عيـــلتنــا ((باللهجه الليبية))

البارت العشرون (الأخير)

انا: تمنيت يرجع الوقت بيا و اترك نارك حتى ورد اللو حبيبي اختارك كما شدك بيا روح بروح فراقك بس قهر و جروح احبك و احنا متراضين و من نتعارك تخيل انت قبالي و اشتاقيت حكر شوفتك حسيت كون الناس كلهم بجسمك ميت  ما نتفارق ... سكتت لحظة استرجاع لذكريات الماضي الاليم ... استرجاع للحب اللي اعتبرته اكسجيني تنفست بضيق و سكرت الاغنية ... قعدنا جو 10 دقائق ساكتين ولا واحد فينا دار صوت .... قعدت نتأمل في الطريق و كيف الناس كلها فرحانه و الكل يلف و يفرهد على روحه فجأه تذكرت شيء .... شيء كسر كل ذرة سعادة في داخلي ،.. شيء حسسني بالشـوووق و الحنين .... مرت بين عيوني لحظة مستحيل ننساها .... تذكرت جرح حاولت انداويه .... ذكرة دفنتها في وسط قلبي ... تذكرت ... ايقنت  ان هالعيد مختلف و بشــع ... ايقنت ان هالعيد   صعــب جداً بالنسبة ليا ... فطنت لفجوة في وسط قلبي   حسيت بالفــراغ و بالوحدة ... اغمضت عيوني بحزن ... بلعت ريقي بغصة ...
نزلت الكرسي على رجلين محمود .
محمود "بإستغراب" : اللطف خيرك؟
بسام: خيره هوا؟
محمود: وي خيرك شن في؟
انا "بألم":  يا محمود تعبان.
محمود "بحنان" : سلامتك من التعب .
انا: اسمع مشيلي على شعري.
محمد'ضحك'
بسام رمقني بنظرة سريعة مليئه بالإستفهامات و الاسئلة .
محمود'ابتسم' : غالي و الطلب رخيص.
قعد يمشي على شعري لين خذاني النوم .
______________________________________
هلال﴿﴿﴾﴾

