“ ហ៊ានលះបង់គ្រប់យ៉ាងដើម្បីការពារនារីដែលខ្លួនស្រលាញ់ ”
កំពង់ផែចាស់ដែលត្រូវគេទុកចោលមួយកន្លែង មានទូកនេសាទធំមួយកំពុងតែចតនៅក្បែរនោះ ទីនេះហើយគឺជាទីតាំងដែលលោក យ៉ុនស៊ុក បានសរសេរនៅលើក្រដាសដែលទុកឲ្យ ឡូវែល។
ង៉ក់!
កង់ឡានឈប់វិលនៅលើដីមាត់កំពង់ផែ ហើយអ្នកដែលនៅក្នុងឡានទាំងពីរនាក់ក៏រហ័សចេញមកខាងក្រៅយ៉ាងលឿន។ ឡូវែល ចោលភ្នែកសម្លឹងបរិវេណស្ងប់ស្ងាត់នៅជុំវិញខ្លួនដោយក្តីព្រួយបារម្ភ ព្រោះទីតាំងនេះពិតជាអំណោយផលដល់លោក យ៉ុនស៊ុក ប្រព្រឹត្តបទរល្មើសពេកហើយ។
ទីង!
“ ឡើងមកលើទូកមក ” សារជាអក្សរពីលោក យ៉ុនស៊ុក លោតចូលមកក្នុងទូរស័ព្ទដៃរបស់ ឡូវែល បញ្ជាក់ច្បាស់ថាលោកកំពុងតែតាមមើលគេជាប់គ្រប់វិនាទី បើសិនជាគេហ៊ានទាក់ទងរកជំនួយនៅពេលនេះ លោក យ៉ុនស៊ុក ច្បាស់ជាសម្លាប់ ដេរ៍ស៊ី ហើយធ្វើការរត់គេចខ្លួនតាមផ្លូវទឹកមិនខានទេ។
ឡូវែល ដាក់ទូរស័ព្ទចុះហើយក៏រហ័សដើរឡើងទៅលើទូកតាមសាររបស់លោក យ៉ុនស៊ុក ដោយមាន លៀម ដើរតាមពីខាងក្រោយចាំការពារគេ។
នៅលើទូកនេសាទ
រាងស្តើងត្រូវចងដៃនិងជើងជាប់ ហើយដាក់ឲ្យនាងអង្គុយនៅចុងទូក នាងព្យាយាមរើពីចំណងខ្សែប៉ុន្តែរើយ៉ាងណាក៏មិនរួច។
« កុំព្យាយាមអី ព្រោះនាងរើយ៉ាងណាក៏មិនរួចដែរ » លោក យ៉ុនស៊ុក អង្គុយនៅលើកៅអីចំហៀងនាង ងាកមកប្រាប់នាងដោយស្នាមញញឹមគួរឲ្យស្អប់ ចំណែកកូនចៅបីនាក់ដែលឈរនៅខាងក្រោយលោកក៏នាំគ្នាសម្លឹងមុខនាងដោយក្រសែភ្នែកគួរឲ្យខ្លាចគ្រប់គ្នា។
« លោកចាប់ខ្ញុំមកបែបនេះ តើលោកចង់បានអី្វ? » ដេរ៍ស៊ី ព្យាយាមរំងាប់ភាពភ័យខ្លាចនៅក្នុងចិត្ត ហើយស្រែកសួរលោក យ៉ុនស៊ុក វិញ។
« យើងចង់បានក្រុមហ៊ុន រ៉ូប៊ីនសុននិងក្រុម ដេលប៊ឺត » លោក យ៉ុនស៊ុក ញញឹមឡើងយ៉ាងឃោឃៅដាក់ ដេរ៍ស៊ី ។
