{Unicode}
အပိုင်း ၁၀၇
ရှစ်ရွှမ်းကိုယ်တိုင်သည်လည်း ရှန့်ချောင်နှင့် တူညီသည့် ရှိုးအစီအစဉ်တစ်ခုထဲတွင် တွေ့ဆုံရလိမ့်မည်ဟု မမျှော်လင့်ထားခဲ့ပေ။
သူမနှင့် ရှန့်ချောင်မှာ မတူညီသည့် လမ်းကြောင်းနှစ်ခုပေါ်တွင် တည်ရှိနေသူများဖြစ်သည်။ တစ်ယောက်က ဂီတလမ်းကြောင်းမှ ဖြစ်ပြီး ကျန်တစ်ယောက်မှာ ရုပ်ရှင်နယ်ပယ်မှဖြစ်သည်မို့ တစ်ယောက်နှင့်တစ်ယောက် ယှဉ်ပြိုင်ဖို့ရာ မဖြစ်နိုင်ပေ။ နောက်ဆုံးအကြိမ် အသံသွင်းစတူဒီယို၌ ရှန့်ချောင်ထံမှ ပါးဖြတ်ရိုက်ခံခဲ့ရသည့် အကြိမ်မှလွဲ၍ နှစ်ယောက်သားက မည်သည့်အခြေအနေမျိုး၌မဆို တွေ့ဆုံခဲ့ခြင်း မရှိပေ။
ဤအချိန်ကာလအတောအတွင်း၌ ရှန့်ချောင်နှင့် ပတ်သက်သည့် သတင်းစကားများ တစ်ခုမဟုတ် တစ်ခု ကြားသိရမြဲဖြစ်သည်။ တစ်ခါတစ်ရံ 'လောင်ဖော်ဖန်' အဖြစ်လည်းကောင်း၊ တစ်ခါတစ်ရံ ရှန်ကျွင့်ယီးနှင့် အချစ်ရေးသတင်းထွက်ခြင်းဌာတဖုံ။ ထိုသတင်းများအား ရွံရှာလွန်းသဖြင့် ရှစ်ရွှမ်းက လိုက်လံဖတ်ရှုခဲ့ခြင်းမရှိ။
ကုမ္ပဏီပြောင်းလဲပြီးနောက် ကိစ္စရပ်များအား ပရိုမုဒ်လုပ်ရာ၌ ရှန့်ချောင်က ပို၍ တော်လာသော်လည်း ထိုတူညီသည့် အောက်တန်းကျသည့်နည်းလမ်းများက သူမအပေါ် ပို၍ အထင်သေးစေလာသည်။
မျက်နှာချင်းဆိုင်တွင် ရှန့်ချောင် ရပ်ရင်း ပြုံးပြနေသည်ကို မြင်ရခြင်းမှာ ယင်ကောင်စားမိသူပမာ ရွံ့ရှာလာရသည်။ သို့သော် ကင်မရာရိုက်ကူးမှု စတင်နေပြီဖြစ်ရာ သူမ၏ ပြင်ပပုံရိပ်ဖော်ဆောင်မှုအား ထောက်ထားရမည်ဖြစ်သည်မို့ ရှစ်ရွှမ်းက အပြုံးတုတစ်ခု ဖော်ဆောင်လိုက်သည်။
"တကယ်တိုက်ဆိုင်တာပဲ"
ရှန့်ချောင်က အရောင်ဖျော့သည့် ပေါ့ပေါ့ပါးပါးဝတ်စုံကို ဝတ်ဆင်ထားကာ ခပ်တိုတိုဆံပင်က မေးဖျားထိသာ ရှည်ပြီး ကျောပိုးအိတ်တစ်လုံး လွယ်ထားသည်။ သူမတစ်ကိုယ်လုံးတွင် ငယ်ရွယ်တက်ကြွသည့် အားအင်အပြည့်ဖြစ်ကာ တစ်ဖက်လူအကြည့်မှ ရွံရှာစက်ဆုပ်သည့်အကြည့်ကို အလေးအနက်ထားဟန် မရှိ၏။ ရှန့်ချောင်က ရှစ်ရွှမ်းရှေ့ မျက်နှာချင်းဆိုင် ထိုင်ခုံတွင် ဝင်ထိုင်သည်။
![](https://img.wattpad.com/cover/347509320-288-k405637.jpg)
ВЫ ЧИТАЕТЕ
GTKWF (Myanmar Translation )
Любовные романыTitle: Get to Know about Wife Fan Author: Chun Dao Han Chapters: 167 chapter This is just a fan translation Credit to original author Start Date - End Date -