GTKWF (Myanmar Translation )

YOU ARE READING

Romance

Title: Get to Know about Wife Fan Author: Chun Dao Han Chapters: 167 chapter This is just a fan translation Credit to original author Start Date - End Date -

#bxg #comedy #doting #modern #romance #showbiz #sliceoflife #transmigration

Chapter 107

Start from the beginning

by Liz_774

သူမတိို့နှစ်ဦးစလုံး ဖုန်းကိုယ်စီသုံးနေကာ စကားပြောဆိုခြင်း မရှိပေ။ သူတို့ဘေးရှိ ဝန်ထမ်းများက အချင်းချင်း လှမ်းကြည့်လာပြီး နှစ်ဦးသားရှိ လေထုအခြေအနေမှာ သဟဇာတဖြစ်မှု မရှိမှန်း နားလည်ကာ နှစ်ဦးကြားတွင် အစိုင်အခဲတစ်ချို့ ရှိမည်ဟု နားလည်သဘောပေါက်သည်။

ကောင်းလိုက်တာ... တမင်တကာ တိုက်ခိုက်တဲ့ ပုံစံမျိုး လုပ်ယူစရာ မလိုတော့ဘူးပေါ့!

အခြားဧည့်သည်များ တစ်ယောက်ပြီး တစ်ယောက် ရောက်ရှိလာကြသည်။

သုံးယောက်မြောက် ရောက်ရှိလာသူမှာ ဟာသသရုပ်ဆောင်တစ်ယောက်ဖြစ်သည်။ သူကား နှစ်သစ်ကူးအကြိုပွဲတော်များတွင် ကြိမ်ဖန်မနည်း ပါဝင်ဆင်နွှဲခဲ့ဖူးပြီး အလွန် ဟာသစကားဆိုတတ်သူဖြစ်သည်။ သူ ရောက်လာသည်နှင့် ချက်ချင်းပင် သူ့ကိုယ်သူ မိတ်ဆက်စကားဆိုလာသည်။

"ကျွန်တော်က ချီလျန်ပါ၊ ချီလျန်တောင်ရဲ့ ကျောရိုးပါ"

သူက အသက်လေးဆယ်နီးပါးရှိပြီဖြစ်ပြီး စကားပြောဆို ရယ်မောလာချိန်တွင် သူ့မျက်နှာထက်၌ အရေးအကြောင်းတို့ ပြည့်နှက်နေသည်။ ရှန့်ချောင်က သူ့ဟာသများ ကြည့်ရသည်ကို သဘောကျသည်မို့ ချက်ချင်းပင် မတ်တပ်ထရပ်ကာ လက်ဆွဲနှုတ်ဆက်သည်။

"ဟဲလို ချီလောင်ရှစ်၊ ကျွန်မက ရှန့်ချောင်ပါ"

"အိုး... ငါ မင်းကို သိတယ်၊ လောင်ဖော်ဖန်မလား?"

ရှန့်ချောင် ရှက်ရွံ့သလို ခံစားလိုက်ရသည်။ ရှစ်ရွှမ်းသည်လည်း ဖုန်းသိမ်းလိုက်ပြီးနောက် ချီလျန်အား ယဉ်ယဉ်ကျေးကျေး နှုတ်ဆက်သည်။ သူမ ပြန်မထိုင်နိုင်ခင်မှာပင် စတုတ္ထမြောက် ဧည့်သည်ရောက်ရှိလာပြီး ယင်းမှာ လီယောင်။

'Starlight Junior' အစီအစဉ် ရိုက်ကူးမှု ပြီးဆုံးသွားချိန်ကတည်းက ရှန့်ချောင် သူနှင့် တွေ့ဆုံခြင်း မရှိခဲ့ပေ။ လီယောင်က စိတ်ဆတ်သူတစ်ဦးဖြစ်ကာ လျှာစောင်းထက်သူတစ်ဦးဖြစ်သည်။ 'Starlight Junior' ရိုက်ကူးနေချိန်အတွင်း သူက ရှန့်ချောင်ထံ စကားတစ်ခွန်းမျှပင် မဆိုခဲ့ဖူးပေ။ သူသည်လည်း ရှန့်ချောင်အား မြင်တွေ့ခြင်းအပေါ် အံ့အားသင့်နေဟန်ရသည်။ နှစ်ဦးသားက သူငယ်ချင်းဖြစ်မလာသည့်တိုင် ပရိုဂရမ်ရိုက်ကူးနေချိန်အတွင်း ကတောက်ကဆဖြစ်ခဲ့ခြင်းမျိုး မရှိချေ။ သူတို့အကြား ဆက်ဆံရေးမှာ လိုက်လျောညီထွေရှိပြီး အသိအကျွမ်းများဟု ဆိုနိုင်သည်။