သန္ဓေပြောင်းလဲခြင်းမီတာမှာ ၁၀၀% သို့ ချက်ချင်းရောက်ရှိသွားရန် ရှန့်ချောင် အမှန်တကယ် မျှော်လင့်မိသည်။ သို့မှသာ သူမ ချစ်ခင်သည့်သူများအား ကာကွယ်နိုင်ပြီး ဇွန်ဘီအုပ်မှ ဖောက်ထွက်နိုင်ပေမည်။
သူတို့နောက်ဘက်တွင် ကုန်စုံဆိုင် တစ်ဆိုင် တည်ရှိသည်။ ထွက်မပြေးနိုင်လျှင် ပုန်းနေရုံသာ။ ဟော့ရှီး သူမကို ဆွဲကာ အတွင်းသို့ ပြေးဝင်လိုက်ပြီး တံခါးပိတ်လိုက်ပြီးနောက် မြေပြင်ပေါ် လဲကျနေသည့် စင်ကို ဆွဲယူကာ တံခါးရှေ့ ခံထားလိုက်သည်။
ဆိုင်မှန်ပြတင်းမှတဆင့် ဇွန်ဘီတစ်ကောင်ပြီး တစ်ကောင် အနားတိုးလာသည်ကို မြင်တွေ့ရကာ သိပ်မကြာလိုက်မှီမှာပင် စတိုးဆိုင်အား ပိတ်ဆို့လိုက်သည်။ ဇွန်ဘီများက ပြတင်းပေါက်ကို မှီကာ မှန်ချပ်များထံ လက်များဖြင့် ရိုက်ပုတ်လာပြီး အချို့မှာ တံခါးကိုပင် လှုပ်ယမ်းလာကာ တစ်ဦးက တစ်ဦးထက်ပို၍ အစစ်အမှန်နှင့် တူလာသည်။
စိတ်အေးအေးထားကြပါဟ!! ဒါက Variety Show လေ!! နင်တို့ Walking Dead ရိုက်နေတာ မဟုတ်ဘူး!!
ပြီးခဲ့သည့် အပိုင်းများ၌ ပရိုဂရမ်အဖွဲ့က ဧည့်သည်များအား ပြေးပေါက်မရှိအောင် ဖိအားပေးလာလျှင် ရှန့်ချောင်က ဒါရိုက်တာအဖွဲ့ အံ့အားသင့်ရလောက်အောင် ထွက်ပေါက်ရအောင် ရှာပေမည်။ သို့ရာတွင် လက်ရှိအချိန်၌ ဟော့ရှီး သူမဘေးရှိနေချိန်တွင် သူမစိတ်အာရုံအလုံးစုံမှာ ဟော့ရှီးထံ နှစ်မြုပ်ထားပြီး အနိုင်ရလိုသည်ထက် သူ့အား ကာကွယ်လိုစိတ်များနေသည်မို့ Bug power မှာ ပိတ်ဆို့ထားခြင်း ခံရသည်။
ရလဒ်အနေဖြင့် ဟော့ရှီးက
"မင်း အာလူးကြော်စားမလား?"
ရှန့်ချောင် - " ??? "
ရိုက်ကူးရေးအဖွဲ့သားများ၏ ဆက်တင်အပြင်အဆင်မှာ အမြဲတစေ စစ်မှန်သည်။ စတိုးဆိုင်အတွင်းရှိ စင်များပေါ်တွင် မုန့်ထုပ်များအပြည့်။ ထုတ်လုပ်သည့်ရက်စွဲကို ကြည့်လျှင် ဒိတ်မအောက်သေး။
ရှန့်ချောင်က တိုးတိုးပြန်ဖြေသည်။
"တစ်ထုပ်လောက်စားတာပေါ့"
BẠN ĐANG ĐỌC
GTKWF (Myanmar Translation )
Lãng mạnTitle: Get to Know about Wife Fan Author: Chun Dao Han Chapters: 167 chapter This is just a fan translation Credit to original author Start Date - End Date -
Chapter 77
Bắt đầu từ đầu