عيـــلتنــا ((باللهجه الليبية))

البارت التاسع و الثلاثون (2/19)

#عيلتنا
.
.
.
.
سمعة : لو ما تعقمت صح و بعدها تخيطت ممكن يصيبه تسمم.
انا : و شن قاعد إدير ؟ عقمها صــح. مش مستعد نفقد خوي انا.
سمعة "بعصبية" : تي شن تحسابها لعبة هيا ؟ للمرة الثانية انقولك مكان الصاصة صعـــب صـ عـ ـبـ .
انا 'زفرت' : سمعة. انا نحمد الله في كل لحظة لإنه حي ... ما نبوا نفقدوه من جديد .
سمعة : إن شاء الله.
بسام 'فتح الباب' : هيا.
انا 'شفت لسمعة' : باهي لو تمت على خير .. كم ح يقعد في المستشفى.؟
سمعة : غدوا الصبح ... و كان تم تأثير البونج بسرعة. الليله يكون أهنا .
انا : به .. هي شباب هي. 'نزلنا و مشى سمعة و بسام و سالم في سيارة محمد. و محمود معاي'

محمود : اي حقا .
انا : شن في؟
محمود : شن صار في موضوع زياد .
انا : ذكرتني والله ... تو اليوم نكلم عمي .
محمود : مش قلت ما تبيه يكون زوجها؟
انا : اي .. لكن ما نقدر نقطع نصيب حد ... لو هيا ليه ح ياخذها سوا رضيت او لا.
محمود : باهي علاش ما تبيه؟
انا : تي... ما يتفاهم بكــل... و من الأخير صايع.
محمود : باهي كان حبها أكيد بيتفاهموا .
انا 'ضحكت بإستهزاء' : ملك و زياد ! زيت و ميا مستحيل يتفاهموا ... بعدين تبي تقنعني ان ملك لو زياد فرض عليها شيء تفذه؟؟ تي و الله لما تسكر رأسها .
محمود : إنت قول لخالي و في نفس الوقت قوللها علي تصرفاته قبلت هيا اللي بتحصل ما قبلت في هلبا غيره .
انا : إن شاء الله .
محمود : نبي نفهم حاجة ... تو سالم مش جانا خبر انه مات؟؟ كيف صار توا!
انا : اي سألته و قال ... كان معاهم واحد ثاني إسمه سالم .. الولد هذاكا مات و سالم تصاوب .
محمود : بالله ... وانت لما سألت قلتله إسمه كامل ولا؟
انا : كانو يحسابوا سالم مات ... و اللي أعطانا المعلومه الله لا يسامحه .
محمود : حلوة هاذي. يقولك انه ميت و هو ما متاكد.
انا : الله غالب.
محمود 'طلع تليفونه' : بالله خليني نشوف الكبيدة .
انا "بإستغراب" : خيرها؟
محمود : زعلانه ... الو ... كيف حالك توا ؟ ... تي خيرنا عااد ... غر لا لا ... تي أفهميني الصبر ... أي ما كذبتش انا ...'ضحك' به تو نروح إنـ ... سكرت .
انا 'ضحكت' : غر شن صاير ؟
محمود : على خاطر قلتلهم خلي تزعل نعرف كيف نراضيها ... قالتلي وريني كيف بتراضيني و سكرت .
انا 'ضحكت' : حي على محمود اليوم بيرقد في المربوعة .
محمود 'ضحك' : لا لا. ما توصلش بينا هكي احنا .
انا : إن شاء الله ... 'وقفت السيارة' : وصلنا .
محمود : هي .. ' نزلنا و درنا إجراءات الدخول لسالم ... دخله سمعه للعمليات و بعد فترة طلع سمعة'
انا : ها شني؟
سمعة 'إبتسم' : الحمدلله ... التعقيم ممتاز و الخياطة محكمة .
بسام : أمتى ينوض؟
سمعة : شويا و ينوض ... أعطيناه بونج خفيف لإنها مجرد خياطة.
انا : الحمدلله .
محمود : باهي من بيقعد ؟
بسام : خلي نستنوه كلنا وخلاص .
سمعة 'شاف للساعة' : به أصلا شويا و ينوض.
محمد : سمعة نسألك سؤال.
سمعة : شنو؟
محمد : شن إسم مرتك؟
سمعة 'رفع حاجبه' : شن دخلك.
محمد : غر شني هيا.
انا : هئحم ... ليـان.
سمعة 'شافلي بغيض' : مبرد جدك .
انا : بوك .
سمعة : تعالوا ننزللوا .
محمود : وين؟
سمعة : برا وين يعني.
محمد : و كان فاق ؟
سمعة 'شاف للساعة' : اممم ممكن صح .
انا : إمالا مش نازلين.
سمعة : به .. نمشي نشري ميا عطشت .
