“ សុបិន្តអាក្រក់ ”
ឡូវែល អង្គុយនៅក្នុងបន្ទប់ការិយាល័យអ្នកគ្រប់គ្រងរងចាំរហូតដល់បន្ទប់ការិយាល័យរបស់គេត្រូវបានសម្អាតរួចរាល់។ កែវភ្នែកពេញដោយទុកកង្វល់អង្គុយសម្លឹងទេសភាពទីក្រុងតាមផ្ទាំងកញ្ចក់ដូចមនុស្សគ្មានវិញ្ញាណ ព្រោះតែការធ្វេសប្រហែសរបស់គេលើកមុនធ្វើឲ្យក្រុមហ៊ុនមានការខាតបង់ធ្ងន់ធ្ងរ ទើបពេលនេះមនុស្សនៅក្នុងក្រុមហ៊ុនលែងទុកចិត្តលើសមត្ថភាពដឹកនាំរបស់គេតទៅទៀត ហេតុនេះហើយទើបគេត្រូវការមនុស្សចាស់ទុំដូចជាលោក យ៉ុនស៊ុក មកជួយគាំទ្រគេឲ្យនៅកាន់កាប់តំណែងជាអគ្គនាយកបន្ត តែព្រោះរឿងដែលគេរៀបការជាមួយ ដេរ៍ស៊ី ត្រូវបាន យូរ៉ាន់ យកទៅប្រាប់លោក យ៉ុនស៊ុក ធ្វើឲ្យលោកខឹងនឹងគេជាខ្លាំង។ គេបាននិយាយជាមួយលោក យ៉ុនស៊ុក កាលពីព្រឹកមិញរួចហើយ ប៉ុន្តែដូចជាគ្មានសង្ឃឹមថាលោក យ៉ុនស៊ុក និងធ្វើជួយគាំទ្រគេទៀតឡើយ បើគេមិនព្រមធ្វើតាមលក្ខខណ្ឌដែលលោកស្នើរមកឲ្យគេ ហើយលក្ខខណ្ឌនោះគឺ÷
“ ខ្ញុំមិនខ្វល់ថាឯងរៀបការព្រោះតែជួយក្រុមហ៊ុនឬក៏អ្វីទេ តែបើឯងចង់ឲ្យខ្ញុំជួយគាំទ្រឯងឲ្យនៅកាន់តំណែងជាអគ្គនាយកនៃ រ៉ូប៊ីនសុន បន្តតាមបំណងលោកប៉ារបស់ឯងមុនពេលស្លាប់ ឯងត្រូវតែលែងលះជាមួយស្រីម្នាក់នោះស្ងាត់ៗហើយមករៀបការជាមួយកូនស្រីរបស់យើងវិញ ”
« អ្ហើយ...! » ឡូវែល ដកដង្ហើមធំហើយក៏បង្វែលកៅអីងាកមកខាងក្នុងបន្ទប់វិញ ព្រោះទេសភាពខាងក្រៅមិនអាចជួយឲ្យគេឈប់គិតពីរឿងធុញថប់ទាំងអស់នេះបានឡើយ។
ក្រាក!
« ចៅហ្វាយ! បន្ទប់ការិយាល័យរបស់ចៅហ្វាយរៀបចំរួចរាល់ហើយ » លៀម បើកទ្វាចូលមកឈររាយការណ៍នៅពីមុខតុធ្វើការធំទូលាយដែលមានចៅហ្វាយនាយអង្គុយទាំងមុខកង្វល់ខ្លាំង។
« ខ្ញុំដឹងហើយ » ឡូវែល ឆ្លើយតែប៉ុណ្ណឹងហើយក៏ប្រុងអង្គុយនៅបន្ទប់នេះបន្តទៀត។
លៀម ឃើញចៅហ្វាយបែបនេះ ទើបគេគិតថាចៅហ្វាយភ្លេចរឿងដែលឲ្យ ដេរ៍ស៊ីនិងយូរ៉ាន់ ទៅចាំនៅក្នុងបន្ទប់ទទួលភ្លៀវរងចាំចៅហ្វាយទៅដោះស្រាយរឿងពួកនាងបង្កឡើងមុននេះហើយ ទើប លៀម ប្រញាប់រំលឹក។
« ចៅហ្វាយ អ្នកនាង ដេរ៍ស៊ីនិងអ្នកនាងយូរ៉ាន់ នៅអង្គុយចាំចៅហ្វាយនៅក្នុងបន្ទប់ទទួលភ្ញៀវនៅឡើយ ចៅហ្វាយមិនគិតទៅដោះស្រាយរឿងដែលកើតឡើងទេ »
« ប្រាប់ឲ្យ យូរ៉ាន់ ទៅផ្ទះទៅ ចំណែក ដេរ៍ស៊ី ឲ្យនាងនៅចាំទីនោះបន្តទៀត យើងគេងមួយភ្លាមសិន » ឡូវែល បញ្ជាទៅកូនចៅទាំងបិទភ្នែកសម្ងំគេងនៅលើកៅអីធ្វើការ។
« បាទ » លៀម មិនយល់ពីចិត្តគំនិតរបស់ចៅហ្វាយនាយនៅពីនេះទេ តាមកំហឹងដែលចៅហ្វាយរបស់គេមានមុននេះសមតែទៅចាត់ការពួកនាងយ៉ាងចាស់ដៃ ប៉ុន្តែហេតុអ្វីចៅហ្វាយរបស់គេបែរជាដោះលែងពួកនាងយ៉ាងងាយ? តើចៅហ្វាយរបស់គេមានចិត្តធម៌បែបនេះតាំងពីពេលណាមកទៅ?។ លៀម ដើរចេញទៅទាំងលើកដៃអេះក្បាលមិនឈប់ព្រោះគិតមិនយល់ពីគំនិតរបស់ចៅហ្វាយនាយ។
![](https://img.wattpad.com/cover/359204492-288-k792690.jpg)
YOU ARE READING
បញ្ឆោតស្នេហ៍ស្រីល្ងង់(ចប់) សេរីបញ្ឆោតស្នេហ៍វគ្គ១
Romanceដំបូងគេជាសុភាពបុរសជិះសេះសបន្ទាប់មកគេក៏ប្រែក្លាយជាស្តេចបិសាចដ៏កាចសាហាវបំផុតសម្រាប់នាង គេដោះរបាំងមុខសុភាពបុរសរបស់គេចេញនៅពេលទទួលបានគ្រប់យ៉ាងតាមចិត្តប៉ងប្រាថ្នារបស់គេហើយ...ទង្វើល្អៗនិងក្តីស្រលាញ់ដែលគេធ្លាប់និយាយកន្លងមកសុទ្ធតែក្លែងក្លាយ។ ដេរ៍ស៊ី ហាលី នាង...