عيـــلتنــا ((باللهجه الليبية))

البارت الخامس و الثلاثون (2/15)

#عيلتنا

الدكتور : والله حرارتها نزلت شويـه .
محمد : كم ؟؟
الدكتور : . 40 .. نزلت درجتين
محمد ' قعمز و رفع راسه للسماء'
الدكتور 'حط يده على كتف محمد' : إحمد الله و أشكره ... هالدرجتين نقذوها من الموت ، و بإذن الله. زي ما نزلت درجتين ح تنزل أكثر و ترجع سالمه.
محمد 'شاف للدكتور و إبتسم' : بارك الله فيك .
الدكتور : فيك بارك الله .. هي نستأذن .
محمد : إذنك معاك.
الدكتور 'إبتسم و مشى'
محمد : يــارب تشفى في أقرب وقت يا رب💔

______________________________________________

صبــاحاً ...

وسام ﴾﴾﴿﴿

نضت على صوت جرس الحوش ... مشيت و فتحت الباب.
دانا : هيا إنزل أفطر .
انا : جيبيلي فطوري .
دانا : عيــنك .. أصلا خالاتي جو و يبوا يعزوك.
انا 'قعمزت على الكنبه' : مني من خالاتي ؟
دانا : كلهم.
انا : هئحم ... و ميرال؟
دانا : اها جت .
انا : تمام .. شويا و ننزل.
دانا : را الشباب يستنوا فيك مش تعطل.
انا : به .
دانا : و هلاال لوطا .
انا : إقلبي وجهك خير .
دانا 'ضحكت و مشت'
انا 'نضت توضيت و صليت. بعدين لبست سوريه سوداء و سروال أسود و معاهم سبيدرو اسود ... طلعت من الدار و مريت قدام دار سالم .. قربت و فتحت الباب ... أول ما دخلت تخايلته ع السرير و فاتح البليستيشن كالعادة لكن هالمرة غير ... كانت الدار معتمه و ما فيها حياة .. كان سريره فاضي مش زي ما تخايلت .. قربت للسرير..

