عيـــلتنــا ((باللهجه الليبية))

البارت الثاني و الأربعون (2/22)

#عيلتنا
.
.
.
.
.
.

ملك : تمام ، كيف حالك إنت ؟ ..'ضحكت'.. يا حليلي ، يا عمري كنت مع البنات مقدرتش نرد عليك ... أيه ،  باهي تمام .. نكلمك بعدين ، بااي 'سكرت الخط و لفت ، شافت محمد'
محمد 'واقف و رافع حاجبه بصدمة' : ترا إحلفي .
ملك "بتوتر" : انت شن جابك ؟
محمد 'قرب منها بعصبية و خدى تلفونها'
ملك : هـاته .
محمد 'أشرلها تسكت ، طلع تليفونه و سجل الرقم ، أعطاها التليفون و شافلها بعصبية'
ملك : شن ادير اهنا و علاش لاحقني !
محمد "بعصبية"  : لو ما جيتي ملك ، كنت قتلتك توا .. و الكلب اللي كنتي تكلمي فيه ، ما نتسمى محمد لو ما جبتلك خبره .
ملك "بعصبية" : من تحساب روحك إنت! ، و شن دخلك فيه أصلا ، هاذي حياتي و انا حرة .
محمد 'بصوت عالي' : سكري فمــك ،را قاعد شاد روحي عليك ، ما تخليني نوريك وجهي الثاني  اللي عشت طول عمري و انا نتفانى ان نوريهولك ،  ملك  إنتي مش مسموحلك تكلمي أي ولد فاهمة !
ملك : مخصـگش ، انت مش خوي ولا بوي حتى تتحكم فيا .
محمد ' شدها من ذقنها ' : صحح ، انا مش بوك ولا خوك ، لكن. أنا محمــد ، محمد اللي ولا واحد يقدر يقرب على أملاكه ، انا الشخص الوحيد اللي 'سكت'
ملك "بإستغراب" : اللي شني ؟
محمد 'رفع عيونه للسماء و زفر ، بعدها شافلها وفي عيونه دموع' : أنسي ، لإنك مش ح تفهمي ، وحتى لو جى يوم و قلتلك مش حـتصدقي ولا تفهمي .'لف بيمشي'
ملك 'شدت يده' : محمد شن تقول!
محمد "بعصبية" : ملك ، تعبت معاك انا تعبــت ، فرغ صبري و انا نلمحلك ، درت المستحيل حتى تعرفي لكن مفيـش فايدة فيك بكل ، 'قرب منها' .. تعرفي ، انا مش حـنسمح لأي شخص يقرب منك ، اي حد يحاول يلمسك ح نقطعله  يده ، مش حـنسمحلك ملك تحبي ، أنسيه الموضوع اهوا و نحيه من راسك .'مشى جهة الحوش'
ملك 'قعدت واقفة و تائهة في أفكارها'
ـــــــــــــــــــــــــــــــــــــــــــــــــــــــــــــــــــــــــ
هلال ﴿﴿﴾﴾
كنا مقعمزين انا و وسام و محمود و بسام و هويدة  و سمعة و مرته و سالم في الصالة و كانوا يدوا بالرموز و انا ساكته ومش فاهمة اي شيء ، لين دخل محمد و واضــح عليه العصبية ، وقعمز جنب سالم .
محمود : شني محمد ، خيرك؟
محمد 'قعد يشوف لتلفونه' :شيء.
سالم 'تلفتله' :  مني معصبك؟ ، هئحم ، خاف إنت العزيز بروحي ضميته و الله اللي زاعلك أحرق عليه بيته ..
محمد 'تلفت و همس لسالم ، بعدها طلعوا للجنان'
وسام 'ضحك و وجه كلامه لمحمود' : ريت يا نصي ! ، كبروا و بدوا إيديروا في الجو .
محمود 'ضحك ، قعمز بفخر' : ايــه كبروا الصغار و نفذوا وصايانا .
سمعة 'دف محمود بخفة' : أسكت ، حسستني إنك واحد في عمر الـ70 .
بسام : هو حتى انااا ، اناا اللي قريب إنولي اب ما قلتهاش.
انا : بسام حسستني إنك  ثلاثيني.
وسام &محمود 'ضحكوا'
سمعة 'تلفتلي' : شن قصدك بيهاا؟
انا 'شفتله بـبراءة' : نسيتك .
سمعة : قصدك اللي عمره ثلاثين كبير ! ، 'شاف لمرته' ، حي عليا كبرت .
ليان 'ضحكت' : لا عاد ، اكيدة هلوله تبصر .
وسام "بتقليد" : هلوله 'ضحك بقوة'
هويدة : خيرك شن في!
وسام : هلوله  البهلولة .
°ضحكوا°
انا 'شفتله بغيض' : مبردك .
وسام : را محمود قالها .
انا : ماهو تافه .
وسام : حقى ، وين عمامي و جدي و اميما؟
سمعة : في المربوعة .
وسام : نطلعوا يا ولاد !
°وين!°
وسام : للجنان ، وين يعني !
محمود 'وقف' : لا أنا عندي ما إندير .
بسام : شن عندك!
محمود : حاجة 'طلع'
بسام : غريبه .
وسام : مش لازم يقولك كل شيء بالتفصيل .
بسام 'شاف لوسام بإستغراب' : شن قصدك؟
وسام : ما قصدي شيء ، لكن تو انت كان عندك حاجة تبي إديرها ، مش ملزوم تقوللنا .
سمعة : اي صح .
بسام : شن صح ! ، شن تقولوا إنتوا .
انا 'ضحكت' : حسيت بشعوري إمبكري و انتوا تدوا بالالغاز .
وسام 'ضحك' : قاعدة متعصبة .
انا : أكيدة .
وسام : بـ ... 'رن تليفونه ،اول ما  شاف الإسم إبتسم' .. اها حبي ! ..'ضحك' ... الله ،  الحمدلله كيف حالك إنتي! .... امممم باهي به ..، به تو نجيبلك غدوا .. 'ضحك' .. من عيوني ، هي باي 'سكر الخط و قعد مبتسم'
بسام 'ضحك' : و أخيرا كلماتك ، و انت  قريب تهبل .
وسام : اكيدة ، عاد هاذي نبض قلبي .
انا 'قعدت نشوفلهم بإستغراب ، كل اللي فهمته انه يكلم في وحدة و حيـيشوفها غدوا ، فكرت شويا و تذكرت ميرال و ان غدوا حيمشي لحوش جده ... قطع تغكيري صوت ليان المستغرب '
ليان : خيرك هلال !
انا : لا شيء ، غر سرحت شويا .
ليان 'إبتسمت'
انا 'وقفت' : بنطلع انا ، مليت .'طلعت و مشيت للبنات'
ـــــــــــــــــــــــــــــــــــــــــــــــــــــــــــــــــــــــــ