عيـــلتنــا ((باللهجه الليبية))

البارت السابع و الثلاثون (2/17)

_______________________________________________

بعد أسابيع .... (يوم الموسم)..

وسام ﴾﴾﴿﴿

'نضت على صوت أمي تنادي عليا ... رديت عليها و مشيت توضيت و صليت غيرت دبشي و لبست سوريه رصاصيه و سروال أسود. درت شوية مسك و لبست ساعتي و طلعت ... صبّحت على أمي و بوي. و مشيت طقيت على بسام '
انا : بيســوو هي نوض سادك .
بسام 'بصوت عالي' : وســام برا ألهى في روحك .
انا 'طقيت مرة ثانية' : لا نوض هيااا ... نوض سادك نووم عندنا خدمة اليووم .'ضحكت'
بسام :باهي لحظة.
انا : به ... انا واقف اهناا نستنى .'وقفت نستنى فيه لين طلع'
بسام 'سكر الباب' : مبسلك را ... معاش تعاودها اللقطة هاذي. مش راقد بروحي انا .
انا 'ضحكت' : عادي هويدا متعودة عليّا.
بسام 'ضحك' : زي الحق .
انا : باهي صيام .
بسام : الله .. يا سبحان الله .
بوي : امتى بتكبروا !
انا : شن مزال ؟ .. اهو شوية شهور و بسام يولي أب .. 'ضحكت'. معاش يبدى في فرق بينكم .
بوي : مصحك .. تو تقارني انا بيه .
انا : عادي. انت وياه أبآء.
بوي : اي لكن انا أب قديــر و ليا قدر وهيبه.
انا 'غمضت عيوني من كثر الضحك' : قصففف.
بسام : هذا هوا انت. دير الفتنه و أضحك.
انا : صقع عليك .
بسام : مش عندنا خدمة!
انا : مني؟
بسام : احنا.
انا 'ضحكت': اي لكن مش توا .. غر كنت نبيك تنوض .
بسام 'ضغط على يده' : بيركبني الضغط منك اليوم .
انا : تو بكل عقلك ... تو كان عندنا خدمة بنلبس هكي؟
بسام : وخيرها لبستك؟
انا : لا لا ... ح نلبس رسمي.
بسام : اللي يسمع يقول ديما تلبس في بدلات رسميه.
انا : مخصكش... خاطري نكلم محمود.
بوي : خلي الناس في حالها .
بسام : هذا إمسمينه قاطع اللحظات الرومانسية .
بوي 'ضحك' : صار هكي .
انا : منكد عليهم عيشتهم 'طلعت تليفوني و إتصلت بمحمود'
محمود : ايوا.
انا : صباح الخير.
محمود : صباح النور.
انا : شكلك ناشط اليوم .. فايق بكري.
محمود : انت تعرف الساعة كم؟
انا : جو 9 هكي.
محمود 'ضحك' : الـ2.
انا 'شهقت' : إحلف !
محمود : والله .
انا : بسرعة بسرعة عندنا خدمة.
محمود : هئــحم .. عريس انا .
انا : اي صح نسيت ..، باهي سلام توا 'سكرت التليفون و خديت اللابتوب و مفاتيح السيارة و نزلت .. صبحت على الكل و قلت لسمعة ان عندنا خدمة ... مشيت انا و بسام للسيارة .. قعدنا نستنوا في سمعة شويا ما بين ما سخنت السيارة جى سمعة و مشينا للخدمة'
_______________________________________________

هلال ﴿﴿﴾﴾

كنا مقعمزين في الجنان شوية و طلعوا بسام و وسام .. انا تجاهلت وسام تماما و ما عبرته ... وقعدت نهدرز مع البنات .

