اي مليح.
هاشم : به خلاص بالسلامة .
انا : سلام ' سكرت التليفون و حليت اغاني '
محمود 'نازل من الدروج و يتكلم بالتليفون' : به استني شويا .'قعمز على الكرسي قدامي .. فتح مكالمة فيديو و فتح اغنية و قعد يغني معاها ' : تعال احضني خلني ارتاح و انسى بحضنك همومي  يومي و انت ما موجود كلش مو حلو يومي .. دفى احضانك يدفيني  نغم صوتك يسليني  عطرك ما يفارقني باقي دووم بهدومي  تعال احضني خلني ارتاح و انسى بحضنك همومي .
انا : تعرف اني من اشتاق تطفى الدنيا بعيووني  بلمست ايدك اتغير حسه ينخطف لوني.
محمود 'ضحك': تعرف اني من اشتاق تطفى الدنيا بعيوني... بلمست ايدك اتغير حسه ينخطف لوني ..خيالك ما يفارقني  خطوة بخطوة يلحقني    سماي تغيم من اشتاق بلهفة تنتظر غيومي  . تعال احظني خل ارتاح و انسى بحضنك همومي ' ابتسم و طلع للجنان طول '
انا : غر تعال مش ح نكسر وذني معاكم را ... يلا نمشى نتريض وخلاص ' نضت و لبست سروال رصاصي ديداس و تي شرت ابيض ديداس  ... نزلت للنادي (في نادي خاص ليا تحت الارض ).. فتحت اغنية (غمزة) و ركبت التليفون في المنضومة و بديت نتريض .
----------------------------------------------
هلال ﴿﴿﴾﴾

تغدينا و بعدها بشوية كلينا حلويات   ... الشباب طلعوا للجنان و احنا قعدنا نتفرجوا على فيلم رومنسي ❤..
كلهم كانوا يتفرجوا بتركيز و منسجمين مع الفيلم الا انا ... كنت انفكر  هل ح يجي يوم و  وسام يحبني ؟ او مش ح يفكر فيا ابدا ؟   هل ح نصارحه بمشاعري ؟ ولا ح نقعد كاتمتهم و كاتمة حبه في قلبي ؟  زعما تلف الدنيا و ترجعله جنان؟ ولا بيتلاقى مع بنت اخرى و يحبها ؟ ممكن تكون وحدة من العيله ؟   ... وقفت هذه الاسئلة بزفرة عميقة مليانه هموم وخوف ... خوف من المستقبل    الخوف من  ان يضيع حب حياتي مني  و نشوفه يحب غيري و انا ساكتة و ضاربه على قلبي ...   لفت انتباهي صوت دانا تحكي عن وسام   لحظتها عدلت جلستي و قعدت نسمعلها بتركيز .
دانا : اصلا وسام طيب من يومه و عمره ما يجرح قلب حد يحبه ... اكثر واحد نحبه في خوتي ...  الوحيد بينهم  لو صارتله حاجة نهبل   ما نتحمل نشوفه يتأذى ولا ينجرح .. لما سيباته جنان  بكيت على حاله ... حسيت ان حرام قلبه طيب كيف قلبه ينجرح ....  من الاخير  وسام ما يزعل الا لما يكون السبب قوي  يخفي كل مشاعره  و عن الكل   صح جريئ لكن ما يقدر يوضح حزنه و ضعفه   ... 
ملك : وسام يكابر    بكل بساطه كبريائه طااغي على مشاعره  ... صح ما نعرف كل شيء عليه لكن نعرف نقرى العيون  نعرفه في لحظات الحزن كيف يصبحو عيونه ...  كل شخص و عنده شيء يظهر مشاعره   و مركز مشاعر وسام هو عيونه ....  تو مثلا يومها هو قالي ... عرفتك متوترة من رقبتك ... و لما قلتله كيف ؟  قالي   ساهل اني نعرف لو انتي مدايرة عمله ولا لا  او لو انتي متوترة او لا  قالي  قلبك في رقبتك  ... وفعلا لما لاحظت نفسي عرفت ان انا لما نتوتر  قلبي ينبض في رقبتي . يعني كل شخص تقدر تعرف مصدر مشاعره  لو ركزت فيه .
دانا : تو سالم  عنده عرق في رقبته واضح  لما يتوتر يبدى نبضه واضح في العرق.
ميس 'ابتسمت' : اي لاحظتها اكثر من مرة .
انا : وانا ما حد  ركز فيا 😃
ملك : تو يركز فيك حبيبك مش فاضين لك.
انا : يا تااافهه.
رزان : يا بنات شن رايكم نقولوا لشباب انديروا شواء اليوم.
انا : اي صح فكرة حلوة .
ملك : به تمشي وحدة منكم تكلمهم.
دانا : بري انتي .
ملك : و علاش مش انتي .؟
دانا : بأي صفه انكلمهم حتى خوتي مهناش.
حسناء : بري هلال.
انا : بالله  بري انتي .
حسناء : مخاطريش.
روان : تو نمشي انا غر اسكتوا 'مشت'
ميس ' خدت تليفونها و طلعت'
انا : اللطف خيرها اهيا؟
دانا 'بحزن' : سالم ليه يومين تليفونه مقفل.
انا : ما عندكم رقم واحد من الولاد اللي مشوا  معاه.
دانا : وسام و بسام يعرفوهم   لكن ما كلمناهم حتى ما ينشغلوا.
حسناء : بالك يشد معاها ميس توا .
