هلال﴿﴿﴾﴾
كنت امقعمزة في داري و انفكر في وسام و هل ح يجي يوم و يحبني ولا هذا مجرد وهم ! ..
قطع تفكيري صوت البنات يضحكوا بقوة ... فتحت الباب و نزلت 😄
ملك : تعالي لحقي يا هلااال 'ضحكت'
انا : شن فيي ؟
ميس : تعالي تعالي .
انا 'قعمزت جنب دانا ' : شنو ؟
دانا : افتحي الانستا و لا الفيس .
انا : علاش؟
حسناء : افتحي بسرعة.
انا 'فتحت الانستا ' : شن في؟
ملك : درتلك تاق على فيديو بري شوفيه .
انا : به ' شفت التاق و فتحت الفيديو ' : ااااه .. محمود ! ' ضحكت'
ميس : طلع فالح مشاء الله 😂
ملك : لا و فاتح اغاني و جوه مليح .
انا : مستحييل 😂
ملك 'شافت لي تليفونها ' : من هذا ؟
انا & حسناء : خيرك ؟
ملك : في واحد مدايرلي فولو .
ميس : مش جديدة عليك .
ملك : خلي انقصقص على صفحته .
دانا : بري قصقصي 😃
ميس 'قعمزت جنب ملك ' : بنشووف .
ملك : اهي كيف انفتحت .'سكتت'
ميس : او مااي قاااد .
ملك & ميس : الطررف .
دانا : منووو!
ملك 'وقفت' : حي حي الطرف هذاكا.
ميس : وااي اللي يعجبك يبعتلك طلب.
دانا: تي منهواا؟
ملك 'فتحت صورته و لفت التليفون لينا' : هواا هواا.
انا : من الحلو هذا ؟
دانا 'شهقت' : اااه يا ربيي لا لا مستحيل .
حسناء : وين طايحه فيه يا بنت؟
دانا : حي علياا اناا.. زياااد!
ملك : امتاع رمضان هذاكا .
دانا : اي اي زياد .
ملك: جذبني ما شفت مثله قلب عقلي عقل طفله .. صرت اتبع اثر رجله و ابووسه .تمنيته رجل بيتي و اموتن يمه تاليتي . يزفوني اله امنيتي عرووسه
دانا : غر لا لا .
ملك 'قعمزت' : خلي انكمل قصقصة .
ميس : تعالي جااي .
ملك : هي خلي انكملوا صفحته كلها.
ميس : هيا .
انا : تي وينه حاتم هوا !
حاتم : جيت 😑
دانا : و اخييرا .
حاتم 'قعمز' : وه تعبت .
حسناء : وين الغدى ؟
حاتم : في المطبخ .
انا : به .
حاتم 'طلع تليفونه و اتصل ' : ايواا وسام.
وسام : شن تبي ؟
حاتم : غر رد باهي انت.
وسام : والله ما خاطري الحق.
حاتم : المهم ... فتحت الشركة اليوم و استلمت السيارات .
وسام : به مليح .. وشن تاني ؟
حاتم : جت وحدة و سألت عليك .
انا ' قعدت نسمع بتركيز '
وسام : مني ?
حاتم : مندري .. مش ليبية را .
وسام : باهي من وين؟
حاتم : حسيتها تركية .
وسام : اااه اي اي عرفتها .
حاتم : اعطيتها رقم تليفون الدراه هذاكا .
وسام : ادوي باهي العفو من الدراه ؟
حاتم : تي البريطاني مندري شن اسمه .
وسام : باهي به عرفته .
حاتم : به .. هي سلام توا.
وسام : ڦورو ڜوروڗ .
حاتم : شني ؟
وسام : سلام سلام 'سكر'
انا : شن اسمها؟
حاتم 'شافلي ' : من هيا ؟
انا : اه لا حد . انكلم في دانا بس.
حاتم : اممم 'طلع'
ميس : يا بنات .
°نععم°
ميس : كلمولي محمد .
دانا 'شافتلها' : و الله عنده الحق ما يكلمك .
انا : دانا انتي و محمد فاهمين القصة خطأ.
دانا : امالا شن الصح ؟
ملك : الولد يكلم في ميس و هيا ما ترد عليه و اكثر من مرة دارتله حظر و يتصل بيها برقم تاني .
دانا : اي و بعدين ؟
ميس : و الله يا دانا ما نعرفه و لا عمري كلمته .. انتي اكثر وحدة تعرفي اني نحب سالم و مستحيييل انخونه و لا حتى نفكر في هذا الشيء اصلا .
دانا 'ابتسمت' : اصلا واثقه فيك ' حضنتها'
حسناء : ربااابييييي هووو رباااابيييي .
ميس 'ضحكت' : مبردك .
انا : اي من بتكلم محمد؟
ميس : كلميه هلال.
انا : لاا لااا ممكن يحذفني بالشبشب ... اصلا عمره ما عدل عليا .
دانا : تكلمه ملك .
ملك : علاش انا ؟
دانا : لانه عمره ما رفضلك طلب ... و اصلا محمد يعزك .
ملك : امبااه تو انكلمه .
ميس : تواا بالله .
