عيـــلتنــا ((باللهجه الليبية))

البارت الثالث و الثلاثون (2/13)

#عيــلتنا

محمد : نبي مفتاح السيارة ... ميس في حاله.
°خيرها!°
محمد : فجأة حرارتها زااادت و لا ترد عليا ولا تفتح في عيونها .
محمود"بخوف" : تي برا جيبهاا و ألحقني للسيارة.
محمد : به 'مشى بسرعة'
محمود : هي انا ماشي .
انا : طريقك زينه ... طمنا عليها .
محمود : ان شاء الله ... بالله ما تقولوا للنساوين.
اسامة : تي باهي غر برا توا .
محمود : مياميا ..'مشى'
'نزل محمد و في حضنه ميس... وركب في سيارة محمود و مشوا'
أسامة: مابعدها الزفت.
انا 'زفرت بوجع' : ربي يصبرها .
حاتم 'نزل من على السلوم' : و اخيرا كملت .
أصيل & أيمن : جينا .
حسام: الخيمة للرجاله ولا!
أنا : اي .
سمعه : باهي هيا خلى انستفوا الكراسي .
الصيد :السلاام عليكم .
أيمن : وين كنت؟
الصيد : حطيت البلى في حوش خالتي.
عبدالمالك 'ضحك' : مندري كيف متحملها .
الصيد : والله حاصله اهنى 'أشر على رقبته'
انا 'إبتسمت' : معناها الصيد واخذ كورس في الصغار .
بسام : اييي .. بالله تعال علمني شويا قبل ما نلقى روحي في كارثه .
انا : شن كارثه؟ ..، بالعكس حلو لما يكون عندك بيبي 😍
أسامة : عاد انت تموت في الصغار .
انا : هاذوا العشق 💙✋
أيمن : اوو معناها وسام في المستقبل بـ يولي عنده هلباا صغار .
انا : بإذن الله .
عبدالعزيز : معناها وتِّي روحك للدلع متاع الصغار و العياطات و غيره .
انا : مياميا ... اصلا نبيهم يدّلعوا عليا. بالذات البنات .
أصيل : خلوه هذا را غاطس من ساسه لراسه في الصغار .
انا 'تلفتت لبسام' : طفلك اللي بيجي ... كان ولد ح يقعد اغلب الوقت معاي و كان بنت. بتولي دلوعه عمها.
بسام 'ضحك' : عادي خلي يطلعلنا ولد زيك.
انا : تي تو يشوفوا الدلع على اصوله قلب عمهم هاذوا.
حسام : باهي بتستفوا معانا ولا لا ؟
انا : بنستفوا اكيد
حسام : لا واضح .
انا : هيا هي ورانا هلبا حاجات .
أسمة : وراسك ما ورانا حاجة غير النافورة .
انا 😒
اسامة : هيا الشبحه .
انا : غر هيا يا ولاد .
°هيا هي°
'قعدنا نستفوا في الكراسي و كملناهم ... قعمزنا شويا و جو عمامي و بوي لكن كانوا يعرفوا بالخبر و بوي يعرف ...

مر الوقت و احنا نرتبوا في امور العزاء و وصينا على كل شيء ... جو ولاد خوالي و ولاد خالاتي و قعدوا معانا..

