GTKWF (Myanmar Translation )

DU LIEST GERADE

Romantik

Title: Get to Know about Wife Fan Author: Chun Dao Han Chapters: 167 chapter This is just a fan translation Credit to original author Start Date - End Date -

#bxg #comedy #doting #modern #romance #showbiz #sliceoflife #transmigration

Chapter 49

Beginne am Anfang

von Liz_774

လဲ့ရှောင် - "ဘာလဲ?"

ရှန့်ချောင် - "မတူညီတဲ့ အိုင်ဒေါလ်တွေ ရှိနေတာပဲ"

လဲ့ရှောင် - "....."

(ဒီမှာ နင်တစ်ယောက်တည်း ရှီးကွမ်းဆိုတာ နင် မမြင်နိုင်ဘူးလား?)

ပဲရစ်တွင် ရှိုးပွဲလျှောက်ရန် ရောက်ရှိနေသည့် ဖုန်ဝေးသည်ပင် နိုင်ငံခြားကောလ် ခေါ်လာကာ သူမဇာတိမြို့ရှိ မိဘများကို တောတောင်ထဲရှိ ဘုံကျောင်းထံမှ ဝိညာဉ်စွမ်းအားဖြင့် မန်းမှုတ်ထားသော အဆောင်ကို ယူခိုင်းရမလား မေးမြန်းလာသည်။

တခန်းလုံးပြည့်နှက်နေသည့် သရဲနှင်ပစ္စည်းများကို ရှန့်ချောင် လှမ်းကြည့်ကာ ငြင်းဆန်လိုက်သည်။

ညနေစောင်းတွင် သူမ ပါဆယ်ထုပ်တစ်ခု လက်ခံရရှိကာ အထဲတွင် အထက်တန်းကျောင်း နိုင်ငံရေးဖတ်စာစာအုပ် ပါဝင်သည်။ ဖတ်စာအုပ်တွင် ရေးထိုးထားသည့်နာမည်မှာ 'လုရီဟန်' ဖြစ်ပြီး ခေါင်းစဉ်စာမျက်နှာတွင် ကွဲပြားသည့် လက်ရေးများဖြင့် ရေးသားထားသည့် နာမည်တို့ ပြည့်နှက်နေသည်။

ရှန့်ချောင် - "???"

သိပ်မကြာခင်မှာပင် လုရီဟန် ဖုန်းခေါ်လာကာ စိတ်လှုပ်ရှားတကြီး မေးမြန်းလာသည်။

"အစ်မချောင် အစ်မအတွက် ကျွန်တော်တို့ အတန်းထဲက ကောင်လေးတွေ ပြင်ပေးလိုက်တဲ့ နိုင်ငံရေးဖတ်စာစာအုပ် ရပြီလား? ကျွန်တော်တို့ အတန်းထဲက ယောကျ်ားလေးအားလုံး လက်မှတ်ထိုးထားတာ၊ ဒါက ယန်ဓါတ်ပြည့်နေတဲ့ စာအုပ်နော်!! မကောင်းတဲ့ ဝိညာဉ်တွေကို ဖယ်ပေးနိုင်ရုံမကဘူး၊ အခြေခံစည်းကမ်းချက်က ဘာတွေလဲ အစ်မ မေ့သွားရင်း စာအုပ်လှန်ကြည့်လို့ ရတယ်"

ရှန့်ချောင် - "လုရီဟန်၊ ဒီတလော နင် သင်္ချာအိမ်စာလုပ်ရတာ နည်းနေတယ် ဟုတ်လား?"

လုရီဟန် - "ဟမ်"

.........

.....

'Starlight Junior' အတွက် ဒီတစ်ခေါက်အပိုင်း ရိုက်ကူးရေးပြီးလျှင် ရှန့်ချောင်က ထိုင်းနိုင်ငံသို့ ထွက်ခွါပေမည်။ သူမနှင့်အတူ တင်းကျန်နှင့် ကျိုးခန် လိုက်သွားရန် ပေ့မင်းဖန်က စီစဉ်ထားသည်။ သူမအဖော်အဖြစ် ယောကျ်ားတစ်ယောက်၊ မိန်းမတစ်ယောက် လိုက်ပါခြင်းက ပိုအဆင်ပြေလေသည်။