عيـــلتنــا ((باللهجه الليبية))

البارت العشرون (الأخير)

وسام ﴾﴾﴿﴿
نضت على صوت الباب يدق فتحت عيوني بكسل و انا نسمع في صوت التكبير مالي الدنيا تلفتت للمنبه لقيت الساعة  5:30 الفجر .. نضت و مزال صوت الباب .. ابتسمت و عرفت انه بسام فتحت الباب و عيوني مسكرات و من غير نيه: خير بلاك ؟.. فتحت عيوني ببطء و شفت بوي .. سكرت الباب لا اراديا قعدت انحك في عيوني .. و فتحت الباب من جديد لقيت بوي واقف و متعصب للمليون..د 'إبتمست إبتسامة عريضة ' : صباح الورد و الفل و كل سنة و انت طيب 'بست راسه '
بوي 'ضحك' : كل عام و انت بخير .. نوض صلي الفجر ..و اقعد صاحي مش ترقد.
انا : امتى صلاة العيد ؟
بوي : هييه يا بابا هي ... مزال ما تعرف امتى صلاة العيد.
انا : اه.  .. اااه تذكرت تمام تمام.
بوي : به امتى هي.
انا : لما يأذن الجامع.
بوي : الله. يا سبحان الله ...تنكت انت ؟
انا 'هزيت راسي بنفي '
بوي 'رفع حواجبه بملل' : به برا توضى و صلي .
انا : باهي به ...
مشيت توضيت وصليت و قعدت انفكر امتى صلاة العيد تلفتت لتلفوني و اتصلت بمحمود ... وعلى ما يبدوا نوضته من نومه.
محمود "بكسل" : هـــمممم.
انا : صباح الخير.
محمود : مش صباح النور ... شن تبي؟
انا : امتى صلاة العيد.
محمود: مصح وجهك باهي تو متصل بيا و منوضني من النوم باش تسأل على صلاة العيد.... الساعة كم توا؟
انا : 5:45 .
محمود : اممم ... (محمد امتى صلاة العيد ..). اسمع راهوا من الاخير ما شرينا تقويم السنه هاذي را ... كان عرفت امتا ابعتلي رسالة.'سكر الخط'
انا تلفتت و لقيت تقويم معلق على الباب من الدخال ركزت فيه و لقيت الصلاة الساعة.  6:15   بعت رسالة لمحمود و درت دوش ع السريع لان ما في وقت و ساويت لحيتي و شعري بمكينت الحلاقة .. غيرت و لبست الزبون الجديد لونه زي الكراميل .. درت من العطر الجديد و كانت رائحته خيــاال و مركزة  و لبست الساعة هذيكا ... و قفت قدام  المرايا و انا انتمتم في اغنية  تركية ختمت الوقفة بغمزة و فتحت الباب و طلعت بكل نشاط وقفت قدام باب بسام.
انا : بيســـووو هيا اطلع بسرعة الصلاة .
بسام 'فتح الباب و كان لابس زبون أسود' : منين النشاط هذا.
انا : صقع عليك .
بسام : ميا ميا يا برو ..'حط ايده على كتفي' .. جنتل من يومك.
انا : عارف .. ' مريت قدام دار سالم إبتسمت و كملت لين وصلت للصالة لقيت بوي يستنى فينا '
بوي : هي بسرعة عمامكم يستنوا .
بسام : هيا .
فتحت الباب وطول سمعت صوت الرجاله و الشباب يهدرزوا  نزلت و تلاقيت مع الصيد في الدروج سلمت عليه و وصلت للشباب.
عيدت عليهم كلهم و على عمامي و مشينا للجامع مع بعض .
سيارة محمود . انا  و الصيد .
سيارة سمعة . بسام و عبدالمالك و محمد.
سيارة رآمـي. عمي محمد و عبد العزيز .
وعمامي ما نعرف المهم ركبوا و مشينا للجامع .
_____________________________________________
هلال ﴿﴿﴾﴾
نضت على صوت امي تنوض فيا تلفتت لسـآع‏‏هہ لقيتهہ‏‏آ 6:30 آنصـدمـت.
امي :هي نوضي مش بتمشي لبنات عمامك.
انا:امي العفو.. من توا انا مش صغيرة را . بعدين اصلا الناس راااقدين.
ماما : مش قولتي انك بتنوضي بكري.
