عيـــلتنــا ((باللهجه الليبية))

البارت الخامس و الخمسون(2/35)

#عيلتنا
.
.
.
.

أصيل 'زفر' : سافرت مع خطيبها .
أنا 'شفتله بصدمة' : يعني هيا تكذب .
أصيل 'هز رأسه' : سامحني فيها لكن هيا خاينه و دراه كبد و نكره أمهاا .
أنا 'لفيت و توجهت لباب الجنان متجاهل صوت أصيل اللي ينادي عليا و في كل خطوة نفقد توازني ، في كل خطوة تتسلل مواقف قديمة جمعتني بيها، لحظات عابرة في ثواني لكنها في ذاكرتي، فتحت الباب و حسيت بألم رهيب في رأسي، إبتسمت و أيقنت إنه نفس الألم و نفس الوجع اللي صارعته قبل ساعات، لكن هالمرة أشد .. الرؤية بدأت تضعف حسيت بتشويش في عيوني ، حطيت رجلي عالطريق و في كل حركة تركبني رعشة تسلب مني السيطرة على حركتي ... في لحظة حسيت روحي بنطيح  في  مكاني ، بعدها صوت مكابح السيارة ملئ المكان، حسيت بضربة رفعتي لأخر سماء و بعدها فقدت كل الإحساس.