°به°
'نزل سمعة و أحنا قعدنا نهدرزوا ع العيد و الروتين اللي ماشيين بيه'
محمود : خلوا هاذي المرة نذبحو و نرفعوا للجزار.
انا : انا بنديره بروحي أول مرة نشري خروف.
بسام : خلاص إنت أذبح و أسلخ و أحنا نرفعوا الباقي للجزار.
انا : به .
محمد 'تأفف' : قصدك غدوا بإنوضوا بكري و بيبدأ جو التعب و التشحيط.
انا : اي ... من تواا أنا بنمشي مع بسام .
بسام : محمود أقعد بات اليوم.
محمود 'نط' : لااا لا .
انا 'ضحكت' : عاد نازلين في عناد كيف يفوتها .
بسام : هو ومني؟
انا : دانا ... إسمعوا شن رايكم غدوا إنديروا شوا ع البحر.
محمد : إحلم ... أمي إمالا بتوافق .
بسام : امالا نمشوا للحوازه إمتاع جدي.
انا : مقدمها بغبرتها .
محمود : خلاص معناها نمشوا .
سمعة: وين ؟
انا 'حكيتله'
سمعة : به عادي .
محمود : مزال ما ناض؟
سمعة : تو إنشوفه 'دخل شويا و طلع' ... فاق .
انا : باهي شني حاله؟
سمعة : باهي ... نقدروا إنطلعوه .
انا : ميا ميا. نمشي إنديرله الإجراءات و نجي إستنوني برا 'مشيت و درتله كل إجراءات الخروج و طلعت للشباب .. ولعت السيارة و إنطلقنا'
محمود : هاذي هيا المستشفى اللي خدم فيها سمعة؟
انا :بالله ... مثلا بيدخل لمستشفى و يدير عملية لمريض وهوا مخدمش فيها؟؟ وين عقلك!
محمود : باهي نسيت ... و شن صار بينك و بين هلال؟
انا : مصار شيء ... قاعدة زعلانه و مش معبرتني أصلا.
محمود : تستاهل ... إسمع اليوم إعترفلها خلاص.
انا : وكان ما رضت تكلمني أصلا!
محمود : لا ح تكلمك ... غر أعرف كيف تقولها مش تحط الكلمة و توفت الباقي.
انا : إن شاء الله .
محمود : ترا أخطم على محل هدايا .
انا : علاش؟
محمود : تي هيا .
انا : به 'لفيت و رجعت للمحل .. أول ما لفيت رن تليفوني' ... أيوا ... لا غر محمود يبي محل .. تمام به .'سكرت التليفون و نزلنا'
محمود : السلام عليكم .
: وعليكم السلام .
انا : شن تبي تاخذ؟
محمود : تحب الدباديب هيا.
انا : من هيا؟
محمود : دانا مني يعني .
انا 'ضحكت و تفكرت هلال' : به برا خودلها .
محمود 'إبتسم و مشى جهت الدباديب' .
انا 'درت لفه في المحل لين لقيت سلسلة. عليها W❤H ... إبتسمت و خذيتها ... مشيت دورت على خواتم عليهم حروف ... بعد فترة لقيتهم خديت واحد نسائي عليه حرفي و واحد رجواي عليه حرفها .'
محمود : شني كملت ؟
انا : أيه ..'مشينا و خلصنا ... ركبنا للسيارة، مر شوية وقت و وصلنا ... أول ما دخلنا لقينا الشباب و البنات مقعمزين في الجنان و واخذين مكسرات ... خلينا الأكياس في السيارة و قعمزت جنب سمعة و جى محمود قعمز جنبي'
انا : مقدمها اللمة هاذي .
ملك : لكن حلوة .
انا : أي .. ' قعدت نشوف لهلال وهيا مستكردتني .. تلفتت لسمعة' ... سمعه برا جيب الڨيتار .
سمعة "بإستغراب" : علاش!
انا 'إبتسمت و عليت صوتي' : في أغنية بـنغنيها بالك يحسوا شويا .
محمد 'صفر' : شن هيا ؟ بالك تمشي مع حالي حتى انا .
انا : أكثر شخص بالدنيا.
محمد 'إبتسم' : ع الجرح.
دانا : يا عيــني. وين كان هذا كله؟
أسامة : تبوا جرأة و صراحة إنتوا .
انا 'ضحكت' : زعما؟ .
حسناء : هيا سمعوو .
سمعة : باهي .. 'مشى'
سمعة 'قعمز و في إيده الڨيتار' : هي .
محمد : نبدى انا أصلا نبي الجزء الأول بس.
انا : به. 1 2 3 .. أبدى .