انا:ماما ارجووكي خليني نرقد هالساعتين اللي مزال بأمان 'حطيت المخدة على وجهي و امي قاعدة تدوي على البنت الفالحة و الناشطة شويا هكي و رقدت ...
بعدين نضت على صوت المنبه و لقيت الساعة 8:44 نضت توضيت و صليت بعدها طلعت للصالة لقيت وليد يبكي و ماما توتي في الفطور .
انا :صباح الخير.
ماما:صباح النور.
انا 'قمت وليد':ماما خيره ولودي يبكي?
ماما: بالك يبي يفطر .
انا :مرات ... 'فتحت التلفزيون و وليد سكت قعدت نتفرج على التاسع المواجهة  شوية و رن تليفوني تلفتت و استغفرت على طول'
انا:الو.
سلوان: هاي هلولة كل سنة و انتي طيبة حياتي.
انا:اسمعي للمرة المليون ... انا مششش حياتك و ما تقوليلي هلولة.
سلوان: خيرك انا نحبك هذا علاش اتصلت بيك.
انا: وانا ما نحبك بكللل و ما تتصلي بيا مرة ثانية يا منافقة .'سكرت التليفون و انا معصبة لانها اكبر منافقة عرفتها في حياتي .. حطيت التلفون على الطاولة و قعدت نتفرج شـويآ و رن آلتليفون مرة ثانية .. قمته و ديت بكل انفعال.
انا :ما تفهمي انتي ... نكرررهك مبردك ما نتحملك انسي رقمي و انسيني.
وسام: غر بالشوية نزلتي زي الساليطه.
انا 'شفت المتصل و لقيته وسام حطيت ايدي على وجهي من الإحراج' . .. اا كيف حالك.
وسام: تماام الحمد لله ..كل سنة و انتي طيبة.
انا : وانت طيب .. روحتوا?
وسام: لا مزال .. ماشين نعيدوا على جماعة.
انا:اها.
وسام: بنقولك .. دانا جنبك?
انا:لا لا.
وسام:به بالله عليك لما تمشيلها قوليلها قالك وسام اكويلي دبشي زين.
انا:تمام .
وسام: هي سلام تو معاي الشباب.
انا 'ضحكت' :بالسلامة  'سكرت الخط ونضت ناخذ دوش ..و انا من الناس اللي تقعد بالساعات تحت الميا تفكر وتفكرررر لين يتم التفكير ..مر الوقت و طلعت غير دبشي و لبست سورية سماوية و بنطلون ابيض واسع و وشاح ابيض فيه فراشات سماوية و حجات مندري شن هما ... خديت تليفوني و حقيبتي و طلعت اول ما فتحت الباب تلاقيت مع فاطمة و عائشة اللي كانا نازلين لحوش جدي عيدت عليهم و تقدمت بعض الخطوات لحوش عمي وائل اول ما طقيت الباب فتحتلي مرت عمي بكل بهجة و سعادة .
م.ع وائل: اهلين هلال كيف حالك?
انا :الحمدلله كيف حالك و حال عمي?
م.ع وائل: الحمدلله كل سنةو انتي طيبة .
انا : كل عام و انتي بخير و ينعاد عليك بالصحة و السلامة.
م.ع وائل: تبي دانا?
انا : اي .
م.ع وائل : كيف مشت تغير دبشها .. تفضلي استنيها شويا و تجيك.
انا :تمام 'دخلت و قعمزت في الصالة 3 دقائق و جت دانا لابسة بنطلون اسود قماشه واقف و حزامه عريض و مغطي بدايته صديري ابيض فيه ورود زهرية مع وشاح حرير بيض  مزخرف بالزهري و كعب أسود.
مشيتلها نجري و حضنتها (تقول علينا ما كنا مع بعض امس☺)
انا :غر لا لا ... محمود بيدوخ اليوم .
دانا :صقع عليك.
انا :كل سنة و انتي طيبة.
دانا : و انتي طيبة.
'قعمزنا و   قعدنا انهدرزوا ... لين جتنا هويدة لابسة فستان استريت موف ثلث كم معاه جاكيت أسود مشبك من الخلف و كعب سود و وشاح موف '
انا : ايوا احنا ... تطورتي يا اختي.
هويده :صقع عليك.
انا : والله الجو نو باهي خيركم تصقعو فيه ?
دانا : تمله خوي اليوم.
انا :استريت و جو 'غمزتلها'
هويده :مصح وجهك تعرفي .
دانا : اضحكي حتى بالكذب خلي البيبي يطلع لعمته.