يزن : مني هاذي؟ 'عائشه'
اسامة : شن خصك؟
يزن : نسإل بس.
أسامة : معاش تسإل.
أصيل 'ضحك' : رد بااالك تسأل مره ثانيه .
يزن 'شاف لأصيل'
أصيل 'غمزله'
يزن : اهااا فهمت .
انا : الساعة كم؟
سمعه : 11
انا "بإستغراب" : مسرع ... زعما شن صار فيهم؟ 'طلعت تليفوني و اتصلت بمحمود'
بسام : من هما؟
انا : محمود و محمد .. الو .
محمود : اآ ويسو شن الجو ؟
انا : نفس الجو شن بيصير يعني .... شن صار فيكم؟
محمود 'تنهد' : و الله قاللنا لازم تقعد في العنايه 3 أيام.
انا : اوف .. علااش؟
محمود : قال ان الحرارة لو قعدت مرتفعه ح تصيرلها مضاعفات .
انا : ايااه ... ربي يشفيهاا .
محمود : آمين ... تو شويا و نجي انا غر في شوية اوراق طالبتها المستشفى. انديرها و نجي .
انا : ميا ميا ... و محمد ؟
محمود : حالف مش ح يطلع من القسم لين تطلع .
انا : ايح ... قوله يجي يرتاح شويا و الصبح يمشيلها
محمود : تي والله قلتله مليون مره مفهمــش مسكر راسه .
انا : قصدي شن الفايدة منه غادي ؟ يعني هيا في العنايه و ممنوع المرافق .
محمود : قال لا المهم نكون جنبها في القسم .
انا : يا سيدي ربي دوم المحبه .
محمود 'ضحك' : امين يارب .
انا : هي سلام خلي تكمل الاوراق .
محمود : سلام 'سكر'
ايمن: شن صار؟
انا : قال بتقعد في العناية 3 أيام .
°علااش°
انا : لو قعدت الحرارة مرتفعة ح تصير مضاعفات .
زيد : لا حول الله .
بسام : حقى ... وين باقي الشباب؟
يزن : زين و يزيد راقدين و حسونه قال بيجي غدوا و هاشم عنده duty والباقي منندري عليهم .
سمعه 'قعد يشوف لمؤيد'
مؤيد : تعالى كولني .
سمعه 'رفع حاجبه' : شني ؟؟ إحترم نفسك خير .
مؤيد : خفت.
بسام : مؤيد اسكتلنا ترا مش ناقصين مشاكلك.
انا 'تلفتت لسمعه وهمست' : شن فيك ؟
سمعه : مندري وين شايفه الفرخ اهوا .
انا : راهو في كل عركه متواجد .. مشكلجي درجة اولى.
سمعه 'سكت و بعدها شافلي بصدمة'
انا : خيرك ؟
سمعه : تو نقولك. لكن مش توا .
انا : به ميا ميا .
يزن 'وقف' : هي نستأذنوا .
انا : خيركم؟
زيد : لا خلاص عطلنا هلبا ... نشوفوكم غدوا .
بسام : سلملنا ع العويله .
زيد : يوصل .
مؤيد : هي انستوا شبااب .
انا : بالسلامة .
++مشوا++
أسامة : كيف متحملينه هواا ؟
انا : اصلا أحنا مش متحملينه بكل.
حسناء : قالولكم تبو تتعشوا توا ؟
انا : مش خاطري بكل.
عبدالمالك : قوليلهم اي. 'شافلي' لا بتاكل .
انا : الحمدلله. .كولو انتو صحتين .
حسام 'تلفت لحسناء' : خلاص بري هي .
حسناء 'مشت'
حاتم : تي تعشى يا راجل. مش راي هكي .
انا : يا ولااد فوتوني قلت مش خاطري خلاص.
بسام : براحتك ... انا عن نفسي نبــي نتعشى .
سمعه 'شاف للساعة' : لتوا مرت نص ساعة ... بنمشي انا .
° وين! °
سمعه : لداري .
أسامة : تي قعمز يا راجل .
انا : خليه خليه ... قاعد عريس .
° ضحكوا الشباب °
سمعه : متفهكم... حتى انتوا نوضو ارقدوا سادكم را غدوا بتنوضوا بكري .
انا : لا احنا مش متزوجين ما عندنا علاش .
سمعه : والله عقولكم تبي غسلة بالأتشدو .
حسام : ايواه ايواه ... انتوا اللي يتزوج يطل متقي و ما عمره ما قال كلمه ولا تسهوك .
أصيل : داروا. سوفت ويير .
انا : غؤ شوفوا بسام كيف ساكت .
عبدالعزيز : عاد عارف ان الدوا عليه .
بسام 'ناض' : هي سمعه خلي نمشوا ... قاعدين صغار اهما .
انا : بروا فكّه اصلا .
سمعه : تي خلاص بنمشي .
حاتم 'ضحك' : بالدقيقه تحسب انت .
