ရှန့်ချောင် တွေဝေသွားပြီးနောက် ပေ့မင်းဖန်၏ သံသယဝင်နေဟန် အကြည့်အောက်တွင် ပြုံးကာ
"ငါ.... ဟော့ရှီး ရီဟာဇယ်လုပ်တာ ကြည့်ချင်တယ်"
ပေ့မင်းဖန် - "မင်း အချစ်ရေးပေါ်သွားပြီး သူ့ဖန်တွေ ဝိုင်းဆဲတာ ခံချင်လို့လား?"
ရှန့်ချောင် - "ငါက သူ့ဖန်လည်း ဟုတ်တယ်လေ၊ ဖန်တစ်ယောက်က အိုင်ဒေါလ်ရီဟာဇယ် ကြည့်တာ ဘာမှားလို့လဲ?"
ပေ့မင်းဖန် - "........"
ရှန့်ချောင်က နှစ်ချက်မျှ ဖွဖွရယ်လိုက်ပြီး
"ငါ ဘေးကနေပဲ ချောင်းကြည့်မှာ၊ ရှေ့ကို မသွားဘူးလေ"
တင်းကျန် - "သူ့ကို ပေးသွားလိုက်ပါ၊ တရုတ်ပြည်ကို ပြန်လာတုန်းက ဟော့ရှီး ဖျော်ဖြေပွဲကို မကြည့်ရလို့ တချိန်လုံး အဲ့ဒီအကြောင်း တွေးနေတာ"
ပေ့မင်းဖန်က သူမထံ ဒေါသတကြီး လှမ်းကြည့်ကာ စိတ်ရှုပ်ဟန်ဖြင့် လက်ခါပြသည်။
"သွား... သွား... မင်းအပြုအမူကို ဂရုစိုက်"
ရှန့်ချောင်မှာ စိတ်လှုပ်ရှားလွန်းသဖြင့် တင်းကျန်အား ခပ်မြန်မြန် ဆွဲခေါ်သွားသည်။
စတိတ်စင်တဖက်တွက် ဟော့ရှီး၏ 'ဟဲလို၊ ဟဲလို' ဟု မိုက်စမ်းသံကို ကြားနေရသည်။ ရှန့်ချောင်က ဘယ်ဘက်ခြမ်းရှိ ခုံတန်းအစွန်းနားတွင် ဆောင့်ကြောင့်ထိုင်ကာ ချောင်းကြည့်သည်။ စတိတ်စင်ပေါ်တွင် ထသွားထလာဝတ်စုံနှင့် ဦးထုပ်ဆောင်းထားသည့် ဟော့ရှီးက ဒါရိုက်တာထံ 'အိုကေ' ဟု လက်ဟန်ပြလိုက်ကာ တီးလုံးက ချက်ချင်းဆိုသလို စတင်လာသည်။
မီးဆလိုက်များမှာ သူ့အပေါ် စုံပုံဖြာကျလျက်ရှိပြီး နှစ်ဝက်ကြာ မမြင်တွေ့ခဲ့ရသည့်နောက် သူ့ကြွက်သားများမှာ ပို၍ တောင့်တင်းလာသလို လှုပ်ရှားမှုတစ်ခုချင်းစီတိုင်းက ခန့်ညားလွန်းသဖြင့် နေရာတွင်ပင် ပေါက်ကွဲထွက်လာတော့မလို ခံစားရ၏။
ရှန့်ချောင်မျက်ဝန်းတို့ တောက်ပနေသည်မှာ မျက်ဝန်းအကြည့်များထဲမှ ကြယ်ပွင့်တို့ပင် ခုန်ထွက်လာတော့မယောင်။
YOU ARE READING
GTKWF (Myanmar Translation )
RomanceTitle: Get to Know about Wife Fan Author: Chun Dao Han Chapters: 167 chapter This is just a fan translation Credit to original author Start Date - End Date -
Chapter 129
Start from the beginning