انا : لا لا خلي يطلع لخالته.
هويدة : مش ناقصة واحد متخلف زي حالاتكم .
دانا : به خلي يطلع زي عمه و سام
°اي صح°
دانا : متفقين صار .
انا : اسمعي شن رايك ان اي واحد من الشباب يقولك سمي بنتك باي اسم بنت ايقولهولك اتسجليه ..لانه اكيد اسم حبيبته و خلينا انشدوها وراه هوا و حبه.
هويدة :صح فكرة
دانا :بتنزلي معانا هدهد?
هويده: لا لا تو ننزل بعدين مع ماميتك.
انا :تمااامو .. هي دانا خلي ننزلوا لملك.
دانا :هيا .
'نزلنا لملك و اول ما وقفنا قدام الباب سمعنا صوت السشوار قعدنا انطقوا على الباب و ماحد فتح انا طلعت تليفوني و اتصلت بملك '
ملك 'بصوت عالي' : الوو?
انا :الو ملك شن الجو .
ملك :بعياط' :باهي تمااام .. و انتي?
انا :خيرك تعيطي نقصي صوتك.
ملك 'بعياط مفرط': ما نسمع فيك را.
انا '"بعصبية" :سكري البلي اللي جنبك.
ملك 'سكرت السشوار' :نسمع فيك هكي.
انا : به تفضلي افتحي الباب لينا ساعة انطقوا على حضرت جنابك.
ملك :به 'سكرت الخط و فتحت الباب'.
دانا : واخيرا .
ملك 'لفت و قعمزت على الكنبه' :ادخلوا و سكروا الباب.
دانا :مصحك.
انا :خيرك تافهة هكي .
ملك : ع اساس اول مرة .
دانا 'دخلت و دفتني للداخل و سكرت الباب'
انا :حى عليك لتوا ما غيرتي?
ملك:لا
دانا :نوضي بسرعة غيري لازم تأخرينا.
ملك :اوووف تي هما نفس الناس نفس الوجوه انشوفوا فيهم يوميا في كل وقت من لما انوضو لين نرقدوا .
انا :نوضي الناس تفرح بالعيد مش زيك.
ملك :لا صدقيني ان اغلبهم هكي.
دانا 'شدت ملك من يدها و رفعتها قدام باب الدار و انا معاهم😃'
دانا :يلا من غير برادة زايدة.
ملك "بملل" :امباااه .'دخلت و سكرت الباب'
انا :خيرك تولي تافهة في الاعياد و راااقية جدا في الايام العادية.
ملك :مزاج .
دانا: به بسرعة يا مزاج.
ملك 'فتحت الباب و كانت لابسة سروال جينز اسود و سورية حمراء واسعة شوييه و كمامها واسعات شويا و فيهم شده في نهاية كل كم و شفافة شوي من الكتاف .. و فوقها جاكيت اسود خفيف و لابسة قبعة الحجاب(حجاب اسيا) لونها اسود و بوت أسود قصير فيه كعب عالي و حقيبة شانيل حمراء.
ملك :ها شن رايكم?
انا :تهـــبلي.
دانا :غر مني بتطيحي.
ملك :حد .
انا 'شهقت' :غيرتي تليفونك.
ملك :يس شن رايك.
دانا :s7 يجننن منين جاك?
ملك:بابا جابهولي امس.
انا :تعرفوا بعدين نبي انصور التليفونات كلهم اللي في العيلة.
دانا :ايه مشاء الله كل الانواع عندنا.
ملك : انا هذا ... و انتي'دانا' هواوي b10lite و انتي htc  و وسام ايفون 8s و سامسونج 8plus و محمود سامسونج 6 و ميس ايفون 6s و هلبا هلبا.
'سمعنا صوت سيارات و ضحك شباب و هدرزة'
انا :اكيد وصلوا.
دانا :هي ننزلو.
'نزلنا لوطه و اول ما وصلنا شفنا عمامي امقعمزين و الشباب كيف داخلين للصالة مشينا سلمنا على عمامي و جدي و اميما و بعدها مشينا عيدنا على الشباب ... سلمت على اصيل اول واحد و بدى يعلق و ينكت و يلقح لين خلاني نضحك و شادة روحي بالسيف.
اصيل: السماء صافيه اليوم . ياا يا زرقاء.
وسام: خلاص عاد ولت حمره.
أصيل: ماهو الشمس بدت تغرب.