ملك ' ناضت' : به ماشيه ' طلعت '
انا : الساعة كم ؟
حسناء : 2 ,
دانا : معناها توا بيجو البنات.
انا : حسناء بري كلمي فاطمة و عائشة .
ميس : اي قالوا بيضموا حوشهم و بينزلوا.
حسناء : نمشي انكلمهم ' مشت'
ميس : ياا رب محمد يفهم 'سكتت بصدمة' : زعما كلم سالم ؟
-----------------------------------------------
عند ملك ..
مشت للملعب وين ما مقعمزين لولاد و اول ما وصلت الولاد كلهم سكتوا .
ملك : حييي شن كنتوا تقولوا ؟
اصيل : كلام ولاد .
ملك : اممممممم.
اسامة : شن تبي ؟
ملك : شن خصك انت ؟
رامي : تي شن تبي هيا ؟
ملك 'شافت لمحمد' : نبي محمد .
محمد 'بإستغراب' : علاش ؟
ملك : تعالى نبيك في موضوع مهم .
ايمن : انت يا مواضيع .
حسام : اقووى.
محمد 'ناض' : خلاص اسكتوا .' مشى لملك و قعدوا يتمشوا '
محمد : هئحم .. اي و بعدين ؟
ملك : اا.. بنكلمك في موضوع مهم .
محمد : به شن هوا ؟
ملك : ميس .
محمد 'تغيرت ملامح وجهه ' : سكري الموضوع.
ملك 'وقفت' : يا محمد اسمعني قبل .
محمد : ملك ما تعصبينيش سكري الموضوع .
ملك : مش ح نعصبك غر اسمعني بس .
محمد ' لف بيمشي'
ملك 'شدت يده' : محمد .. كان تعزني استنى .
محمد 'لف' : تكلمي هي .
ملك : انت فاهم الموضوع غلط .. ميس ما تكلم في الولد بكللل و كل ما يتصل اتسكر عليه ... و دارتله اكثر من مرة حظر لكن قعد يتصل بيها بأكثر من رقم لين سجلاته حتى تعرف رقمه .. صدقني يا محمد را ميس مستحيل ادير شيء زي هذا و لا تخون سالم ابدا .
محمد 'شاف لملك : يعني ظلمتها !
ملك : ايه و جرحتها .
محمد 'حط ايده على وجهه' : مشكلتي لما نعصب ما نتحكم بأعصابي .
ملك "بإستغراب " : شن تقصد .
محمد : قصدي انا جرحت قلبها و ما حسيت بيها .
ملك : المهم انك ما كلمت سالم صح ؟
محمد ' شاف لملك ' : ####
ملك: ####
-----------------------------------------------
وسام ﴾﴾﴿﴿
كنت امقعمز انا و محمود في الصالة بعد ما تغدى محمود و تصالحنا 😂 ..
محمود : وسام .
انا : اها ؟
محمود: عادي تعطيني سماعاتك !
انا "بإستغراب" : وين سماعاتك ؟
محمود : لا نبي امتاعك اللي بالبلوثوث .
انا : به 'حطيت تليفوني و مشيت جبت السماعات ' : هاك .
محمود ' خذى السماعات' : حقى .. عرفتها اغنية عافيتي ؟
انا : امتاع ستار سعد ؟
محمود 'ركب السماعات ' : ايه .
انا : به خيرها ؟
محمود : اعرفته المقطع الاخير هذاكا؟
انا : امم . اها .. بوس خدي وراح او,,
محمد 'قاطعني' : اي اي ابعتهولي في رسالة ترا .. بنفتح الاغاني توا .
انا : به . ' فتحت تليفوني و قعدت نكتب في الكلمات و انا نتذكر في اللحن ... بعتت الرسالة و تلفتت لمحمود واشرتله وصلت؟ '
محمود 'وقف الاغاني ' : ما وصل شيء .
انا : كيف ؟
محمود 'مد يده' : ترا خلي انشوف .
انا ' مديتله التليفون' : اهوا .
محمود 'فتح على الرسائل و شافلي ' : حي حي .
انا : شني ؟
محمود : #####
انا : #####
-----------------------------------------------
شكرا على تفاعلكم هلبااااا 😍
و الله صرتوا جزء مهم من حياتي ❤💚 و عندكم الحق تشكوا من التأخير و قصر البارت لكن بإذن الله ح نرجع كيف قبل و ما ح نتأخر و بنطول البارت لان الحمدلله الظروف تحسنت و النفسية رجعت كيف قبل 💛💙
و شكرا لكل من تفاعل و اعطاني رأيه و دعمني ولو بكلمه طيبه 💛💕
#حنين_الشوق
YOU ARE READING
عيـــلتنــا ((باللهجه الليبية))
Teen Fictionرواية ليبيه تحكي عن صغار عم والحب اللي ترعرع بينهم و المشاكل العائليه و الهياجات و المقالب اللي داروها وماعمرهم ما دسو على بعض حاجه 😍 1# - طرابلس #1 - بنغازي #1- ليبين 2# - ليبيه #2 - رومنسيه 4#- ليبيا هاذي هيا العيله ... #عيلتنا 💙 للكاتبة...
البارت السابع و العشرون (2/7)
Start from the beginning
