ရှန့်ချောင် ဖန်ကလပ်အကောင့်ထံ ဝင်ကြည့်ပြီးနောက် ဖူဆောရီးအကောင့်ထဲ ဝင်လိုက်သည်။ ဟော့ရှီးထောက်ခံသူများအဖွဲ့ ဂရုချက်အားလုံး၏ မက်ဆေ့ချ်များမှာ 999+ ဖြစ်သည်။ သူမ ဝင်ကြည့်ချိန်တွင် လူတိုင်းက တက်တက်ကြွကြွဖြင့် မနက်ဖြန်ကျင်းပမည့် ချောင်ရင်းပွဲတော်အကြောင်း ဆွေးနွေးနေသည်။
ချောင်ရင်း (潮音）ပွဲတော်မှာ နှစ်စဉ်နှစ်တိုင်း ခမ်းနားစွာ ကျင်းပသည့် ဂီတပွဲတော်ဖြစ်သည်။ နှစ်စဉ်နှစ်တိုင်း ထိပ်တန်းအဆိုတော်များ၊ ထုတ်လုပ်ရေးကုမ္ပဏီများ ပါဝင်ဆင်နွှဲရန် ဖိတ်ခေါ်ခြင်း ခံရသည်။ နှစ်တိုင်းပင် မြောက်များစွာသော အဆိုကျော်များက ဤစတိတ်စင်ပေါ်တွင် လာရောက်ဖျော်ဖြေကြပြီး နာမည်ကျော်သွားသည့် သီချင်းအချို့ပင် ရှိခဲ့ဖူးသည်။
ရှန့်ချောင် ဂရုချက်ထဲတွင် ဟဲလိုဟု နှုတ်ဆက်စကားဆိုလိုက်သည်။ သူမ အွန်လိုင်းဖြစ်နေမှန်း လူတိုင်း သတိထားမိသွားကာ အားတက်သရော မေးမြန်းလာသည်။
"အားဖူ၊ မနက်ဖြန်ည နင်သွားမှာလား?"
အားဖူ - "ငါ ငိုနေပြီ၊ ဒါပေမယ့် သွားလို့ မရဘူး"
ချင်ရှူး - "နင့်အတွက် စိတ်မကောင်းဖြစ်သွားပြီ၊ မနက်ဖြန်ညကျ ငါ့ကောကောရဲ့ သီချင်းအသစ်နဲ့ လိုက်ကမှာ!! လက်မှတ်ရောင်းမယ့်ဆီက ခွဲတမ်းက အစောင် ၅၀၀၀ ထိ တိုးထားတယ်"
ဟော့ဟော့ - "သီချင်းအသစ်ရဲ့ ကကွက်စီစဉ်တဲ့သူက ကျုံးကော်ရဲ့ ထိပ်တန်း ဟစ်ဟော့စတူဒီယို DG နော်၊ တွေးတောင်မတွေးရဲဘူး၊ အတွေးနဲ့ လန့်သေသွားမှာစိုးလို့"
အားဖူ - "နင်တို့အားလုံးသွားကြမှာလား?"
ချင်ဖုန်း - "ကျိန်းသေသွားရမှာပေါ့!! သီချင်းအသစ်ကို ပထမဆုံး စင်ပေါ်မှာ ဖျော်ဖြေမှာ! ခြေထောက်ကျိုးနေရင်တောင် ခန်းမထဲဆီ တွားသွားဝင်ရမှာပဲ!!"
အားဖူ - "အားးးး အားးး မနာလိုလိုက်တာ!! ဒါဆို ငါ့အတွက် ဗီဒီယို ရိုက်ခဲ့ပေးဖို့ မမေ့နဲ့နော်!"
ချင်ရှူး - "Pat, Pat, Pat, ကျိန်းသေပေါက် ဓါတ်ပုံလည်း ရိုက်ရမယ်! အတူတူ ပြင်ရမှာပေါ့!!"
YOU ARE READING
GTKWF (Myanmar Translation )
RomanceTitle: Get to Know about Wife Fan Author: Chun Dao Han Chapters: 167 chapter This is just a fan translation Credit to original author Start Date - End Date -
Chapter 64.1
Start from the beginning
