ရှန့်ချောင် တိုက်တွန်းလိုက်သည်။
"မြန်မြန်လုပ်! ရိုက်ကူးရေးအဖွဲ့သားတွေ မမြင်စေနဲ့"
ဟော့ရှီး ဓါတ်ပုံကို ယူကာ သူ့နာမည်ကို လက်မှတ်ထိုးလိုက်သည်။ ရှန့်ချောင်က ထပ်ပေါင်းဆိုလိုက်သည်။
"ဒီမှာ အသဲပုံဆွဲပေး"
ဟော့ရှီး - ? ?
သူ ဆွဲပြီးသည်နှင့် တံခါးလက်ကိုင်လှည့်သံကို ကြားလိုက်ရသည်။ ရှန့်ချောင် ခပ်မြန်မြန်တုံ့ပြန်လာသည်။ သူမ ဓါတ်ပုံကို ဆွဲယူကာ နောက်လှည့်ပြီး ကုတင်ဆီပြေးသွားကာ သူမ၏ ဆုလာဘ်ကို ခေါင်းအုံးအောက် ထိုးထည့်လိုက်သည်။ ထို့နောက် သူမ ပြန်လှဲနေပုံမှာ အခုမှ နိုးလာဟန်ဖြစ်ပြီး ဘာမှမဖြစ်ခဲ့သလိုပင်။
ဟော့ရှီး - "....."
ကျုံးရှန်းက အရင်ဝင်လာကာ လဲ့ရှောင်နှင့် လုရီဟန်က ရှန့်ချောင်အတွက် စွပ်ပြုတ်ထည့်ထားသည့် ဓါတ်ဘူးကိုင်လာသည်။ သူမနိုးနေသည်ကို မြင်သည်နှင့် သုံးယောက်လုံးက သူတို့စိုးရိမ်မှုကို ဖော်ပြလာသည်။
ထိုအချိန်တွင် ရိုက်ကူးရေးအဖွဲ့သားများက နောက်မှလိုက်လာကာ တိုက်ရိုက်ထုတ်လွှင့်မှု စတင်သည်။
ကျုံးရှန်းက ကုတင်ဘေးတွင် ထိုင်ကာ ရှန့်ချောင်ခေါင်းကို ပုတ်လိုက်သည်။
"နင် ဘာဖြစ်နေတာလဲ? နင့်ကိုယ်နင် ခရမ်းသီးနဲ့ မတည့်မှန်း မသိဘူးလား? ပြီးခဲ့တဲ့တစ်ခေါက်က ငါတို့ စျေးမှာ ခရမ်းသီးအများကြီး ဝယ်လာတာ!! ကံကောင်းလို့ မစားရသေးလို့!!"
သူမ ခရမ်းသီး အမြောက်အများဝယ်လာခြင်းမှာ ဟော့ရှီး ကြိုက်၍ ဖြစ်သည်။ ရှန့်ချောင် ခန္ဓာကိုယ်က ခရမ်းသီးနှင့် မတည့်မှန်း သူမ မသိချေ။ ချောင်ချောင် အပြစ်လုပ်ခံရသူပမာ ခံစားလိုက်ရသည်။
လဲ့ရှောင်က ကျုံးရှန်းကို တွန်းထုတ်လိုက်သည်။
"နင် ဘာလို့ သူ့ကို တို့နေတာလဲ? နင် ဘာလို့ ချောင်ချောင် ခေါင်းကို ပုတ်နေတာလဲ?"
သူမက စွပ်ပြုတ်ယူလာကာ
"ချောင်ချောင်၊ စွပ်ပြုတ်နည်းနည်းသောက်လိုက်"
YOU ARE READING
GTKWF (Myanmar Translation )
RomanceTitle: Get to Know about Wife Fan Author: Chun Dao Han Chapters: 167 chapter This is just a fan translation Credit to original author Start Date - End Date -
Chapter 24
Start from the beginning
