GTKWF (Myanmar Translation )

YOU ARE READING

Romance

Title: Get to Know about Wife Fan Author: Chun Dao Han Chapters: 167 chapter This is just a fan translation Credit to original author Start Date - End Date -

#bxg #comedy #doting #modern #romance #showbiz #sliceoflife #transmigration

Chapter 70.1

Start from the beginning

by Liz_774

သူမ ထိုစကားဆိုပြီးသည်နှင့် လေအေးတချက်တိုက်ခတ်လာကာ ဘေးပတ်လည်တွင် အေးစိမ့်စိမ့်လေများ တိုးဝှေ့လာသည်။ နန်းတွင်းမီးအိမ်များ၏ အလင်းဖျဖျအောက်တွင် မက်မွန်ပွင့်များ လွင့်မျောနေသည်မှာ လူများအား ဝါးမျိုတော့မလို။

ရှန့်ချောင် တုန်တုန်ယင်ယင်ဖြင့် ဆောင့်ကြောင့်ထိုင်လိုက်ကာ ကျီကျားယို့၏ အကျီလက်ကို လှမ်းဆွဲသည်။

"သူ လူထပ်စားတော့မယ်၊ ဘယ်လို လူစားမလဲ ငါ အခုထိ မသိသေးဘူး၊ ဒီတစ်ခေါက် ငါ့အလှည့်တော့ မဟုတ်ဘူးမလား?"

သူတို့နှစ်ယောက်စလုံး နေရာတွင် ရပ်နေကာ မလှုပ်ရဲချေ။ လေထုကား အော်မြည်သံပေးလာသည်။ ခဏအကြာတွင် လေထုထဲမှာ ခပ်သာသာပြုံးနေသည့် အမျိုးသမီးလေသံ ပေါ်ထွက်လာသည်။

"စားပြီးပြီ"

နောက်တခဏတွင် System က ကြေညာသည်။

"ရှန်ကျွင့်ယီး သေဆုံးပြီ"

ရှန့်ချောင်နှင့် ကျီကျားယို့ တစ်ယောက်ကို တစ်ယောက်လှမ်းကြည့်ကာ မိဖုရားနန်းဆောင်ဆီ ဦးတည်ပြေးသည်။ လမ်းမထက်ရှိ မက်မွန်ပွင့်များကို နန်းတွင်းအပျိုတော်များက ရှင်းလင်းနေကြသည်။ ယခင်က လမ်းမထက်ရှိ မက်မွန်ပွင့်များကို ရှန့်ချောင် တစ်ခါမှ အာရုံမစိုက်ဖူးပေ။ သူမ တွေးထင်ခဲ့သည်မှာ ပွင့်ဖတ်များ လေတွင် လွင့်မျောကာ မြေပြင်ပေါ် ကျဆင်းသွားသည်ဟူ၍သာ။ သို့သော် ဤနေရာတွင်တော့ မက်မွန်ပွင့်များကား များပြားလှသည်။

နန်းတွင်းအစေခံက ပွင့်ဖတ်များကို လှည်းကျင်းလျက်ရှိပြီး စင်တီမီတာအနည်းငယ်မျှ မြင့်သည့် မက်မွန်ပွင့် အပုံအဖြစ် စုစည်းထားသည်။

လမ်းတစ်လျှောက်တွင် ရှန့်ချောင် မက်မွန်ပွင့် အပုံ အတော်များများကို မြင်ရသည်။

သူမတို့နှစ်ယောက် မိဖုရားနန်းဆောင်ထံ ရောက်ရှိချိန်တွင် အတွင်းဘက်တွင် တိတ်ဆိတ်ငြိမ်းအေးလျက်ရှိသည်။

မိဖုရားမှာ သလွန်တော် ကိုယ်တဝက်လဲလျောင်းနေကာ ပင်ပန်းနွမ်းနယ်နေပုံရကာ သူမဘေးရှိ အစေခံက ယပ်ခတ်ပေးလျက်ရှိသည်။