عيـــلتنــا ((باللهجه الليبية))

البارت السادس

#عيلتـ★ـنا
.
.
.
.
.
.
: وســام😃
انا: جنـان 😲
جنان: وساااام مش مصدقه يا ربي❤
انا: انتي كيف جيتي هنا ؟؟
جنان: بنروح بأختي تسنيم وانت ؟
انا : بنروح بأختي و بنات عمي .
جنان: امم .. اختك شن اسمها و اما سنه توا؟
انا: دانا .. ثالثة ثانوي .
جنان : دانا وائل .
انا: ايه ... تعرفيها ؟؟
جنان: صاحبت اختي .. بنات عمك معاها ولا ؟؟
انا: ايه معاها .
جنان: اللــه على الصدفه .
انا: شفتي الدنيا كيف فرقتنا .
جنان شدت يدي : وكيف جمعتنا.
انا : يلا باي 👋.كيف بنمشي هي نادتني..
جنان: وسام ✋
انا تلفتت : نعم !
جنان بخجل: ممكن رقمك .
انا ابتسمت : به .
جنان طلعت تليفونها : هي قول .
انا: *******092 .
جنان: شكراً تو انديرلك رنه 💕
انا: تمام هي سلام .
مشيت وانا حاسس بالفرحة غامرتني ومش شايف حد قدامي  لدرجة اني خبطت في ميس كانت بطيح لكن شديتها من خصرها ..
انا: ههههه ميمي 😹
ميس: يا غبو  اطلقني قدام المدرسة احنى .
انا: عادي 😌
محمود: تي هيااا شن .
انا طلقت ميس و تلفتت لجنان لقيتها مصدومه او زعلانه من الحركه ابتسمتلها وغمزت 😉 ومشيت للشباب .
سمعه: هي من يجي معاي ؟؟
محمود: انا معاي ميس و حسناء ومني ؟
دانا: انا .
انا: انا معاي أيمن و أصيل ومني .
هلال: انا انا .
سمعه: ملك تعالي معاي .
فاطمه: انا مع عمي .
سمعه: باااه .
حاتم : انا و بسام فاضيين.
انا: تي هيااا .
ركبنا للسيارات انا ركب جنبي اصيل و وراي هلال و جنبها  ايمن بحكم انه اصغر منها .. رن موبايل هلال انا وذني معاها.
هلال: ايوا ... اها ... في الطريق .. اللــه  تبصري ... باااهي به .. تي نسييت ... هي سلام .
انا: خيرك ؟؟
هلال: ماما قالت النساوين جو و هويده روحت .
أصيل و ايمن: شن في ؟؟
انا: تي حمام هويده .
هلال: مشـآء الله كلنا ناسيــن 😄
أصيل: حمام شني ؟؟
انا: مشعارف ؟
هلال: الحنه .
احنا ((الشباب)): يــع .
هلال: عينكم .
انا  : بسام يحبهاش را .
هلال: خصنيش هو ومرته .
انا: تعالي كوليني .
هلال: مدايرين رشده اليوم .
أيمن: الله .😃
هلال: وووه ... تي ماهو الحمام .
أصيل: تي مفهمتش حنه ولا مطبخ و لا مشعارف 😂
انا: ههههه مطبخ ههههههه.
هلال: تي شن ركبني معاكم بس .
_________     ________
سيارة محمود ...
محمود يسوق وجنبه ميس اخته و وراه دانا وجنبها حسناء ..
محمود حال أغاني و يغني : اي لاڤيو كاين 😁 بحبك كاين ❤
ميس: محموووود صدعتنا .😡
محمود غير الأغنية : توحشتك انا عمري بغيت  اشوفك يا طال صبري يا و ..
ميس سكرت  الراديو .
محمود : ووواك به ادو هي .
دانا: شن جوك 😊
محمود ارتبك: اه .... باهي☺
دانا: دوم .
محمود: دوم عزك ونبض قلبك ❤
حسناء و ميس : هئحم .
محمود 'ضحك'
دانا 'تحشمت وخدودها ولو حمر'
محمود 'شافها في المرايآ استناها لين تشوفله  ولما جت عينها في عينه غمزلها لا إراديا و ابتسم  دانا معاااش رفعت راسها بكل ... محمود فاق على روحه حس بقلبه بيطلع من مكانه كمل طريقه وهو ساكت .'
_____    ______    _______
لما وصلنا ....
انا شفت دانا نزلت زي الطلقه للحوش طووول و بعدها خشوا البنات كلهم  واحنا الشباب قعمزنا في الجلسة في الجنان  اتفكرتوها 😉 .
انا حدفت روحي على الكرسي: ااااه .. تو بتجينا رشــده 😆
بسام: احلف .
اصيل 'ضحك'
سمعه: خيرك ؟؟
ايمن: حتى العريس ناسي .
بسام: حيييي اتذكرت الحمام اليوم .
طلعت عمتي سالمه : وين خوتكم ؟؟
انا: مني ؟؟
سالمه: تي امتع الإقتصاد .
أصيل: هه امتع الإقتصاد حلوه 'ضحك'
سالمه: تي وينهم  مجـ ...
قطع كلامها صوت الشباب جايين يضحكوا مع بعض .
حاتم: بتموتوا بالعكوز 😆
رامي: إن شاء الله معاك 😉
سالمه: هي يجي واحد منكم ياخذ سفرة الرشده .
كلنا سكتنا .
سالمه: تي هياااا وقت .
انا: هي هي .. ونضت .
الشباب بدوا يصفقوا و يصفروا .
وانا خاش نضحك .
تلفتت جت عيني فعين بنت ابتسمتلي شبحتلها وكملت طريقي  خديت سيلفي قدام المطبخ و يا حظي طلعت جنبي دار بنات و الباب كان مفتوح  و قريب نعيط لإن السلفيات اللي خديتهم امتع جكترة خطم  قدامي  محمود .
انا: حمود حمووود تعالى صور .
محمود : هي هي .
وخدينا كم صورة هكي وجي فعيني ضي فلاش تلفتت لمصدر الفلاش لقيت بنت من الدار تصور فينا خطمت دانا تلفتتلي شافت محمود طبست راسها  وكانت بتمشي   ناديتها ..
انا: دانا .
دانا : اه ... شني .
انا: تعالي .
دانا جت : نعم .
محمود يشبحلها و يبتسم .
انا : في بنت كانت تصور فينا لابسه وشاح احمر قوليلها  ...سكتت .
دانت: شني ؟
انا جتني فكرة : قوليلها  اديرلنا تاق 
Ŵîsśãm 6ň ŵåèłľ .
Måĥmõøđ  žåĥëř
دانا: بالله .
انا: تي هيـا  الزفت 😉
دانا: به .
انا: قوليها بصوت عالي خل نشوفوا طلبات الصداقة .
محمود: ههههه .
انا: ااايه انت اهنى 😃
دانا: هي سلام .
سالمه: محمووود وسام بيبرد الغدى .
محمود: ا هي عمتك فضحت بينا مشآء الله
انا قمت السفرة : هي هي .. ومشينا
______    _____    ______

