The Good Between Bad

Chapter 37

Bigla akong napadilat mula sa pagkakatulog. Agad akong mapahugot ng hininga ng makita sa orasan na madaling araw palang.

Nanaginip kasi ako.

Masaya daw ako kasama ng aking mga anak. Naglalaro sa madamong lugar. Ang anak kong lalaki ay sinasalo ang bolang pinapasa sa kanya ng nakakabata niyang kapatid na babae. Kapwa sila nakangiti at maya't maya ang pagtawa.

Sa di kalayuan ay nakatanaw ang aking sarili. Nakangiti habang karga ang isang sanggol. Mas lalo akong napapangiti sa bawat tawa nito kapag kinikiliti ko ang baba niya.

May lalaking tumawag sa dalawang anak ko mula sa aking likuran. Tumigil sila sa ginagawa at tumakbo dito papalapit habang sumisigaw ng papa.

Halos tumalon ang puso ko sa kaba nang umupo ito sa tabi ko at halikan ako nito sa pisngi. Masaya kami.

Dinampian niya ng halik sa noo ang karga kong bata at ngumiti. Isa siyang mabuting asawa at ama. Punung puno ng kasiyahan ang aking puso. Kuntento ako sa buhay. Walang problema. Walang inaalala.

Naramdaman ko ang biglang paghigpit ng isang braso sa bewang ko. Tumagilid ako higa at hinarap siya.

Mahimbing at payapa siyang natutulog.

Inalala ko ulit ung lalaki sa aking panaginip. Hindi ko siya kilala. Hindi siya si Seven.

Siniksik ko ang sarili palapit sa kanya. Mas lalong humigpit ang kapit nito. Sinubukan kong matulog ulit at binura ang pangit na panaginip sa isip ko.

Nauna akong magising kaysa kay Seven dahil gusto ko siyagn ipaghanda ng agahan. Isang lingo na kong hindi nakakapasok ng klase pero wala akong pakialam. Babawi nalang ako sa mga exams. Si Mimi text ng text sa'kin. Kung anong na daw nangyari sa'kin at kung libre daw ako this Saturday. Nagyayayang lumabas. Um-oo naman ako.

Halos patapos na ko sa paghahanda nang pumasok si Seven sa kusina. Nakasando itong puti at boxer's. Kunot ang noo niyang nagpalingun lingon sa paligid bago ako makita. Nawala agad ito nang makita ako.

"Good morning." Bati niya matapos akong halikan sa noo. Ngumiti ako at humalik sa kanyang pisngi.

"Magandang umaga din. Sagit nalang 'to. Kung gusto mo pwede kang mag-ayos muna bago kumain."

Tumango siya. "Are you going to class today?" Sabi niya ng hindi parin tinatanggal ang braso sa bewang ko.

"Hindi muna. Friday naman." Sa Monday nalang. Itutuluy tuloy ko na ang bakasyon.

"That's good because I'm planning to clear my afternoon so we could go out and have dinner tonight. Sounds great?"

Halos bumigay ang mga tuhod ko nang ngumiti siya habang naghihintay ng sagot ko.

"Baka nabo-bored ka na dito sa bahay. If you want, you could go out for shopping."

Umiling ako. "Kain nalang tayo sa labas..."

"Anything my princess wants..." agad na tumalon ang puso ko sa lambing ng boses niya.

Binigyan niya muna ako ng halik sa pisngi bago umalis. Ipinagpatuloy ko ang ginagawa at inihain sa hapag ang mga niluto ko.

Nang makaalis na siya ay wala akong ginawa kung hindi ang maglinis ng bahay. Hiniling ko sa kanya na 'wag nang papuntahin si Apple dito lagi dahil nandito naman ako. Hindi siya pumayag pero napilit ko naman siya. Hanggang ngayon ay hindi parin siya sang-ayon.

Matapos non ay nag movie marathon naman ako. Sa loob ng isang linggo ay kung anu anong movie na ang napanood ko. Nakakamangha ang dami ng CDs ni Seven dito pero mas napahanga ako sa laki ng theater room niya.