'كملت تسليم و وصلت في وسام مديت يدي و هو مد يده سلمت عليه و قلبي بيطلع من مكانه حسيت بحرارة في كل جسمي و ان دقات قلبي تسارعت و قوت'
وسام: كل سنة و انتي طيبة.
انا :و انت طيب.
وسام :شن الجو.
انا :تمام
وسام :امم.
قعدنا ساكتين  لين سحبت يدي و تراجعت و مشيت نحو المطبخ شربت ميا حتى نهدئ و بعدها نادتني اميما و مشيتلها '   
-----------------------------------------
عند محمود
سلم على البنات وهو ينتظر ملكة قلبه بشوق و لهفة .. ينتظر خطيبته التي تركته اخر شخص قصدا.. تقدمت نحوه بخطوات متألقة ممزوجة بخجل ... ابتسم على جمالها و رقتها مدت يدها له و هو مسكها بكل حنيه علق عيونه بعيونها العسلية الفاتنه زادت ابتسامته و هو يشوفها تحمر خجل من نظراته.
محمود "بحب": كل سنة و انتي حبيبتي .
دانا 'ابتسمت'
محمود   :كيف حالك اليوم
دانا :الحمدلله و انت.
محمود :تمام... تعرفي كان مش عيب را كليتك.
دانا :عيب.
محمود:نعرف هذا علاش ما كليتك.
'قطع المشهد الرومنسي هذا صوت شخص جذاب و رومنسي اكثر من الاغبياء هاذوا اكيد هالشخص هو انا 🙈🙈 .
انا :سادكم رومنسية زايدة..
دانا 'تركت يد محمود و مشت'
محمود :لااازم زيك زي هلال تخربوا اللحظات هاذوا.
انا :امالا شني احنا ما نرضوا بالرومنسية الغير مسموحة.
محمود 'ضحك':تو انشوفوكم لما تحبوا بعض شن اديروا .. تعالى الشباب بيصوروا'مشى'
انا 'قمت حاجبي بإستغراب' :ومن قاله اننا بنحبوا بعض?.'مشيت مع الشباب و صورنا هلبا صور بعدها  قعمزت انا و محمود و محمد في الملعب و الشباب مشوا للمربوعة.
'رن تليفوني قمته و كانت دانا المتصله ' :اها?
دانا :وسام حبيبي يا خوي الغالي انت.
انا :اياااه .. شن في شن تبي?
دانا:تمشي للسوق.
انا :بري سكري الخط خير ما انجيك تو .
دانا :غر هيا .
انا :مني اللي جنبك تلعلع هاذي.
دانا:ملك
انا :قوليلها اسكتي طرشتيلي وذني وياسر من الحفر .
محمود: قوللها شن هوا الغذى.
دانا :به تمشي.
انا :شكلك ما رقدتي اليوم بري وراس دانا ما نبي نفصل عليك را .
دانا :غر هيا ويسووو.
محمود:قوللها شن هوا الغذى .
انا :شن هوا للغذى?
دانا :بازين .. تمشي?
انا : قالتلك بازين ..لا 'سكرت الخط و حطيت التليفون في جيبي'
محمود :خيرك?
انا :معاش يقدرو يبوني نمشي للسوق.
محمد:اولا السوق مسكر ثانيا بالزبون بتمشي ?
انا :اصلا ما بنمشي.
محمد :وووك اليوم بيجوا عمام امي  و الفيالق التانيين.
'قلنا مع بعض بملل و ضيق (وااك مسعود).
محمود :شيباني داير فينا الويل.
انا :نكــرهه المخلوق الدراه هذا.
محمد:حاصل اهنا 'اشر على رقبته'.
انا 'حطيت صبعي على تفاحة ادم' :انشك انه هاذي.
محمود 'ضحك' :بالزبط.
انا :هي نمشوا للمربوعة.
*هيا*
'مشينا للمربوعة و كانوا الرجال كلهم فيها .. اللي متكي و اللي متربع و كل واحد مداير لقطة الشيء الوحيد اللي متفاهمين عليه كلهم انهم بالفرمله و يتفرجوا على مستر بن .. مشيت و قعمزت جنب سمعه اللي كان جنبه بسام متكي و حاط يديه ورا راسه.'
انا:مستر بن .. غادي غادي.
سمعة:ريت الكساد شن ايدير.
بسام: والله لقنين باهي.
محمود 'اتكى جنبي' :جيعان يا شباب.
*حتى انا*
سمعة: متفقين صار.