حسناء : كان انقوللكم مني اللي يبعتلي في الورد و الهدايا .
°مني°
حسناء "بإستهزاء": رامي.
روان:وبالك مش عاجبك.
حسناء:مش عاجبني عندك مانع!
رزان:وخيره خوي بسلامته. ميه وحدة تتمناه.
حسناء: لا مشاء الله خوك غير يسكر و يشرب و يعاكس بس.
انا 'ضحكت' : والله .
روان 'دخلت'
ملك : ضحكتيني الصراحة .
حسناء : هذا ما ناقصني رامي.
رزان 'تأففت و دخلت'
ملك : والله جاهم قصف قوي.
حسناء : كلام الحق.
انا : يا بنات شن جو ميس؟
ملك : مش بخير بكلل .
حسناء : يارب فرج عليها .
انا : سخفتني و الله .
ملك : وسام قال ان اليوم بيقول لمحمود يجيب دانا و احنا نركبو لحوش عمي وائل. نغيرولها جوها .
انا 'رفعت حاجبي' : و علاش حوش عمي وائل !
ملك : وسام قال بيديرلها مفاجأة .
انا : اممم .
حسناء : حقى ... خيرك انتي و وسام؟
انا : خيرني؟
حسناء : حسيتكم متعاركين .
انا 'ضحكت بإستهزاء' : تي هو شن في بينا حتى نتعاركوا .
حسناء 'شافت لملك بإستغراب'
انا : هي ندخلوا نساعدوا النساوين.
ملك : هي .. 'نضنا و قعدنا إنظفوا في الحوش و كل وحدة قعدت إدير في حاجة. مر الوقت بسرعة. وكانت الساعة 7:30 .. مشينا قعمزنا في المربوعة و قعدنا نهدرزوا'
ملك : شن رايكم إندير لقطة و إنتوا قولوا في مني إنقلد .
°به به°
ملك 'شدت تليفونها و حطت رجل على رجل بطريقة رجوليه'
حسناء : حساام .
ملك 'ضحكت' : صح .. اممم 'حطت رجليها فوق الطاولة و شبكت يديها وراء رأسها'
انا 'ضحكت' : وسااام.
ملك : صــح ... باهيي 'إتكت ع جنب و حطت رأسها على يدها و شدت التليفون بيدها الثانية'
مرام : اا .. محمد
ملك 'ضحكت' : صح.
مرام 'هزت رأسها بلا و أشرت خلف ملك' : محمد.
ملك 'قعمزت و تلفتت' : اه ... شن جابك!
محمد : بالله ... تقلدي فيا صار.
ملك 'بلعت ريقها' : مش قصدي.
محمد 'ضحك' : باهي به ... هي أطلعوا خلى إنقعمزوا احنا اهنا .
حسناء : به .. 'طلعنا و قعدنا إنجهزوا في الطاولة .... كملنا تجهيز و قعد ع المغرب 3دقائق. نادينا ع الشباب و في نفس الوقت جوا وسام و بسام و سمعه و بعدهم بشوية جى حاتم و محمود و دانا... قعمزنا كلنا في حالة صمت. و نستنوا في الأذآن .. شويا و آذن المغرب حلينا صيامنا و بعدها ناضوا الولاد صلوا و أحنا قمنا الحلويات و حطينا العشى ... كملوا الصلاة و رجعوا للطاولة حتى يتعشوا.'
محمود : ذكرتوني في رمضان .
حاتم : اي حق.
وسام 'قعد يشوف لكرسي سالم' : لكن المرة هاذي مختلف هلبااا .
انا 'شفتله و لمحت الإنكسار في عيونه .. تجاهلته و قعدت نتعشى'
وسام 'وقف' : انا شبعت 'طلع'
محمود 'شاف لبسام و سمعة'
سمعة 'هز كتافه' : الله غالب.
'قعدنا نتعشوا و بعدها قمنا المواعين و النساوين غسلوهم .... ركبنا لحوش عمي وائل و لقينا وسام يستنى فينا. وجايب هدايا لميس ... إتفقوا معاه و انا قعدت نسمعلهم بس ... جى الوقت اللي دخلت فيه ميس ... فاجأناها و كانت الفرحة واضحة في عيونها ... حضناها و عطاها وسام الهدايا .. فتحلنا البلستيشن و قعد يعلم فينا كيف نلعبوا و فجأة ######

شن رايكم ❤❤ كتبته تواا على خاطركم ..