« ខ្ញុំមិនព្រមប្រគល់ក្រុមហ៊ុន ដេលប៊ឺត ឲ្យលោកទេ ហើយ ឡូវែល គេក៏មិនអាចយកក្រុមហ៊ុនរបស់គេមកដោះដូជាមួយខ្ញុំដែរ លោកគិតខុសហើយដែលចាប់ខ្ញុំមកដើម្បីគំរាមគេនោះ »
« យើងជាអ្នកគិតខុសឬនាងជាអ្នកគិតខុសចំពោះគេ បន្តិចទៀតនឹងដឹងចម្លើយហើយ » លោក យ៉ុនស៊ុក តបជាមួយ ដេរ៍ស៊ី ដោយភាពជឿជាក់ហើយក៏ងាកទៅមើលកូនចៅដែលរត់មករាយការណ៍ ។
« ចៅហ្វាយ គេឡើងមកលើទូកហើយ » កូនចៅដែលនៅចាំមើលផ្លូវ ឡូវែល រត់មករាយការណ៍។
« នាំគេចូលមក ហើយឯងឆាប់ទៅយកក្រដាសផ្ទេរភាគហ៊ុនមក » លោក យ៉ុនស៊ុក ក្រោកឈរឡើងបញ្ជាទៅកូនចៅ។
« ឡូវែល...អត់ទេ » ដេរ៍ស៊ី ព្យាយាមរើកាន់តែខ្លាំងពេលដឹងថា ឡូវែល មកតាមការគំរាមរបស់លោក យ៉ុនស៊ុក ពិតមែន។ មនុស្សឆ្លាតដូចជាគេច្បាស់ជាបានដឹងហើយថាលោក យ៉ុនស៊ុក មានគម្រោងសម្លាប់នាងនិងគេចោលនៅពេលដែលលោកបានគ្រប់យ៉ាងដូចបំណងហើយ ហេតុអ្វីគេនៅប្រថុយជីវិតមកទៀត? បើលើកនេះគេជ្រើសយើងក្រុមហ៊ុនហើយបោះបង់នាងចោលម្តងទៀតក៏នាងមិនបន្ទោសគេដែរ ហេតុអ្វីក៏គេមិនធ្វើការសម្រេចចិត្តដូចកាលពីលើកមុន? ហេតុអ្វីមកទីនេះទាំងដឹងថាលោក យ៉ុនស៊ុក បានរៀបចំផែនការសម្លាប់គេរួចហើយ?។
« យកក្រណាត់ទៅចងបិទមាត់នាងទៅ កុំឲ្យនាងនិយាយអីផ្តេសផ្តាសទៀត » លោក យ៉ុនស៊ុក ស្រែកបញ្ជាទៅកូនចៅ ទើបគេរហ័សយកក្រណាត់ពណ៌ខ្មៅទៅចងបិទមាត់ ដេរ៍ស៊ី ជិត។
«...» នាងស្រែកលែងចេញបានត្រឹមក្រវីក្បាលទៅវិញទៅមកប្រឹងរើមិននៅស្ងៀម ដើម្បីប្រឆាំងនឹងលោក យ៉ុនស៊ុក។
आप पढ़ रहे हैं
បញ្ឆោតស្នេហ៍ស្រីល្ងង់(ចប់) សេរីបញ្ឆោតស្នេហ៍វគ្គ១
रोमांसដំបូងគេជាសុភាពបុរសជិះសេះសបន្ទាប់មកគេក៏ប្រែក្លាយជាស្តេចបិសាចដ៏កាចសាហាវបំផុតសម្រាប់នាង គេដោះរបាំងមុខសុភាពបុរសរបស់គេចេញនៅពេលទទួលបានគ្រប់យ៉ាងតាមចិត្តប៉ងប្រាថ្នារបស់គេហើយ...ទង្វើល្អៗនិងក្តីស្រលាញ់ដែលគេធ្លាប់និយាយកន្លងមកសុទ្ធតែក្លែងក្លាយ។ ដេរ៍ស៊ី ហាលី នាង...