انا :انكلم البنات ايديرولنا فطور?
سمعة: را هاذوا فطروا را(الشباب و الرجاله)
محمود: امتى?
بسام: امبكري لما قعدنا احنا الاربعة الاخرين ناخذوا في سيلفيات.
سمعة: كله منك يا بارد ... تعرف اللقطة ياخذ فيها بالتفصيل تو تشوف الكاميرا امتاعه تلقي الاولى عيوننا مغمضة الثانية نفس اللقطة غير عيونا مفتوحة حاااله.
انا : تي باش يقعد عندي هلبا صور ليكم... تو العيد اللي فات صدعتوني كيف ما تصورنا هلبا صور و توا تقولوا هلبا.
محمود:نفطروا برا?
بسام :في الجنان مثلا?
انا : تعالوا من غير ما يحسوا عليكم .قولوا انكم بتقعمزوا في الجنان.
*تمام .به *
'طلعنا برا و ركبنا في سيارة سالم من غير ما يحس علينا حد .. ولعت السيارة و انطلقت .. كانت الطريق فااااضية و اغلب المحلات مسكرة'
محمود :هكي الصح .. تو اللي قاعدين الطرابلسية بس.
بسام : حاااله والله نص السكان في طرابلس مش طرابلسيه جايين يزحموا علينا و خلاص.
سمعة: كل واحد في مدينته.
انا :امقعمزين فوق قلبكم هما و لا راقدين في دياركم مثلا .. هاذي عاصمة البلاد لكل الليبين . مـشـ گآن انتوا طرابلسيه تفشكوا ع الناس .اهو احنا نسافروا و جونا مليح في ناس  تجي لطرابلس بس را احمدوا ربكم.
بسام :شني شكله صحابك من الجماعة هاذي.
محمود :بالك الحب امتاعه.
انا "بعصبية":مش كل شيء ادخلوها فيه مش اي بصارة تجبدوا سيرتها مهما صار و مهما كانت هي متربعة اهنى 'أشرت على قلبي' خير بلاكم انتوا? 'زدت السرعة و انا متعصب و مر الوقت و احنا ساكتين حتى وصلنا لمقهى ..
انا:هي انزلوا.
'نزلنا و تقدمنا للباب اول ما دخلنا صاحب المقهى ابتسم و عيد علينا'
انا:بالله عندك بريوش و كابتشينو?
--:ايه موجود.
انا: به ترا اربعة بريوش بالنوتيلا و اربعة كابتشينو.
--:تمام ... را الكباتشينو بالكراميل و النوتيلا
انا : مش مشكلة احنا من عشاق النوتيلا.
--'ابتسم' :ميا ميا .
'رن تليفون محمود اول ما شاف للرقم ابتسم ابتسامة عريضة و طلع ...   الشباب تلفتولي مستغربين'
انا: اكيد دانا شن خصني انا .. يشبحولي تقول عليا انا المتصل.
سمعة:اكيد على الموضوع امتاع بعدين.
انا :تي شن هوا الموضوع اهوا اللي مشهدرين بيه.
بسام :تو يجي محمود ايقولك.
😒
'دخل محمود و هو قمة في السعادة و وقف جنبنا'
*خيرك شن في?*
محمود "باستغراب": شن دخلكم انتوا.
سمعة:ما قالت لك شيء على موضوع امبكري.
محمود :قالت ما صار منه.
انا :شن هوا الموضوع اصلا.
محمود: كنا بنطيبوا امبكبكه فوق الحيط احنا و البنات.
انا :باهي ما صار كان هذا تسممنا... نسيتوا اخر مرة شن صار.
*شن صار?*
انا :اللي جاي و اللي ماشي يزيد ميه و اللي يزيد ملح و نص الطنجرة تشحر و صاااامته و ما فيها دباير .. و المشكلة ان في النهاية طلبنا من مطعم.
محمود:انا عن نفسي زدت 3ملاعق ملح.
بسام:صبيت 2طواسي ميا.
سمعة:الحمدلله انا و ويسو قعدنا نتفرجوا على الشارع من فوق السطح و مرة مرة نتلفتوالكم.
--:تفضلوا.
'خدينا البضاعة وخلصنا الراجل ...طلعنا و ركبنا في السيارة خطمنا على طريق الشط فطرنا و روحنا و كان الجو فوق الخيال.. وصلنا بسرعة و درسنا السيارة وشفنا هلبا سيارات تانيات  ادركنا ان خوت جدي و و و    وصلوا مشينا و قعمزنا في الملعب.
