{Unicode}
အပိုင်း ၇၇
နှလုံးသားထဲ ငြိမ်းချမ်းရေးနှင့် ချစ်ခြင်းမေတ္တာတို့ ပြည့်နှက်နေသည့် ဇွန်ဘီအနေနှင့်၊ ကြယ်ပွင့်နောက်လိုက်သည့် ဇွန်ဘီအနေဖြင့် System ၏ သတိပေးချက်ကို လစ်လျူရှုကာ သူမက ဇွန်ဘီဖြစ်မှန်း မသိဟန်ဆောင်နေရန် ရှန့်ချောင် ဆုံးဖြတ်လိုက်သည်။
ဘာတာဝန်ပဲ လုပ်ရ လုပ်ရ၊ ဘယ်လို ဇာတ်ကြောင်းပဲလာလာ၊ ဟော့ရှီးကို နောက်ဆုံးချိန်ထိ ကာကွယ်နိုင်လျှင် သူမ၏ mission အောင်မြင်လေပြီ။
ဇွန်ဘီက ချစ်ခြင်းမေတ္တာအနည်းငယ် ဖော်ပြနိုင်လျှင် ကမ္ဘာကြီးက လှပသည့် နေရာတစ်ခု ဖြစ်လာပေမည်။
ကားစုတ်ဘေးရှိ သူငယ်ချင်းလေးမှာ သက်ရှိလူများအား စိတ်ဝင်စားပုံရသည်။ သူ့လက်ထဲရှိ ဆက်တင်ပစ္စည်းနှလုံးတုကို လွှင့်ပစ်လိုက်ကာ သူတို့ထံ ယိုင်တိုင်တိုင်ဖြင့် ပြေးလာသည်။
အတုအယောင်မှန်း သိနေသည့်တိုင် ထိုမြင်ကွင်းမှာ အလွန်အမင်း ကြောက်မက်ဖွယ်ကောင်းလှသည်။ Special effect နှင့် မိတ်ကပ်အပြင်အဆင်မှာ အလွန်တရာ ရွံရှာဖွယ် ကောင်းလှသဖြင့် အနီးကပ် မြင်တွေ့ရလျှင် အိပ်မက်ဆိုးပင် မက်စေနိုင်သည်။
ဟော့ရှီး သူမ လက်ကောက်ဝတ်ကို ဆုပ်ကိုင်ကာ ထွက်ပြေးတော့သည်။
မီတာအနည်းငယ်မျှ ပြေးလွှားပြီးသည့်နောက် စုတ်ချာချာအဝတ်အစားများဖြင့် ဇွန်ဘီအုပ်က လမ်းမဘက်မှ ပေါ်ထွက်လာကာ သူတို့ခန္ဓာကိုယ်ကို ခပ်တောင့်တောင့်လှုပ်ရှားရင်း သူမတို့အား ဘက်ပေါင်းစုံမှ ဝန်းရံလိုက်သည်။
ပရိုဂရမ်အဖွဲ့က တကယ့်ကို နှလုံးသားမဲ့လိုက်တာ!!
လက်မောင်းပေါ်ရှိ အသက်တန်ဖိုးကို ညွှန်ပြနေသည့် အီလက်ထရောနစ်မီတာထံမှ သတိပေးသံပေါ်ထွက်လာပြီး သူတို့ရှေ့ရှိ ဇွန်ဘီများမှာ အသက်အန္တရာယ်ပေးနိုင်ကြောင်း သတိပေးလာသည်။
သူမတို့ ထွက်ပြေးရန် လမ်းမရှိပေ။
မြင်ကွင်းမှာ အလွန်တရာစစ်မှန်ပြီး ဇွန်ဘီများက သူမတို့အား အမှန်တကယ် ဝိုင်းပတ်ထားသယောင်။ ကူကယ်ရာမဲ့သည့်ခံစားချက်နှင့် ကြောက်ရွံ့မှုက တဟုန်ထိုး လွှမ်းမိုးလာသည်။
BẠN ĐANG ĐỌC
GTKWF (Myanmar Translation )
Lãng mạnTitle: Get to Know about Wife Fan Author: Chun Dao Han Chapters: 167 chapter This is just a fan translation Credit to original author Start Date - End Date -