___________________________________________________
هلال ﴿﴿﴾﴾

كنت مقعمزة نتفرج على الفيلم بعد ما طلعوا وسام و أصيل و لحقهم محمود ...
حسيت بضيق غريب و إختناق فجأة ، وقفت و طلعت للجنان حتى ناخذ نفس، أول ماطلعت شفت الباب مفتوح و سمعت صوت محمود
محمود : وســـــام. لا وســـام.'حط ايديه على راسه بصدمة'
'الشباب كلهم جو يجروا'
بسام : وســــام 'طلع يجري '
في لحظة كانوا كلهم برا و مصدومين...
انا 'عقدت حواجبي بإستغراب و صدمة ، رفعتني رجليا لا شعورياً للشارع ، لما قربت من الباب شفت سيارة رصاصية واقفة و الشباب كلهم ملتمين قدامها .. قربت و قلبي ينبض بكل مافيه من قوة .. حطيت يدي على فمي بصدمة لما شفت وسام مغمى عليه ، رفعت عيوني و شفت لسمعة اللى تلفت لما حس بيا.
سمعة 'حط يده على كتفي' : أدخلي و أحنا تو نرفعوه للمستشفى.
أنا 'شفتله و عيوني كلها دموع' : بنمشي معاكم.
سمعه : لا ، أقعدي أهنا.
أنا 'هزيت رأسي بنفي' : لا لا مش حنتحرك من أهنا إلا للسيارة.
سمعة 'زفر' : باهي و إنتي العناد معبي رأسك، كيف بتتفاهموا مش عارف.
أنا : علاش؟
سمعة : هوا يعاند و إنتي تعاندي مبردكم.
أنا : أحنا فاهمين على بعض .
سمعة : تمام أركبي معاي .
أنا : به.
سمعة 'شاف لمحمود و بسام. : قيموه بالشوية و حطوه في السيارة.
محمود & بسام : تمام 'قاموه و حطوه في سيارة سمعة من الخلف و بعدها ركبوا في سيارة محمود'
محمود : نمشوا لنفس المستشفى اللي فيها محمد.
سمعة : مستشفى الـ+-&$$ ؟
محمود : أيه.
'إنطلقنا و طول الطريق عيوني على وسام، قعدت ندعي إنه يكون سالم و ينوض'
سمعة : قلتوا لأختي على محمد؟
أنا : لا.
سمعة "بصدمة" : شنو؟ علاش!
أنا : الشباب هكي قالوا.
سمعة : تي كيف؟؟ الولد قاعد في المستشفى و أمه متندريش؟؟
أنا : مخصنيــش.
سمعة : به .
'وصلنا للمستشفى و قعدنا نستنوا في نفس المكان اللي كنا فيه إمبكري ... مر شويت وقت حتى طلع الدكتور وهو عاقد حواجبه بعصبية'
سمعة : شن صار؟
الدكتور'شافلنا' : أنا شن كنت نخرط إمبكري؟ ... ولا تهزوا في رأسكم و خلاص! .
محمود : عفوا يا دكتور  كل شيء ليه حدود.
الدكتور : أي و الإنهيار العصبي عنده فات الحد ، تبوه  يمرض ولا شني؟
بسام : لا أكيد، لكن هو ضرباته سيارة. شن دخل الإنهيار العصبي.
الدكتور "بتفكير" : أها يعني الكدمة اللي في جهة بطنه بسبب الضربة و الجروح بسبب الإحتكاك .
سمعة : نبي نفهم من شني داخ؟
الدكتور : هوا طاح قبل ضربة السيارة ولا بعد؟
محمود : هو كان حيطيح قبل الضربة .
الدكتور : اها توا فهمت ، كان عنده إنهيار عصبي و صداع، في اللحظة اللي بيطيح فيها ضرباته السيارة، يعني هو طاح بسبب الإنهيار العصبي.
انا : باهي يا دكتور في أي أضرار بسبب الحادث؟
الدكتور : شوية جروح، توا هوا فايق، نبيكم تنسوه في سبب الإنهيار مهما كان، بالله إهتموا بيه  علاش تصدموا فيه؟ تي أنا هدرزت معاه و الواضح إنه مجروح، ومن طريقة كلامه واضح إنه شخص طيب .
سمعة : إن شاء الله ، شكرا يا دكتور.
الدكتور : عفوا، هذا واجبي 'مشى'
بسام 'شافلي' : أدخليله، توا أحنا بنمشوا لمحمد و نجوك.
أنا : تمام 'فتحت الباب و مشيت قعمزت جنب وسام' .
وسام : شن صارلي؟
أنا : حادث بسبط يا عمري.
وسام 'حط يده على رأسه' : اها به.
أنا : تحس بوجع؟؟
وسام : أي في رأسي.
أنا 'حطيت يدي على يده و قعدت نقرى في قرآن'
وسام 'إبتسم و قعد يشوفلي' : نحبك أنا.
أنا 'إبتسمت'
وسام : هئحم ، عرسنا الأسبوع الجاي.
أنا 'شهقت ، باعدت يدي و شفتله' : لا لا.
وسام 'رفع حاجبه' : علااش؟
أنا : مزال عندي هلبا حاجات مش كاملة.
وسام : مش قلتي كملتي كل شيء؟