سمعة: تو اكيد مسعود حاصل عليهم.
انا : و الله ما نعرف كيف متحملينه ولاده هالمخلوق ... استغفر الله و خلاص.
(مسعود هذا عم بوي هو شيباني كبير شكله مخرف كل ما يشوفنا يقعد يحكي عن بطولاته الخرافية و ينسى انه حكاها و يقعد يعاود و يكرر لين يرقد و كان ناض واحد و هرب منه حي على امه حي يشدها وراه طول عمره و كان طلعنا للملعب يطلع معانا و اي مكان نمشوله لااازم يجي معانا و الا غبرها فوقنا وفي النهاية يسبنا لين يشبع و يروح)
سمعة:خاطري نرقد.
*حتى انا*
سمعة:تو انكلم وحدة من البنات تفتحلنا باب الجناح 'طلع تليفونه و كلم وحدة من البنات ... مشينا قدام باب جناح سمعه و شويا و فتحتلنا ميس'
انا :اوووو ميس امتى جيتي?
ميس:و انتوا مهناش ... كل سنة و انتوا طيبين .
*و انتي طيبة*
سمعة:ناديلي مرام خلي تعيد علينا .
ميس:تمام'مشت'
'نحيت الزبون و علقته في التكباني (العلاق الواقف) و حذفت روحي على السرير .'
مرام: كل سنة و انتوا طيبييين.
*و انتي طيبة*
مرام: شن الجو?
*باهي. مليح. تمام*
سمعة: ميمي بري جيبي وليد بالله.
بسام: و ايهم
انا 'قعمزت': مصح وجهك انت وياه جايين نرقدوا مش نسمعوا صوت العياط و البكى ... بري و سكري الضي و ما تجيبي حد ولا تخلي حد يجي.
مرام :به 'طلعت و سكرت الضي و الباب'
-انا اتكيت بالطول و سمعة بالعرض ... محمود اتكى على الجلسة و بسام قعمز على الكرسي و فتح تليفونه .شوية دقايق و رحنا فيها نووووم'
--------------------------------------------
هلال ﴿﴿﴾﴾
كنت امقعمزة في المطبخ انا و ملك و ميس و دانا بعد ما سمعة كلم ميس حتى تفتحله الباب .
انا :خاطري في حلو.
دانا 'اشرت على حافظات الحلويات' :و هاذوا شن ايديروا قدامك.
انا :لا لا نبي شيء جمييل
ملك :اسمعوا كلموا الشباب يمشوا يشرولنا حاجة.
ميس:مني اذا كان الاربعة اللي جوهم مليح راقدين.
ملك :كلمي محمد.
حسناء:خيره محمد?
'نضنا سلمنا عليها و حضناها '
ملك :المهم .كلموه هيا
ميس:كلميه انتي ما دخلني فيك.
ملك :كان عندي و نسيت ننقله امس.
ميس :اااه غيرتيه تليفووونك..في حد يتخلى عن سامسونج 7 وين درتيه بالله.
ملك:في الحوش ... تبيه?
ميس'سكتت': اه .. لا لا صحتي .. شويا و انجي انا.'لفت  بتمشي'
ملك:والرقم?
ميس:خوديه من البنات 'طلعت'.
حسناء:خيرها?
دانا:مندري.
ملك :به مني عندها رقم محمد?
:----
ملك:بلا جو توا .. هيا وحدة منكم تمله عليا.
انا 'طلعت تليفوني' :*******092.
ملك :تمام 'ناضت بتطلع .
انا : كلميه اهنا شن فيها?
دانا :ايه شن فيها'غمزت'
ملك :يا تاافهين    تعرفوني مانحب انكلم حد و في جنبي ناس.
حسناء:زي الحق .
ملك :مبردكم 'طلعت'
انا:كساااد.
حسناء:هلبا.
----------------------------------------------
عند محمد
كان امقعمز مع الشباب و يسمع لقصة مسعود الوهمية ... رن تليفونه و ابتسم مش لان هيا المتصلة لا اصلا هو مزال ما شاف المتصل من ابتسم لان هذا هو الشيء الوحيد اللي بينقذه من مسعود و خرافاته ... طلع برا و رد على التليفون.
محمد:نعم?
ملك:الو محمد.. كيف حالك توا.
محمد'ابتسم':تماام و انتي?