دانا : ان شاء الله .
ايمن : الله  احنا برا في النو و انتوا اهنا في الفريييز.
رزان : بنطلع شويا 'مشت'
ملك : ما قاللكم حد قعمزوا برا .
ايمن 'قعد ساكت'
دانا : ايمممن.
انا : هي انت و ين سرحت ؟
ايمن : اه ... نفكر في تليفوني.
ملك : خيره؟
ايمن : امي خداته 😑
دانا : ما عندك من وين تفتح النت؟
ايمن : عندي   جبت الايباد معاي.
حسناء : خلاص شن مزال تبي مثلا؟
ايمن : والله نبي تليفوني و نبي الواتساب و الرسائل  شن الغباء اهوا.
ملك : اووو معناها عندك كبيدة و خايف ماميتك تفتحه.
ايمن : عليك نوور.
انا : به من هيا ؟
ايمن 'سكت'
دانا : من هيااا؟
ايمن : خلوه سر باهي.
°به به°
ايمن : لا لا مصارش.
حسناء : يا حيواان باهي .
ايمن 'ضحك' : كان قلتلكم مش ح يولي سر .
ملك : تعال قولي انا بس.
ايمن : وش الفرق بينك و بينهم مثلا؟
انا 'ضحكت' : تستاهلي باهي .
ملك : يا دراه .
ميس 'بفرحة' : يااااي.
دانا : يا بلي فجعتيني .
ملك : جايه ناطة زي الجن .
ايمن : خير بلاك ؟
ميس : كلمت سالم كلمت سااالم.
ايمن 😐
دانا : احلفي.
ميس : و اقسم بالله .
دانا : و قالك علاش تليفونه كان مسكر؟
ميس : مكانش عنده شاحن .
ملك : الحمدلله .
ايمن : بنمشي انكلم الولاد 'طلع'
حسناء 'رفعت تليفونها ' : حي عندي رسالة .
ملك : من مني ؟
حسناء 'ابتسمت'
انا : اكيدة اكيدة جهاد.
حسناء : يب يب.
ملك 'طلعت الماي فاي من جيبها ' : الواحد يفتح النت احسن.
دانا : عندك رصيد؟
ملك : اكيدة عاد.
حسناء : تعجبيني .
ملك : سكروا التلفزيون بالله .
ميس :سكرت التلفزيون ': نمشي نجيب مشقشقات من المطبخ.'ناضت'
ملك : به تمام.. ' حطت النت على المزهرية ' اهي في تغطية قوية .
دانا : خلي نفتح.
انا 'طلعت تليفوني ' :  خلاص تو نفتحوا كلنا .
ملك : مرة ثانية  كل مرة وحدة تعبي كرت 5  ايوا ما نقعدش انا بس ندفع و انتوا تحملوا مشاء الله .
حسناء : ان شااء الله .
دانا : البارد وسام غير الرمز متاعه ... كنت نفتح منه  وتوا حلف ما حيعطيهولي.
انا : عاد تحملي في افلاام يا ماما و ماتدفعي معاه هلبا هكي.
محمد 'دخل و شاف النت' : اوووو متاع مني اهوا ؟
ملك : بتاعي انا.
ميس ' قعمزت و حطت بطاطا و مشروب و سمينسه و شكلاطه'
محمد 'شاف لميس ' : حقى  نحيته رمز النت من تليفونك را .
ميس : بالحقى.. علااش ؟
محمد : عاد تحملي في مسلسلات ا انتي.
ميس : محمد علااش في مسلسل انتبعوا فيه واصلة في الحلقة الخامسة بالله عليك.
محمد : لا لا لا 'مشى للمطبخ'
ميس 'ضحكت' : عادي اصلا مدايرتله سكرين شوت.
°ضحكنا°
ميس : والله بيمشيها عليا انا .
دانا : قوية الفكرة .
انا : حي يا بنااااات .
°شن في ؟°
انا : مررروة انخطبت .
ملك : نعممم طيح سعدها هي انخطبت و انا لا .
محمد 'ابتسم و استند على العرصة و ربع ايديه' : عادي تو نخطبك انا .
حسناء : اوووو .
روان : قالولكم باهي لكن مش توا.
ملك : على شني ؟
روان : الشوا.
ميس : به .
°دخلوا الولاد°
حاتم 'قعمز على الكرسي': اااه  برووودة.
رامي : شمس قوية برا.
ايمن : مرام وين ؟
ميس : في حوش خالتي بتروح بعدين.
حسام : جيعاان.
رزان : ديما و انت جيعان .
انا : و يا ريته سمين  رايح زي عود الاسنان.
حسام : بالك نفتح في ثلاجتكم و انا ما منتبه.
انا : هه هه هه برادة.
اصيل : دانا  تعالي نبيك شويا .
دانا : تمام 'طلعوا '
محمد : من يجي معاي .؟
اسامة : لوين؟
محمد : نمشوا للشيل بنعبي بنزينه.
اسامة : هيا اصلا حتى نا ما عندي بنزينه هلبا.
حاتم : استنوا بنمشي معاكم  البنزينه واصلة للنص و غدوا عندي خدمة.
الصيد : هي نجي معاكم بنعبي للمولد.
محمد:  معاي يا صيد؟
الصيد: به.
---------------------------------------------
طبعا البارت قصير و عطلت بيه لان عندي ظروف  قلسية و الوضع ملخبط توا هللبا   و مرات نوقف الرواية بضع ايام 😣😢

.