أنا "بإرتباك" : اه ، اي .. قصدي لا.'وقفت و لفيت' .. بنطلع شويا.
وسام 'شد يدي و جذبني ليه' : خايفة مني؟؟
أنا 'قعدت متجمدة و مصدومة'.
وسام 'ضحك' : حلو منظرك من قريب.
أنا 'نزلت عيوني بتوتر' : اا... باعد .
وسام : و كان قلت لا؟
أنا 'حسيت بدقات قلبي قوية لما حط يده على ظهري و قعد يضحك' : و ... وسام!
وسام : نعم؟
أنا : خليني نمشي.
وسام : أعطيني سبب مقنع.
أنا : إنت وعدتني.
وسام 'تأفف و طلقني' : به 'لف وجهه و غمض عيونه'
أنا 'قعمزت و قعدت نشوفله' : خيرك.
وسام : شيء.
أنا 'تأففت' : تو علاش جو الزعل هذا؟! .
وسام 'حط يده على وجهه' : أطلعي هلال.
أنا 'شفتله بصدمة' : شنو؟
وسام 'شافلي' : زي ما سمعتي.
أنا 'وقفت' : تمام، بالسلامة.
وسام : قلت أطلعي مش روحي.
أنا 'ربعت يديا' : واللهِ ؟
وسام : كلامي واضح .
أنا 'رفعت حاجبي' : يا نقعد أهنا يا نروح.
وسام : تعاندي؟
أنا : سمِّيه زي ما تبي.
وسام : قعمزي.
أنا 'جذبت الكرسي و قعمزت'
وسام 'فتح تليفونه و قعد يتصل' : ألو ... شن جوك ... إسمع نبيك تجيني ضروري ، أنا توا في مستشفى الـ&٪-: ... تمام نستنى فيك.'سكر التليفون و شافلي' ... تعالي أهنا.
أنا : منبيش.
وسام : تي تعالي مش حندير شيء.
أنا : إحلف.
وسام : والله.
أنا 'قعمزت جنبه' : شن تبي.
وسام 'حط يده على كتفي' : أسف على الموقف اللي صار قبل شويا و أسف لو جرحتك بالكلام كنت مضايق.
أنا 'رسمت ملامح الحزن على وجهي' : أصلا إنت ديما تجرح و تقول سامحيني .
وسام 'ضحك' : شنو سنفورتي زعلانه؟؟
أنا 'عقدت حواجبي' : مبردك.
وسام 'شد خدِّي' : والله زي الصغار.
أنا 'فتحت عيوني بصدمة' : مصح وجهك.
وسام 'ضحك' : آسف .. قصدي بريئة هلبا.
أنا 'إبتسمت' : و إنت البرائة مش فايته عليك بكل.
وسام : تاافهه الزفت.
أنا : يا كيوت.
وسام : مصحك .. شن كيوت هاذي؟
أنا :  والله كيوت ، بدات غمازاتك.
وسام : تحشمي شويا .
أنا : خطيبي و بعد شهر راجلي.
وسام : بعد أسبـوع .
أنا : رجعنا لنفس الموضوع.
وسام : اي بعد أسبوع را.
أنا 'تأففت' : به به.
وسام : خاطري نعرف علاش مش عاجبك.
أنا : وااك تي شن نقول أنا في كل مرة نفتحوا فيها الموضوع.
وسام : باهي أعطيني وقت نفكر .
أنا : واللهِ
وسام 'ضحك' : آي خلي نفكر نديره الأسبوع الجاي ولا لا.
أنا : برااحتك .
وسام : أكـ .'تلفتنا على صوت فتح الباب'
إبراهيم : السلاام  عليكم.
وسام : وعليكم السلام .
إبراهيم 'قرب وسلم على وسام بعدين شافلي' : أهلين.
أنا : أهلا 'وقفت و لفيت حتى نمشي'
وسام : خليك أهنا.
أنا : تمام 'خذيت الكرسي و قعمزت بعيده عليهم شويا'
إبراهيم : الحمدلله على سلامتك.
وسام : الله يسلمك ، إسمعني .. نبيك تجيبلي كل المعلومات على جواد الـ-&&.
إبراهيم: تم يا صقر، الليلة  يكون عندك ملفه كامل.
وسام : و في وحده حتى هيا نبي كل معلوماتها، إسمها جنان -&&-:
إبراهيم : ميا ميا ، الليلة ملفاتهم يكونوا بين يديك.
وسام : تو كان حد قالك يبي معلومات عليا هكي إدير ؟
إبراهيم : عيب عليك، أنت منّا و فينا مستحيل تطلع أي معلومات عليك و إنت كنت تخدم معانا و ..
وسام 'قطع كلامه' : باهي فهمنا .
إبراهيم 'وقف' : حقى يسلم عليك الآمر و قالك خلينا نشوفوك.
وسام : بالله أطلع قبل ما تفضح جدي .
إبراهيم "بإستغراب" : كيف؟
وسام : إقلب وجهك بالله .
إبراهيم 'ضحك' : مقبولة منك يا طيري.
وسام : أنا مش طير حد، أطلع ساد.
إبراهيم : باهي خلاص 'لف و طلع'
وسام : مختِّش .
أنا : ملل.
وسام : تعالي قوليلي شن أكثر أسماء تحبيهم.
أنا ' قعمزت جنبه' : وحتى إنت بتقولي را.
وسام : أكيدة .
___________________________________________________