بسام : خلاص عاد ' مشوا '
انا : وين محمـ....
محمود: جيت .
انا : الحمدلله على السلامه .
محمود 'قعمز' : سلمك ... يعرفوا النساوين؟
° لا °
محمود : به تمام 'طلع تليفونه و اتصل'
ايمن : بمن تتصل؟
محمود : مرام ... ايوا ... اسمعي تعاليلي تــوا في الجنان ... قلت تعالي اناا .'سكر و تلفتلي'
انا : شنو؟
محمود 'أشرلي براسه (بمعنى تعالى) و مشى جهة الجسر'
انا : شويا و إنجي ' مشيت مع محمود و وقفنا في الجسر'
انا : خيرك ؟
محمود : خايف عليها .
انا : علاش شن في؟
محمود : الدكتور قال لو استمرت الحرارة ح تتأثر هلبا و اقل حاجة ح تفقد وحدة من الحواس .
انا 'حطيت ايدي على راسي' : اوففف ... ربي يشفيها ... بتقول لأمك ؟
محمود : لا ... خليها اليوم. ولو ما تحسن حالها ح نقوللها .
انا : تي كيف يا راجل ؟ ... قول لأمك تو معقولة الشباب يعرفوا و امك لا؟ و كان قالت وين ميس شن انقوللها ان شاء الله !
محمود : تؤ ... سكرتها من كل الأماكن انت.
انا : قصدي بالعقل. الا الأم .
مرام : محمود .
محمود : اها مرام .. تعالي .
انا ' وخرت شويا و وقفت مرام '
محمود : اسمعي ... بنقولك حاجة. و تمشي تقوليها لأمـي بسسسس. سمعتيني امي بــس ... و قوليلها متقول لحد .
مرام "بخوف" : شنو ؟.. و وين محمد؟
محمود : ميس في العنايه.
مرام 'شهقت' : خيرهااا!
محمود : حرارة هلبا ... و محمد قاعد في المستشفى .
مرام 'حطت ايدها على فمها و قعدت تبكي'
انا : تو علاش البكى ؟
محمود 'حضنها' : خلاص خلاص ... ما فيها شيء بإذن الله .'رفع راسها' ... امسحي دموعك .
مرام 'مسحت دموعها' : نمشي نقول لماما 'مشت'
محمود 'تلفتلي': شني دانا ؟
انا : علمي علمك ّ.. لكن اكيد ناضت ، اتصل بيها.
محمود 'طلع التليفون و اتصل بيها' : الو ... ها يا حبي شن الجو؟
انا ' رفعت حاجبي و شفتله' : تحشم أختي را .
محمود 'شافلي ع جنب' : قتلك ... تعالي توا توا ضروووري للجسر ... تي ضروري هلبا ... هي نستنى فيك .
انا : اياه ... خلي نقعد نبي نشوف الحاجة الضروووريه .
محمود : تي برا يا راجل .
انا : لا .
محمود : راهو كلــه راجعلك في المستقبل .
انا : ايــح.
محمود : امالا شني .
انا : لا امالا خلي نمشي مش ناقص انا. 'مشيت و لقيت الولاد يتعشوا ... خطمت جهة المطبخ شفت هلال واقفه ناديتها'
هلال : نعم ؟
انا : شجو؟
هلال 'ضحكت' : تمام .
انا : شن الأجواء الداخل ؟
هلال : باهي .. حايسين وخلاص .
انا ' مديتلها التليفون و الشاحن': حبها خوذي حطيه في الشحن.
هلال 'قعدت تشوفلي'
انا : ولا انقولك .. أفتحيلي باب الدروج .
هلال : به 'مشت'
انا ' مشيت جهة باب الدروج و قفت إستنيتها شويه و بعدين فتحت الباب'
هلال : إستنى بنركب معاك.
انا 'رفعت حاجبي' : اه؟
هلال : قصدي ... امك تبي حافظات.
انا : آها .. ميا ميا 'إشرت على الدروج' .. تفضلي .' ركبت هلال و انا وراها لين وصلنا و فتحت باب الحوش خليتها تدخل قبلي ... سكرت الباب و فتحت الضي ... مديتلها تليفوني و الشاحن ' ... اسمعي هوا مكتوبلك تحطيه في الشحن را ... بري تاكيه في داري و انا تو انجيبلك الحافظات.
هلال 'خدت التليفون' : تمام 'مشت'
انا 'مشيت للمطبخ و قعدت اندور على الحافظات و قلبت المطبخ كله لين لقيتهم و ساوييت الحوسه اللي درتها ... حطيت الحافظات على طاولة الصالة و مشيت نشوف هلال علاش عطلت ... دخلت الدار و ####'