هلال ﴿﴿﴾﴾

كنا امقعمزين في الدار و انغنوا دورا شفت وسام خطم وقعد يصور و انا بنموت من الضحك بعدين صور هو و محمود وفي بنت صورتهم انا انصدمت و جت دانا قالتلها قالولك الصورة اللي صورتيها ديريلنا تاق  وسمتلها إيميلاتهم  انا بنضحك و بنبكي في نفس الوقت .. فت الموضوع وبديت انغني .
انا: يا بوها قال صغيرة بنتي .
البنات: حي حي حي حي 👏👏
انا: يا لولا النصيب ما هنتي .
دانا: قيسك ع الصلايه ديما .
البنات: حي حي حي حي 👏👏
دانا: حصلتي سمح التبسيمه .
: من هو العريس .
انا: ولد عمي ... خو دانا .
: اما واحد ؟؟
انا: تعالي انوريهولك من الروشن .
ناضت معاي البنت و فتحت الستار ولحسن حظي لقيت بسام و وسام و سالم لابسين سوريه زيتونيه وسروال بيج و نظارات شمسيه و يصوروا بعصا السيلفي  امتع وسام  .
انا: هوا اللي يصور .
: ياااي قصدك اللي شاد العصا 😍
انا : لاااا اللي في النص .
: امالا  اللي شاد العصا مني ؟؟
انا: الثلاثه خوت دانا الاول وسام و اللي في الوسط بسام راجل اختي و الاخير سالم .
: قصدك بالترتيب ؟؟
انا بملل : لاااا الوسطي الكبير والأول الوسطي و اللي على اليسار الصغير .
: كم عمرهم ؟؟
انا: بسام 28 و وسام 25 وسالم 20.
: يخدموا ؟
انا : بسام و وسـ... سادك بلا حشريه وانتي صدقتي الوضع 😒 ... ومشيت.
______    _______   ________

وسام ﴾﴾﴿﴿

قعمزنا في الجنان قعدنا نتغدوا جانا أيهم .
أيهم : وثام دالولك تعالى ثور معانا .
((وسام قالولك تعالى صور معانا))
انا: مني ؟؟
أيهم: ملك و دانا و هلال .
انا: به .
ايهم لف بيمشي ..ناداه أيمن .
أيمن: يهوم .
ايهم : نعم .
أيمن : تعالى .
أيهم قرب من أيمن .
أيمن بهمس : جيبلي مقروض من فوق الطاولة .
ايهم: لا لا نبيش .
ايمن: تفو  💦
ايهم: على وزهك ... *وجهك*.
ايمن: برا خش عن نضربك تو .
ايهم طلع يجري
انا: نمشي نصور
أسامه : برى وليت شخصيه مشهورة
انا: صقع عليك ... 'مشيت للبنات وقعدت انصور معاهم'.
انا: هي ساد بنركب شوفولي الطريق مش خاطري نشوف حد .
هلال: ملوكه بري شوفيله الطريق .
ملك: حاضر ..تلفتتلي.. هي تعالى .
انا مشيت ورا ملك و وقفت قدام الباب لين اشرتلي نطلع .
انا: شكراً... وطلعت نجري زي البرق وانا  راكب في الدروج خبطت في بنت شوي وطاحت شديتها من يدها ولما بحتت فيها لقيتها ميس تنهدت بإرتياح .
ميس: خيرك معاي اليوم 😃
انا: انت متشوفيش قدامك مخصنيش.
ميس: بالله 😒
انا: واللهِ
ميس: تي برا معاي بنات .
انا قمت راسي لقيت بنات كملت طريقي وانا ساكت لين وصلت للحوش .
انا في نفسي: تو تشوفي يا ملك ع اساس فاضي مافي حد .
دوشت و شربت بيبسي  ونزلت وانا نازل لقيت الصالة فاضيه و صوت النساوين فئ المربوعة ارتحت و طلعت من الباب الخلفي و انا طالع سمعت صوت اتنين يهدرزوا مشيت بنسبة شفت مرا عاطيه بالظهر و قدامها راجل لكن وجهه ميبانش استنيت لين تتحرك المرا ونشوف وجهه
و اخيـرا تحركت لكن الصدمة كانت ##### 😲