#عيلتنا
.
.
.
.
وسام : عادي .. ممكن.
انا 'ابتسمت و نزلت عيوني خوف انهم يفضحوا مشاعري اللي كاتمتها ليا سنين و خوف اني نضعف امام نظراته الحادة و الرومانسية'
ميس 'صفقت' : اوووو.
ملك : ايواا هذا هو الجواب .
دانا 'ضحكت' : حي هلال بتنفجر من الفرحة .
وسام 'رفع حاجبه' : زعماا!
انا *لحظتها ما قدرت نرفع عيوني ابدا و توترت'
حسناء : حي حي خدودها طماطم 'ضحكت'
وسام 'ابتسم' : هي سلامات توا .. البنت بتنخنق.
ملك : غر بالشويا علينا .
وسام 'ضحك' : باهي به تو نتفاهموا .
دانا 'ضحكت': عاد ما عندك ما ادير توا .
حسناء : تو كان ضايقتنا نخبروا هلال تتصرف معاك .
وسام 'ضحك' : ايااه .. لا كان هكي معاش انضايقكم بكل.
ميس : ايوااا شوفي يا هلال كيف يعزك .
انا 'ابتسمت': تي الولد يبصر عليكم خلااص.
وسام : مرات ما نبصر عليهم مرات حق .
انا 'رفعت عيوني و شفتله'
وسام ' شافلي و ابتسم '
دانا : لاا خطيرة النضرات هاذي .
ملك 'بإنسجام' : في هذه النضرات الف كلمة و كلمة تحكيها العيون لكن صعب تفسيرها .
وسام ' شاف لملك' : صح .
ميس : باهي احذفلنا شعر جميل هكي .
وسام : اياه عاد.
حسناء : هيا هيا .
وسام 'شاف لعيوني ' : عليها عيون تهز القب هز من نشوفها قلبي بسرعة يفز .. يا ناس ساعدوني شني الحل ؟ من ابتسامتها مستحيل انمل ... و لا كلامها اللي ينقط عسل .. فيها 100 شبه من القمر ... نعترف بنظرة منها ما نعرف الحلو من المر ... حبها في شريان قلبي يمر ... و عليها عيون تهز القلب هز من نشوفها قلبي قلبي بسرعة يفز .
ملك : يااااي.
دانا : حي حي وسام بدى يقول في اشعار.
حسناء : الله على الغرام الله .
انا * لحظتها ما عرفت شن اندير قعدت ساكته و متوترة و خلاص😶*
وسام ' هي سلام توا .. بنمشي نحضر المبارة .
°سلام°
انا 'سكرت التليفون و ركبت لداري طول'
-----------------------------------------------
وسام ﴾﴾﴿﴿
سكرت التليفون و اول ما تلفتت لقيت محمود واقف يشوفلي و رافع حاجبه اليمين .
انا : خيرك ؟
محمود 'ربع يديه' : من امتى الحب هذا ؟
انا 'ابتسمت' : مندري .
محمود : عموما .. كان بتحبها خير ما اخترت الحق .. ماشيين مع بعض.
انا 'ضحكت' : خلاص يا راجل .. مش ناقصك .
محمود : صدقني قلبك يحبها لكن انت تكابر.
انا : محمود سكر الموضوع .
محمود : احسن فرصة جاتك يا برو .. بنت عمك و تعرفها زين .. ربي عوضك باللي عشته في حبك القديم ... فكر في الموضوع كويس .'طلع'
انا * قعدت واقف و مستغرب للحظات ..' زفرت بتفكير و غيرت دبشي و طلعت انا و محمود حتى نحضروا المبارة '
مر الوقت و رجعنا للفندق ... اول ما دخلنا قعمزنا في الصالة و فتحنا الستار ... طبعا محمود قعد يتأمل في البحر و انا اتكيت في الجلسة اللي جنبه .
محمود : ما تغديناش احنا ولا ؟
انا : لا لا .
محمود : باهي نطلبوا حاجة من برا ؟
انا "بكسل": مش خاطري .
محمود 'شافلي' : به قعمز تو انوض انطيب حاجة ناكلها 'ناض' : تعرف كان ادير ما ادير ما ح نعطيك منها 'مشى للمطبخ'
انا "بهمس" : داير احرف من دانا 😏
مر شوية وقت و محمود في المطبخ و صوت الزيت . جاني فضول نعرف شن ايطيب ' ابتسمت و شديت تليفوني فتحت فيديو و مشيت للمطبخ و انا شاد ضحكتي ' .. ' قعدت نصور فيه و هوا ما يعرف ولا حاول يتلفت ابدا.. سكرت الفيديو و بعدها نشرته في الفيس و الانستا و انا ميت من الضحك'
محمود : خيرك !
انا : ا لا شيء غير قريت نكته .
محمود : اها به 'رجع للمطبخ'
انا : تو تجيه الصدمة 'ضحكت'
شويا و سمعت صوت محمود ينادي عليا .
انا : حي حي شكله عرف 'مشيت لداري و درت روحي راقد 😂'
محمود 'فتح بقوة' : وسااام .. 'قعد يهز فيا' نوض نوض توا مداير روحك راقد.
انا "بكسل" : هاا.. هكي تنوض واحد راقد!.. 'غمضت عيوني' خير بلاك؟
محمود ' فتح تليفونه ' : شن هذااا اه ؟
انا 'فتحت عيني اليسار و شفت الفيديو .. و انفجرت ضحك'
محمود 'خدى وسادة و بدى يضرب فيا ' : يا باارد امسحه توا تواا فضحتني يا درااه.
انا 'شديت جنابي من الضحك' : تي خلااص هههه.
محمود ' حذف الوسادة ' : تي والله لما تندم لما نوريك البصارة على اصولها 'طلع'
انا : احلف لغدوا الصبح .
_______________________________________________
أنت تقرأ
عيـــلتنــا ((باللهجه الليبية))
Teen Fictionرواية ليبيه تحكي عن صغار عم والحب اللي ترعرع بينهم و المشاكل العائليه و الهياجات و المقالب اللي داروها وماعمرهم ما دسو على بعض حاجه 😍 1# - طرابلس #1 - بنغازي #1- ليبين 2# - ليبيه #2 - رومنسيه 4#- ليبيا هاذي هيا العيله ... #عيلتنا 💙 للكاتبة...