ملك:تمام الحمدلله.. عادي نطلب منك طلب.
محمد:تفضلي.
ملك:هو مشوار صغيرون بس.
محمد: قولي عادي .
ملك: نبو نبعتوك تشريلنا حاجة حلوة انا و البنات.
محمد:عااادي ما في اي مشكلة.
ملك :الله.
محمد:و الله . جيبي الفلوس و تعالي تلقيني في الجسر.
ملك :تمام شويا و انجي.
سكر محمد التليفون و توجه نحو الجسر وهو يفكر في ملك حبيبت قلبه ... الانسانه اللي حبها ... اصبح في الفترة الاخيرة مثل ظلها يراقبها عن بعد و يعرف كل اخبارها .. حفظ طريق المدرسة  بسببها كان يعرف كل شيء يصير معاها و كل ما تزعل يبعت اخت صاحبه حتى تراضيها و من كثر اهتمامه بيها اصبحت البنت صديقة ملك المقربة و كانت ملك ديما مستغربة كيف ان البنت تعرف كل شيء تحبه ملك ... ما كانت تتوقع ان خلف هالبنت اهتمام من عاشق ما تحمل شوفت الحزن في عيونها السماوية  ... قاطع تفكيره  نبرة صوت ترن في قلبه  هو ذات الصوت اللي عشقة و قريب يسجلة و يحطه ك نغمة منبه .
ملك: محممممد يا هووو انت انكلم فيك.
محمد'ابتسم':اسف كنت انفكر.
ملك: اممم .. اهما الفلوس.
محمد:به شن تبوا?
ملك:والله ليا سنة نسإل فيهم يقولوا حاجة حلوة..
محمد:به خلاص عرفت شن انجيب.
ملك:شني?
محمد:مالفيه.
ملك:امم نحببه .
محمد:نعرف.
ملك:كيف عرفت?
محمد:انا نعرف كل شيء عنك انا الظل امتاعك وين ما كنتي 'مشى'
ملك 'عقدت حواجبها باستغراب ... وزعت نظراتها في المكان اللي هيا فيه ... شعرت بالم في  عروقها  تذكرت شخص كان يعني كل شيء بالنسبة ليها ... جلست على يد الجسر و الدمعة في عينها... فتحت تليفونها و دخلت على الاستوديو ... مرت بين عيونها صورة غالية جدا بالنسبة ليها حضنت الهاتف اشتياقا لمحتوياته المحصوره بداخله و اعطت الاذن لدموعها بالنزول.
----------------------------------------------
عند ميس
كانت امقعمزة في الملعب و هي تتذكر كلمات سالم ليها لما قالتله انها تبي تغير التليفون... = ماتتخليش عليه و لا تاخذي تليفون من اي شخص انتي ملكي انا و انا اللي بنحقق احلامك و كل شيء تبيه انا ح انفذه بس تولي ليا و حلالي  تو نغيروا حياتنا كلها مش التليفون بس = ... بكت من كل قلبها ... بكت خوف انه ما يرجع و يستشهد في درنة ... بكت خوف ان يصيبه اي مكروه يصد حبهم و زواجهم ...دعت لربها من كل قلبها ان يحفظه ليها و يرجعه بخير و سلامة قاطع صوت بكائها و شهقاتها المتعاليه في كل ركن من اركان الملعب
صوت تليفونها يرن تلفتت و ابتسمت بفرح و مسحت دموعها بسرعة لما شافت ان المتصل آگسـہ‏جيـ❤ني'
ميس "بحماس": كل سنة و انت طيب.
سالم: وانتي طيبة يا نبض قلبي
ميس: كيف حالك اليوم.
سالم:الحمدلله و انتي?
ميس:تمام ... وينك من امبكري نستنى في رنتك?
سالم: اسف يا عمري كنت مشغول شويا.
ميس: لا تتأخر عليا مرة ثانية.
سالم :من عيوني يا ضوء عيوني.
ميس: تسلم عيونك.
سالم: كيف حال العيلة?
ميس:تمام لكن مشتاقين لك.
سالم : اممم حتى انا مشتاااق ... افرحي بالعيد باهي?
ميس'بحزن':به.
سالم : تو كان رجعت انعوضك عن هالعيد .
ميس: ان شاء الله ترجع و في اقرب وقت.
سالم "بشك": ان شاء الله ... معاش تبكي باهي,
ميس "بإستغراب": تمام لكن كيف عرفت.
