لقتهم واخيرا وهم اللي كانوا مستغربين وايش مطلعها ذي، ناظرها برق وانصدم من دموعها وعرقها وتقدم يركض لها ووصل لعندها ومسك اكتافها وهو يقول : إسراء فيك شي؟ امي فيها شي ؟ احد فيه شي؟ تكلمممي!!!.
رفعت رأسها لبرق وقالت : هيا بتولد وماهي قادره تمشي ، فز قلب ياسر وركض لداخل وأول ماشافها وده ينهار جنبها بس امه قالت : يالله يا ياسر مو وقت دراما.
وبالفعل شالها بسرعه وركبها للسياره ولحقهم مطلق وراحت معهم العمه نوره ولفت وقالت : إسراء خلك لاتجين برق تعال معنا بسرعه ، ركض برق وركب معهم وكان الكل خايف .
▪︎في السياره :
انطلق ياسر بأسرع ماعنده وابوه يحاول يهديه لأنهم بطريق سفر وبيمسكون خط للرياض والرياض شوي بعيده ، كان التوتر موجود وصوت بكا هيا يزيد توتره .
ومابين خوف وتوتر وسرعته المتهوره بالسواقه اغمى عليها ، فز قلبه من مكانه اول ماسمع امه تقول : اغمى عليها اسرع ، انطلق يسرع وطبّق الطبلون على اخر شي والحمد لله وصل بعد عشر دقايق .
واول ماوصلوا نزل برق بسرعه وصرخ : حاله ولاده عندنا حالة ولاده ، ركضوا الممرضات واخذوا هيا ودخلوا بها قسم الطوارئ ومنعوا احد يدخل .
وقف ياسر برا والخوف يأكل اعصابه، تقدم له برق ورجعه على ورا وقال : ريح شوي ان شاء الله مافيها إلا كل خير ، سكت ياسر وما تكلم ، لف برق على امه اللي كانت هاديه وابوه اللي كان متوتر.
وبعد مرور ساعه تقريبآ، تقدم برق لأمه ويبي يلطف الجو وقال : يمه ايش وظيفتي الحين؟ ، العمه نوره : بس ابغى اتفرج عليك ، ضحك برق غصباً عنه ولف على الباب اللي طلعت منه الدكتوره وهي مبتسمه وقالت : الف مبروك ماجاكم وتتربى بعزكم ان شاء الله .
مطلق : يعني بنت؟؟ ، الدكتوره : أي بنت ، وقف ياسر متوتر وسأل:هيا فيها شي ؟ صار لها شي ؟ ، الدكتوره: هيا سليمه والطفله سليمه تقدر تشوفها بعد ما انقلها لغرفه خاصه.
اتسعت ابتسامته لما عرف ان هيا بخير وابتسم ابوه بهدوء وقرب برق وحضنه وهو يقول بمزح : والله وصرت ابو يابزر ، ضحك ياسر وقال : بمشيها لك الحين ، مدّ برق شفايفه وهو يقول : لو ادري ان ولادتها بتسوي فيك زي كذا كان ولدتها من زمان .
ضحك ياسر وضرب كتف برق اللي كان فاطس من الضحك وجلس يوصف له شكله وكيف كان خوفه على هيا .
وعند مطلق ونوره اللي كانوا يطالعونهم قال مطلق : شفيك سرحتي يانوره؟ ، ابتسمت نوره وقالت : الله لايخلينا من هالضحكات .
▪︎في المخيم :
كانوا كلهم جالسين ينتظرون أي اتصال وكان رائد واقف برا عشان يلقط الابراج وبالفعل اتصل عليهم مطلق ورد بسرعه وصرخ للي داخل : اتصل اتصل خالي اتصل .
YOU ARE READING
البَرْق يَبْرُقْ وَالتْرَفّ هَمْاَلِيٍ
Poetryرواية سعودية🇸🇦 الكاتِبة :سُلاف آل حمدان حسابي التيّك : sul_afah 《لا أُبيح نقل الرواية او الاقتباس منها》
▪︎03▪︎
Start from the beginning