بسام : هي تعالى .
انا 'تلفتت بسرعة' : خلعتني.
بسام 'إبتسم' : تعال أطلع ... ما تنوض المواجع بالله من أمس و انا نحاول نتماسك.
انا : ياسرنا مكابرة ياسر ... عيت و انا نكابر على كل مشاعري سوا فرح او حزن. حب او كره كل شيء نحاول ننكره و نقنع نفسي انه خطأ ... خلاص انا فديــت. نبي نعترف على كل شيء .
بسام : إعترفلي. مش حالفين ان ما نخفوا على بعض حاجة؟؟ فضفض و إحكي .
انا 'زفرت' : و الله النفسيه صفررر ... نبي شخص نحكيله كل شيء .
بسام : باهي إحكيلي.
انا : تي صعب ... من الأخير ... نبي نتزوج. عييت ، نبي وحده كل ما قلبي يوجعني تداويه بكلامها ... كل ما نتألم تصبرني .
بسام 'ضحك' : باهي حب و تزوج .
انا : ما المشكلة اني نحـــب.
بسام : مني ؟
انا: ..
هلال : وساام بساام وينكم..
بسام 'طلع' .
هلال : وسام .
انا 'طلعت' : نعم؟
هلال: الشباب يستنوا فيك.
انا :باهي به .. 'شفت لدار سالم'
هلال 'حطت يدها على كتفي و إبتسمت' : هذا قضاء و قدر يا وسام... بعدين إبتسم و أفرح لإنه شهيد .
انا 'شفتلها و إبتسمت' : شكرا.
هلال : به هيا يستنوا . 'لفت بتمشي'
انا 'شديتها من يدها' : إستني.
هلال 'لفت' : نعم؟؟
انا : شن الشيء اللي كنتي ح تقوليه امس؟؟
هلال "بإرتباك" : ها.
انا "بحب" : و نظراتك هاذي. هيا اللي تزيد فضولي.
هلال : هوا ... إحم .. ما كنت ح نقول شيء.
انا 'ضحكت' : عيونك يا بنت ... خلاص قولي مش ح ناكلك والله .
هلا 'تنفست بقوة' : وسام انا نحـ...
دانا : واااك. لين فطروا ... 'شهقت' ... شن إديرواا ؟
انا : إهفتي بلا عار .
دانا : والله ايدك .
انا ' شفتلها و طلعت هلال'
دانا : شن في !
انا : شيء كنت نسإل فيها بس .
دانا : على شني ؟؟
انا : مش وقته توا نحكيلك لما نفضوا .
دانا : تمام .
انا : هئحم .. اي شن ناقصك من حاجات عرسك؟
دانا "بإستغراب" : كملت كل شيء ... بعدين أنسى الموضوع توا.
انا : شن ننساه!... اهو نقولهالك من توا ... عرسك مش ح يتأجل.
دانا "بصدمة" : شني؟؟
انا : زي ما سمعتي .. ساد تاعبنا الولد هلبا .
دانا :لكن سـ..
انا : سالم لو حي. ما كان ح يرضى انك تتأخري دقيقه وحده على موعد العرس.
دانا 'نزلت رأسها' .
انا : هي إنزلي .. 'نزلت و طلعت من جهة الصالة سلمت على خالاتي و مشيت للمطبخ'
انا : زيد رص زيد .
أصيل 'ضحك' : خليني مدام ضعيف و ما نسمن .
انا : صحه صحه ... وين الشباب؟
أصيل : برا وين يعني؟
انا : جو ولاد خالاتي؟
أصيل: كلــهم.
ميرال : هلا.
انا : أهلين كيف الحال.
ميرال : تمام.'شافت لأصيل'
أصيل 'إبتسم' : هئحم. نخليكم توا ... إسمع قوللهم ما يمسوش خبزتي . 'مشى'
انا 'صحكت' : هامع .
ميرال : سلامة راسك.
انا 'شفتلها' : سلمك .
ميرال 'حطت إيديها على كتافي' : اي شن الجو .
انا : نـ..'شفت لجهة الباب و لقيت هلال واقفة و مصدومه'
هلال ' شافتلي و مشت بسرعة'
ميرال "بإستغراب" : خيرك؟
انا 'نزلت إيديها' : في حدود بينا معاش تتخطيها .
ميرال : شن درت انا حتى نتخطى الحدود؟
انا "بعصبيه" : ميرااال ما تختبري صبري لإن لو عصبت حق. مش ح نرحمك .
ميرال 'حطت يدها على خدي' : أعصابك يا حـ..
انا 'ضغطت على سنوني': نزلي إيدك خير ما يجيك كف.
ميرال 'نزلت يدها' : اففف مولي عصبي هلبا الفترة الأخيرة.
انا : إسمعي ... مهما كانت العلاقة بينا في الماضي. توا إنتهــت و إنتي عارفه هالشيء ... فلهذا مش مسموحلك تمسيني ولا تلقبيني ولا تغازلي او اي شيء فاهمه!
ميرال : باهي باهي فهمت.
انا : وين مينو ؟
ميرال : عند هاشم .
انا : به 'طلعت و انا حاقد على ميرال و كل اللي همني هلال و ردت فعلها ... مشيت للخيمه و لقيت الشباب سلمت عليهم و خديت منال من هاشم و قعمزت'
رامي : كم عمرها توا ؟
انا : سنتين .
رامي : العمر كله .
محمود : خيرك عطلت في المطبخ؟
انا : شيء.. اي مينو إهفتي.
منال ' شدت لحيتي بالقوة'
انا : هاذي أبرد لقطة ..'فكيت إيديها بعد جهد' .. معاش تعاوديها.
يزن : تعالي مينو.
منال 'شدت فيا' : إلاا. إلاا 'تبكي'
انا 'شفت ليزن': مبردك يا دراه 'تلفتت لمنال' ... خلاص يا عمري خلاص أصلا مش ح ياخذك مني حد .
منال 'سكتت'
أسامة: السلاام عليكم.
°وعليكم السلام°
انا : وين كنت؟
أسامة : نجيب في هوا 'أشر على سمعه'
انا : و وين كان!
محمود : كان راقد .
انا 'ضحكت' .
منال : منو هذا! 'أشرت على أسامة'
انا : هذا إسمه أسامة.
منال : علاش؟
انا : اياااه بنبدوا في القصقصه.
منال : ثنو؟
انا : إرقدي .
منال 'بدموع' : به.
انا : إنبصر متبكيش .. "بهمس" زيها لمن بتطلعي يعني .
أسامة : خليها تلعب مع أبرار و أيهم.
الصيد: تبي أبرار تقتلها يعني؟
أسامة : المهم تلعب ... خير ما تقعد شادها هكي .
عبدالعزيز : اي صح. و بعدين شويا ح يجو الرجاله .
انا : نرفعها لأمي .
أصيل 'ضحك' : أرفعها لأمها خير.
انا 'وقفت و فنصت في أصيل ... قمت منال و مشيت وقفت قدام باب الممر .. شفت هلال واقفه قدام باب دار البنات. ناديت عليها'
هلال: شني؟
انا : بالله أعطيها لدانا و لا أمي.
هلال : ياحليلي اناا ... بنت من السنفورة هاذي؟
انا : اه .. بـ..بنتـ...
دانا : حي مينوو 'خدتها و دخلت'
هلال 'لفت بتمشي'
انا : هلال .
هلال 'تلفتتلي' : نعم.
انا : على اللي شفتيه امبكري مـ..
هلال "بإستهزاء" : إرتاح مش ح نقول لحد.
انا "بإستغراب" : شني؟؟ ... لحظة لحظة ... فاهمة الموضوع غلط انتي.
هلال 'ضحكت' : ياااي صدقت.
انا : هلال والله اللي في بالك خطأ. و مافي شيء بيني و بين ميرال .
هلال 'إبتسمت بإستهزاء' : وخيرك واكل همي انت؟
انا 'بنظرة بريئة' : صدقيني .
هلال 'سكتت' .: به علاش تحلفلي ؟ مهمه انا لهاذي الدرجة؟
انا : يعني. بنت عمي و ما نبي تاخذي عليا موقف خطأ.
هلال "بصدمة" : أصلا مستحيل تفهم ولا عمرك ح تحس. 'دخلت'
انا 'وقفت مصدوم' : خيرها هاذي؟؟ بعدين شن قصدها أصلا؟ 'فتحت عيوني' ... حي شن قلتلها اناا؟ ... مغباني الزفت مغبااااني.
بسام : و انا نبصم .
انا : امتى جيت؟
بسام: من لما بديت تعترف.
انا : سمعتنا!! بالله شن فهمت ترا!
بسام : شني ؟؟ انت ومني ! و من هيا و علااش؟
انا : مش قلت من لما بديت نعترف!
بسام : اي. تعترف انك غبي.
انا 'تنهدت' : ااه فهمت.
بسام "بخبث" : مع من كنت تدوي؟؟
انا :حــدددد 'مشيت'
_______________________________________________
عند محمد ..

كان مقعمز و عيونه ع الغرفة اللي فيها ميس. و تفكيره مشتت بين أحوال أخته و أحواله هو و ملك ... قطع تفكيرة صوت الدكتور .
الدكتور "بسرعة" : يا محمد يا محمد .
محمد : اها. نعم .
الدكتور : ####
محمد 'وقف': #####