سالم "بهدوء": يا عمري .. تتذكري لما كنت مريض و انتي حسيتي بيا و اتصلتي ?
ميس: ايه.
سالم : لما الشخص يتعلق بشخص اخر بقوة و يؤمن ان حبه مغروس داخل قلبه يحس بيه و يحس بنفسيته فلما انتي تبكي انا نحس بشيء ينخص داخل قلبي و لما تكوني فرحانه نحس بقوة غير طبيعية ... يا ميس ... لو انا متت ح تحسي بيا زي ما حسيتي بمرضي و لو قعدت على قيد الحياة ح تحسي بهذا الشيء ... انا متأكد اني لو متت ح تشعري بيا ..فلهذا اتبعي صوت قلبك لو قالك انا بخير خلاص اطمني ... و تأكدي  كل ماانا فاضي و ما عندي جبهة ح نتصل بيك .
ميس 'و الدموع في عينها': بعد عمر طويل يا روحي.
سالم: يارب ... هي توا بري هيجي و افرحي بالعيد و ما تبكي ولا تزعلي تمام?
ميس:تمام ... حتى انت دير بالك على نفسك يا عمري.
سالم "برومنسية": نحبك.
ميس: حتى انا.
سالم : حتى انتي شني?
ميس"بخجل": نحبك.
سالم:احييييه يا قلبي احيه ... هي سلام.
ميس:سلام
'سكرت الخط و هيا تحس براحة بسبب جرعات الكلمات الرومنسية الجميلة اللي قالها سالم فعلا اعتبراته اكسجينها ... ومن غيره يغذي قلبها بكل ما يحتاجه .?...اتجهت للمطبخ بكل نشاط و سعادة .
ميس: جيييييت.
انا : شني شكلها رومنسية ليه ليه
دانا :كيف حاله?
ميس:الحمدلله .
حسناء:وين ملك ? هذا كله تكلم في محمد?
ميس: سيارة محمد مهناش را .
انا :امالا وين اختفت البنت?
عمتي سالمة: هي يا بنات وتو سفر الغذى .
دانا :حي بالله وحدة منكم تمشي تنوض الولاد في جناح سمعة اكيد الرجالة يستنوا فيهم.
ميس: بري انتي.
دانا :امباااه .
-----------------------------------------
وسام ﴾﴾﴿﴿
كنا في سابع نووومه و الجو مصقع بسبب المكيف ... و فجأه .
خشت دانا زي القضاء المستعجل.
دانا : نووضووووا سادكم نوم بسرعة .
انا : بري .
دانا :هيا سمعووو محمووود وساااام بسااااام هيا.
محمود:دانا اطلعي.
دانا : راهو الظهر اذن و الرجالة يستنوا فيكم . و انا نعرف كيف انقول لبابا و عمي ادم انكم كنتوا راقدين و ما تبوا تنوضوا.'طلعت'
'نضنا كلنا و بالواحد توضى و لبس الزبون امتاعه .... امشينا للمربوعة و لقيناهم كيف بيبدوا مشينا و قفنا في الاخير و بدينا انصلوا كلنا مع بعض.
-----------------------------------------------
هلا﴿﴿﴾﴾
وتينا السفر و مشينا قعمزنا في الدار اللي مقابل المطبخ (اللي قعمزنا فيها في حنت هويده( انا و ميس و حسناء و دانا .
انا :محلاه صوت الرجالة كيف يصلوا مع بعض.
دانا :يحسسك بالراحة .
حسناء :ايه . شكلهم كملوا .
وسام : اي كملنا ...شن جوكم.
انا :تمام و انت.
وسام :غريبة وين ملك?
حسناء: والله من امبكري مشت تكلم محمد ما جت ولا هو جى.
وسام 'مد صونية بلاستك مغلفة': اعطاهالكم محمد حقى.. لكن ما تبدوا الا لما تجي ملك.
انا 'خذيت الصونيه': به تو انقيموها لكن بالله شوف ملك وين اختفت.
وسام :حاضر .سلام تو 'طلع'
ميس:هلوووله بالله قيميها خلي ناخذوهم بعد الغذى.
هلال: تو انحطهم في حوشنا.
مرام: اوووو خيانات . تعااالوا خليتوني بروحي نعطي في السفر للولاد و النساوين.
ميس: به بري هي .
مرام😒
ميس: برييي تو انجو.
مرام :امبااه 'مشت'
انا :انا بنمشي انحط الصونية و انجيكم اسبقوني .
*تمام*