سمعة ' قعد يعزف بلحن خيـالي و رومانسي'
محمد : أنا أكثر شخص بالدنيا يحبك. و إنتي ما تدريـن .. و فيكِ أموت أنا و أحياا. من أول يوم لين الحين ... يا أجمل الأشياء و يا أغلى من نظيـر العين ... متى قلبك ! متى ممكن يصافح بالولاء قلبــي ؟ متى هالبال يتطمن على أحساسي وعلى حبــي؟ .. أبي هذا الغلا المعلن تعبت أحب و أخبـــي ײ
انا : تعالي بس يا أخت الغيم على جدار السماء نكتب حبايب في الغرام نهيـــم ، نحب نحب و ما نتعب يغازلنا المطر و الديم و ليــن أخر سماء نهرب .
انا& محمد : متى قلبك ! متى ممكن يصافح بالولاء قلبــي ؟ متى هالبال يتطمن على أحساسي وعلى حبــي؟ .. أبي هذا الغلا المعلن تعبت أحب و أخبـــي
انا : كذا أحنا كذا إثنين .. تحت صمت الحكي عشـااق من اللي يحب فينا ميـــن ؟ ... ومن اللي دايماً يشتااق؟ ، أنا أحبك أحبك و لين تضيق بحبي الأفااق ... متى قلبك ! متى ممكن يافح بالولاء قلبــي ؟ متى هالبال يتطمن على أحساسي وعلى حبــي؟ .. أبي هذا الغلا المعلن تعبت أحب و أخبـــي
' الكل قعد يصفق'
محمود : قويااا .
أسامة : بنمشي نشرب ميا 'مشى'
انا 'قعدت نشوف لهلال' : صح قوية ، لكن إن شاء الله وصلت .
هلال ' ناضت و دخلت'
محمود 'همس' : فرصتك .
انا : مزال.
محمود "بعصبية" : تي برا الهم.
انا 'ضحكت و نضت ، مشيت جهة المطبخ و قبل ما ندخل سمعت أسامة و هلال يهدرزوا'
هلال : أي و بعدين؟
أسامة 'إبتسم' : نحبك انا .. نحبك.
هلال 'ضحكت'
انا 'عقدت حواجبي بصدمة. قدمت شويا و شفت هلال في قمة السعادة ضغطت على سنوني و رجعت لجهة الشباب ... مريت من جنبهم و مشيت للملعب .. قعمزت و أنا مش مصدق آخر واحد توقعته يحبها .. شويا و حسيت بحد جنبي. تلفتت و لقيته محمود'
محمود "بإستغراب" : شن صار؟
انا : تحب .. هلال تحب واحد غيري.
محمود : شني ؟؟ شن تخرف انت!
انا : تحـببب تحب أسامة .
محمود : امتى صار ومن قالك؟
انا : سمعته بـوذني يعترفلها ... كانت في أقصى درجات الفرح 'ضربت رجلي ع الأرض' ...مجرد التفكير بانها تحب غيري ننحرق من داخل.
محمود "بعصبية" : وساام بلا لعب مفرخ. هيا تحبك و ما تحب غيرك و اكيد فاهم الموضوع خطأ. و أصلا علاقة هلال بأسامة زي علاقة الخوت و انا متأكد من هالكلام تحببك البنت تحبك .
انا : و شن يأكدلي؟
محمود 'وقف' : لا لا إنت اكيد أعمى ولا إدير في روحك أحول ... تي ما في حد في العيله ما يعرف ان هلال تحبك إلا الغبي اللي هو انت ..... تي من أول ما عرفتها. عرفت انها تحبك. برا أسإل البنات و تو هما يأكدولك .... 'تنفس بقوة' ... وسام. هلال مش ح تلقى خير منها ... رغم كل اللي صاير بينكم تحبك ... البنت ما تخلت عن حبك ولا دقيقه ... بالله حط عقلك في راسك و برالها .
انا 'إبتسمت' : به ...' مشيت و لقيتها واقفة ع الجسر و تشوف للنجوم إبتسمت و وقفت وراها' .. عجبوك؟
هلال 'لفت بتمشي'
انا 'شديتها من يدها' : هلال .. إسمعيني بالله.
هلال 'لفت و شافتلي بـبرود' : أعطيني سبب واحد يخليني نسمعلك.
انا 'شفت لعيونها' : الحب .
هلال 'ضحكت' : كان موجود ، اما توا. إختفى.
انا : ممكن حبك إنتي أختفى. لكن حبي لا .
هلال "بإستهزاء" : اما حب بالله!
انا 'إبتسمت' : هلال أنا نحبك ... نعشقك و نموت فيك .... أفهميني بالله مش ناوي نحب غيرك هلال ، آسف على كل شيء لكن سامحيني.
هلال 'لفت وجهها للجهة الثانية'
انا "بحنان" : هلال .. صدقيني نحبك ، ما تحسي بالوفاء في صوتي؟ .. ما تشوفي في الحب في عيوني !! ... شوفيلي هلال.
هلال 'شافت لعيوني و بعدها نزلت راسها'
انا : تحبيني؟
هلال #####
انا : ######
______________________________________________