كنا امقعمزين فوق نعجنوا و انقرشوا و كل وحدة ادير في مهمتها على قولت عمتي .... و اخيَـرا كملنا  نزلنا بقوة و اندفاع لحوش جدي و اول ما وصلنا لقينا الشباب امقعمزين يتفرجوا على فيلم أكشن من لابتوب أصيل و منسجمين على الآخر ... خديت كرسي و قعمزت وراهم لانه فيلمي المفضل ..(على فكرة هيا دسكت (قرص)وسام ) لكن يلا المهم نتفرجوا ... حطيت ايديا على خدي و مرافقي(مفاصل يدي) على الجلسه و قعدت نتفرج ... شويا وجو البنات قعمزوا جنبي حتى هما ... وقعدنا كلنا نتفرجوا ... لين جي سمعه.
سمعه: نوضـــوا مصح وجهكم وخلااص انا برا حاصل في التنظيف و نسقي في الزرع و انتوا تتفرجوا .
اسامة: الزرع شور محمد و سالم مش شورنا.
سمعه: به نوض انت وياه للسوق.
أيمن: مني ومني بالزبط؟
سمعه 'طلع ورقه من جيبه ' : شوفوا أصيل و الصيد و رامي امشوا جيبوا المواد الغذائية ... أسامة و حاتم و حسام بروا جيبوا بنزينا و أيمن برا نادي على عبدالمالك و عبدالعزيز و تعالى نظف معاي الجنان .
هلال: مشاء الله عمي مقسمهم.
سمعه: امالا شني ... مش هوين انا را.
هويده: يا واثق انت.
سمعه: بري معاش انكلم فيك انا.
هويده: علااش.
سمعه: من لما تجوزتي فارس الاحلام امتاعك بسام باشا لاعاد كلمتينا ولا. قعمزتي معانا بديتي زي هلال العيد ... ليلة العيد بس نشوفوا فيك.
أسامة 'ضحك' : رسمي الدوه.
أصيل: لعب بعقلها بسام افندي.
روان :اغا وانت الصادق.
سمعه: باشا.
انا: بشاغا هي متتعاركوش .
حسناء: ليلة عيد اليوم.
الصيد: الله ترا احلفي.
حسناء: والله.
الصيد: تجري في دمك بنت عمتي .
على جيت عمتي سارة: وبالك مش عاجباتك بنتي.
الصيد: مش عاجبتني 😎
عمتي: هيء من زيها بنتي تهببل مافي احلى منها.
رامي "همس" : وانا نشهد.
الصيد:ملــك احلى منها بمليون مرة
اسامة: هذيكا بروحها .
ايمن: اووو شني اسامة؟
حسام: الا ملك ايوا.
أصيل: اسكت انت وياه كان وسام اهنا را نزل فيكم.
حاتم: يستغلوا في الفرصة.
الصيد: الغيبه و النميمة حرام.
انا: بالله اسكت انت .. مفروض جيت ولد عمي ادم .
عمي ادم: خيرني انا ...تغتابوا فيا.
اسامة: النــم. ختمت .
عمي : شني؟ .. اللي يوشوش فمه يلشلش.
°انفجرنا ضحك كلنا°
عمي: قلت نكته انا؟
أصيل: لا لكن مع احترامي ... مقدمك .
•ضحكنا•
عمي ادم تعصب و ركب.
انا : قصف.
سمعه: هييي متغيروش الموضوع هي نوضوا.
حاتم: اااه سمعووو فوتنا.
سمعه: ما تخليني انقول لجدك ان انتم بتدفعوا.
°الولاد وقفوا كلهم°
أصيل: غر بالشويا علينا ... راس جني هوا.
حاتم: خيرنا عمي .. كيف قابضين مع بعض
أيمن: احسن حاجة مش ماشي معكم و اصلا منخدمش و معنديش فلوس .
رامي: عادي عادي تو غدوا تشوف الفلوس .
ايمن: الحمدلله ... تعرف غدوا لي بيمد جني انردهوله .
أسامه: انفر فيه و قوله شكرا.
انا: عيب ... الناس مش لاقيه فلوس و انتوا تهزوا على النعمه احمدوا ربي .
حاتم: تو اللي بي يعيد  يعطيك شيك مصدق.
انا °ضحكت° : بالضبط ... صار كيف مخلصك وسام. ... اشهدواا هوا بروحه قالها معناها غدوا بيعطينا عيديه.
حسام: هوا وساام و بسااام و سمعه. و محمووود عاد يخدموا مع بعض .
روان: ايييه ايه معندكم وين تهربوا.
سمعه: نوضوا تواااا متغيروووش الموضوع عندكم خمس ثواني كان ماتنوضوا نهااركم احرف .
ايمن: شن بيصير مثلاً؟
سمعه: اقسم بأيات الله مايحلها كان الجريدة الخضرة و انقيم التليفونات.
°في لحظة كان الكل في السيارات و ايمن ركب لمالك و عزيز لان معروفين اللي يحلفوا و ما يخلفوا ... سمعه و وسام و سالم لو حلفوا ينفذوا طول بدون تفكير°
انا تمددت على الجلسة و قعدت نتفرج على الفيلم و جوا البنات قعمزوا معاي بعدها بشوي نزل ايمن و الولاد و طلعوا الجنان ... وهما يطلعوا من اهنا و انوض انا من اهنا انسكر البيبان كلــهم و النوافذ و السرانتي و الستارات كللهم و سكرنا الضي كله .. و افتحنا المكيف الصالة و المربوعة الدخلانية ... وانقلبت الصالة لسنيما ... قعدت نتفرج بإنسجام تااااام شوي و رزان فتحت الباب.
انا : سكري الباااب.
رزان: بنطلع شويا.
انا: اها به سكرييه بعد ما تطلعي ،
رزان: تمام.
انا --في نفسي-- ... غريبة رزان ترد بهدوء .. الحمدلله شكلها البنت بتتغير للأحسن ... لكن غريبة شن بيغيرها هالافعى العقربه المسمومه ،.. لا حول الله هلال يا دراااه اسكتي اف كان تغيرت ووه و كان ما تغيرت وووه ... مايعجبني العجب.... حي كأني بديت نهدرز بروحي .. لا كيف و نسأل في روحي. ااااااه شكلي بنمووت خلاص ... فجأة عيطت و كلهم تلفتولي.
قعدت نتفرج على الفيلم لين تم و رقدت .
_____________________________________________
وسام ﴾﴾﴿﴿